NENGSEKHI 11:4 - AMÜSA BAIBEL (BSI)

⁴ Abüdongba tsü Amüsa amübükuh la lile; ninglanglih la Abi pümji lile. Abinü apümlang nyitsarü dhingyehre ko arühnü nguchicho müdhere.

NENGSEKHI 11:4 Iomraidhean Croise

1 ROHTHÜP 17:5

Ihnü Ijip lanü Israelrü nücheh nyümonglanü chünye chii, Ih khodesü amübükuh la müli; Ih lede shükuh la du müdüm papa la lii rore.

2 ROHTHÜP 16:9

Abüdongba-nü limih apüm dee tsa dhingyehre, sürü lasih Abi khyang jüro arüh khyang Abinü re jüre. Nühnü müsithsa nguchiko, hütsünü ade tinü nüh lede chita du linung.”

JOB 24:23

Tsingrangba-nü abi khümcho lisohnung kohle, ta abi chah lede anah jüre.

NENGSEKHI 103:19

Abüdongba-nü Abi pümji ninglang yohpüko; Abi atümung michah yangthsaba.

NENGSEKHI 113:5

Abüdongba Ihsa Tsingrang kyo süsü mühle. Abi khütang athsengla lire;

NENGSEKHI 139:23

O Tsingrang, Ih thsadsüng ko I lasih müdheing; Ih düzodhing ko I lümlong rangchehng.

NENGSEKHI 14:2

Anyichehrü ko Tsingrangba mübürü khürü dusü li a mahnangpü yangchinung Abüdongba-nü ninglangnü amüi tsurü chahchü dhingre.

NENGSEKHI 18:6

I chongchala Abüdongba te dsicho; arüku nengdang Ihnü I Tsingrang te dsicho. Abi amübükuh lanü Abinü I yuva yuchicho; atroba nengdang Ihnü züdecho Abinü yuchicho.

NENGSEKHI 2:4

Ninglang Yangthsaba pümji lanü Abüdongba-nü münyodhingre ko arüh rah müthsamünyüre.

NENGSEKHI 33:13

Abüdongba-nü ninglangnü dhingchahchüre; ko amüi tsurü atümung ngure.

NENGSEKHI 44:21

Nühnü hütsü rangchehpü libae, tunüo Nühnü ihrü arang lümlong müdhele.

NENGSEKHI 66:7

Abinü müchangkapü Abi renü yangthsare, ko yuchoti michah Abinü dhingyehre. Abi nyümrü tüchürosoh.

NENGSEKHI 9:11

Zion la yangthsabong Abüdongba nengse khi thsaang! Liküp te Abinü nguchicho young!

CHOYOH 15:3

Abüdongba-nü apümlang tikehcho ngure; atsa amütsa nguchicho apüm Abinü Ihsa dhingyale.

ISAYA 66:1

Abüdongba-nü yore, “Ning I pümji ko alih I jing jükehji. Khang, I khyang kuh khütari thsajünung, Ih khütarila lisohnung?

JEREMIA 17:10

Ih, Abüdongba-nü nyitsarü lümlong yangchire; ko lasiking thsadsüre. Nyitsarü mükhu abürü licho aichi bichire, abi nguchi aichi.”

JEREMIA 23:24

Ihnü müngunungthsa sünüsü rangnung mükoh. Ninglang ko alih la Ih apümlang lirepü nührünü mümüdhe ang?

MIKA 1:2

Hi nyieng, nührü yucho apüm; hi nyieng, limih chah lirü atümung! Akohba Abüdongba-nü nührü nyüm yuzi jünung. Nyieng! Abinü ninglangrü amübükuh lanü chore.

HABAKUK 2:20

Abüdongba Abi amüsa Amübükuh la lile! Alih la lirü atümungnü abi bete sahmüthsa lieng.

ZEKARIA 2:13

Atümungnü Abüdongba bete sahmüthsa lieng, tunüo Abi Amüsa alichahnü rore.

MATHI 23:21

ko khode amübükuhnü yuchümnang, abinü hütsünü ko Tsingrangba, sü hütsüla liro, abi nengla yuchümre:

MATHI 5:34

Ta adelü Ihnü nührü te yore: nühnü lango nyengchode tsuyuchüm tüthsa. Ninglang dangchi tüyuchüm, tunüo hütsü Tsingrangba pümji;

RIWÜRÜTI NGUCHI 7:49

“‘Ning I pümji ko alimih I jing jükehji. Abüdongba-nü yore. Nühnü I khyang khütari kuh thsajünung? I linung müdüm khüde liro?

2 TESALONIKARÜ 2:4

Abinü tsingrangepü dsiba ko mübüba kohro apüm nyüm yanung ko arüh atümung michah apu amichahba kangnung. Abinü Tsingrangba amübükuh la züdu pümnung ko apu jangjang tsingrangbaepü yonung.

IBRIRÜ 4:13

Tsingrangba tenü rangnung tusü mühle; athricho lüpcho abi nah te misha lile. Ko abi te Ihsa atümung palu nguchi hüm nguchisohnung lile.

MISHACHO 4:2

Hütsüde Anbünü Ih jengcho. Ninglang yanglih la tsü yangthsarü pümji khüdu chah nyüh khüdu püm ngucho.