NENGSEKHI 112:1 - AMÜSA BAIBEL (BSI)

¹ Abüdongba seing! Sünü Abüdongba drüro, Sünü Abi yuzengti bichinungla künyangro abi akünyangnung.

NENGSEKHI 112:1 Iomraidhean Croise

1 YANGTHSARÜTI 18:3

Hütsünü Ahab-nü yangthsaba kuh xükümba Obadia dsicho. (Obadia tsü Abüdongba khakhuchü mübürü thsacho,

NENGSEKHI 111:1

Abüdongba seing! Abi müyurü ashimükhongla I lasih apümnü Ihnü Abüdongba senung.

NENGSEKHI 111:10

Abüdongba drüba tsü lümlong adikeh lile; hütsü bichirü atümung khyang anyichehba atsa jüre. Abi achangka müli seing.

NENGSEKHI 119:14

Kuthsi khütang licho tenü Nü yuzeng bichinungla Ih künyangre.

NENGSEKHI 119:143

Chongcha ko alümxünü Ih jengko, ta Nü yuzengnü I khyang akünyang jüre.

NENGSEKHI 119:16

Nü yuzeng la Ih künyangre; Nü yuzeng Ihnü münbüchünung.

NENGSEKHI 119:35

Nü yuzengte yochonyi Ih yohpüjüng, tunüo hütsüla I akünyang ngure.

NENGSEKHI 119:97

Ihnü Nü yuzeng khütoh-i müiro! Ihnü mükhyang hütsü nengdang lümdhingre.

NENGSEKHI 128:1

Sürünü Abüdongba yocho nyiro, sürünü Abi yuzeng bichiro arüh amüwanung.

NENGSEKHI 145:19

Sürünü Abi dhichiro arüh dhsütah Abinü chixire; Abinü arüh züdecho yuchire ko arüh khümchore.

NENGSEKHI 147:1

Abüdongba seing! Ihsa Tsingrang te nengsekhi thsanung tsü atsa; Abi senung tsü akünyangnung ko athsalang.

NENGSEKHI 150:1

Abüdongba seing! Amübükuh la Tsingrangba seing! Ningwümla liba abi zii shulüm abi seing!

NENGSEKHI 40:8

Nü lümcho nguchinung Ihnü khütoh-i müiro, I Tsingrang! Ihnü Nü docho I lasih la yohpüre.”

NÜCHEHCHO 1:21

Hütsüta Israelrü tsü mütozah sucheh ko rezeh kangcho.

THSINGYURÜ 8:12

Münyirü khüdunü thsihpili yuzeng thsangnyangpü adesü lidure. Ho yuje, arühnü yoba tsü Ihnü müdhele: “Nühnü Tsingrangba yocho nyikhang, lüpcho tsapenung,

ISAYA 50:10

Nührü Abüdongba tsurü apüm, ko Abi dikehrü yu nyirü apüm, nührü lang tsü amarürah thsanung kohle, ta Abüdongba chah longlang, Tsingrangba chah dümpieng.

YUSE ATSA LUK 1:50

Shangnü shang sürünü abi jengreng drüro abinü arüh te chomangre.

ROMRÜ 7:22

I lasih la Ihnü Tsingrangba yuzeng la künyangre.

ROMRÜ 8:6

Shutsa nengdang lümba tsü asüba; ta Anbü nengdang lümba tsü akang ko atbachi lile.

AZIKA YU 28:3

“Abüdongba-nü nührü yangdi ko luh müwajünung.