NENGSEKHI 112:4 - AMÜSA BAIBEL (BSI)

⁴ Nyitsarü atsa, yanglilüm, amüi ko yuje kehba nengdang, amarürah la atsingsenü visanung.

NENGSEKHI 112:4 Iomraidhean Croise

JOB 11:17

Nü akang tsü nyüthungla nyüdhsa tenü avisau kangnung, ko akangla amarürah-uba bekhyah tsü wawala kyo vinung.

JOB 22:28

Nühnü nguchicho apüm la akoh ngunung, ko nü langla atsingse vinung.

JOB 29:3

Hütsüde lede Tsingrangba Ite licho, ko Ih amarürah khu tsehde avisa jücho.

NENGSEKHI 106:1

Abüdongba seing! Abüdongba khyang anengse jüng, tunüo Abi atsa lile; Abi amüi achangka mühle.

NENGSEKHI 116:5

Abüdongba tsü yanglilüm ko atsa; Ihsa Tsingrang tsü dhsa lümjüba lile.

NENGSEKHI 145:17

Abüdongba Nü nguchi apüm Amüsa, Abi nguchi apüm la yanglilüm lile.

NENGSEKHI 37:6

Abinü nüh Amüsaba nyüthung nyü kyo kangsohnung.

NENGSEKHI 97:11

Avisanü Amüsarü chah here, ko atsarü chah akünyang rore.

CHOYOH 21:21

Sünü Amüsaba ko amüi yangchiro, abinü akang ko adhichi ngure.

ISAYA 50:10

Nührü Abüdongba tsurü apüm, ko Abi dikehrü yu nyirü apüm, nührü lang tsü amarürah thsanung kohle, ta Abüdongba chah longlang, Tsingrangba chah dümpieng.

ISAYA 58:10

yangseh lirü khyang yangtüpkhang ko chongcharü trokhang, nührü mükang liba amarürah tsünü nyüthung avisa kyo kangnung.

ISAYA 58:8

“Hütsütakhang, nührü chah I akünyang anyangnyü nyü kyo vinung, ko nührü madhsa zah kyangnung. Nührü khümchonung Ih nührü te lede linung; Ih nührü te liba tsünü apümlang nührü tsungtinung.

MALAKI 4:2

Ta nührü I yocho nyirü, nyü kyo Ih akhümcho zii nührü chah chüronung ko nyüjing roh-i akyangba hirojünung. Misü kuh lanü aza lehcheh müthehcho roh-i nührü thsatsa tsanung ko künyangnung.

YUSE ATSA LUK 6:36

Nührü Aunü yanglilümcho roh-i nührünüsü yanglilüm.

JOHAN 12:46

I chah yudsirü müipi amala mülisohnung nengdang, Ih atsingse roh-i limih yang rocho.

EFESIARÜ 4:32

Hütsü mülih, nührü khüdunü khüdu te müita ko kangli tsata lieng, ko Tsingrangba-nü Khrista khu mülang pehjücho kyo, nührü khüdunü khüdu mülang pehjütaang.

EFESIARÜ 5:15

Hütsüeko nührünü müzahmüki akang lieng. Amümüdherü roh-i tüli, ta lümlong lirü kyo lieng.

EFESIARÜ 5:9

tunüo atsingse tsünü atsa, amüsaba ko yuje chürosohre.

1 JOHAN 2:29

Khrista tsü amüsabaepü nührünü müdhele; khang sürünü tu yuje hütsü nguchiro, arüh tsü Tsingrangba tsurüepü nührünü müdhebae.

1 JOHAN 3:10

Hinü Tsingrangba tsurü ko motsing tsurü adukah tsidsajüre: sünü yuje tsü münguchiro ko ajünirü mümüiro abi Tsingrangba tsurü mah.

1 JOHAN 3:7

Sünüsü nüh tüthsüyohchüsoh, I tsurüti! Sünü yuje tsü nguchiro abi Khrista kyo müsa lile.