NENGSEKHI 100:3 - AMÜSA BAIBEL (BSI)

³ Abüdongba tsü Tsingrangbaepü müdheing. Abinü Ihsa thricho ko Ihsa Abi yo; Ihsa Abi müyurü, Ihsa Abi santi.

NENGSEKHI 100:3 Iomraidhean Croise

2 YANGTHSARÜTI 19:19

Ade, Abüdongba ihrü Tsingrang, limih apümnü Nüh du tsü Tsingrangepü müdhenungthsa, Assyriarü khehlanü ihrü khümchoung.”

1 ROHTHÜP 16:14

Abüdongba Ihsa Tsingrang; Abi yuzeng tsü limih apüm nengdang.

JOB 10:3

Nüh hitoh-i kurahnung athsalang mah-o? Nüpunü thricho mükhimüngunung ang? Ko amütsarü lümchung la mitbhü münyünung ang?

NENGSEKHI 119:73

Nühnü Ih thricho ko khümcho yohpücho; Nü yuzeng nyichonungthsa I khyang anyichehba jüng.

NENGSEKHI 12:4

“Ihrünü mürucho ihrü yunü ngure; Ihrünü tu lümnang hütsü chonung, ko sünüsü ihrü yatinung mükoh” pü choba akükhing be tsü hümtijüng.

NENGSEKHI 149:2

Künyang, Israel, nührü külüpbong nengla; Künyang, Zion nyitsarüti, nührü yangthsaba nengla!

NENGSEKHI 46:10

Abinü yore, “Khata zahng” ko yanglihti yola adiuba, limih chah adiuba, Tsingrang Ih-epü müdheing.

NENGSEKHI 78:52

Hütsüpü Abinü san-nyahrünü kyo Abi nyitsarü nüchehcho ko lipilih khu nücho.

NENGSEKHI 79:13

Hütsüde, ihrü Nü nyitsarü, Nü san nyahrütinü müchangkapü Nü khyang nengse jünung ko aronung shang apüm la Nüh senung.

NENGSEKHI 95:3

Tunüo Abüdongba tsü akohba Tsingrang lile, tsingrangti apüm michah Akohba yangthsaba.

NÜCHEHCHO 6:7

Ihnü nührü Ipu nyitsarü kangsohnung ko Ih nührü Tsingrang kangnung. Ko Ihnü nührü Ijiprü ayurü suro lanü nüchehde, nührünü Ih nührü Tsingrang Abüdongba epü müdhenung.

THSINGYURÜ 12:1

Hütsüeko nüh kunu thsa lide nü Külüprü lümcheng, mahkhang amütsaba nyümong ko kang ronung, hütsüde nühnü yonung, “Akang linung alongnyüpnung mühle.”

ISAYA 63:11

Ta hütsüpü arühnü atsichola Abüdongba dikehrü Mosa chichah lümchehcho, ko arühnü tsingdhingcho, “Kihdi lanü langnürüti khümchoba Abüdongba sü khülo? Mosa khyang Abi Anbü jüba Abüdongba sü khülo?

ISAYA 63:19

Khodesü Nüh ihrü yangthsarü müthsacho roh-i, khodesü Nü nyitsarü müthsacho kyo, Nühnü ihrü bichicho.

ISAYA 64:7

Sünüsü dangkhidangnang Nüh yang müximüla; sünüsü Nüh yang arüku nengdang müro. Ihrü münyi ngang Nühnü ihrü thrüchahchüpehcho, ko ihrü tenü rang licho.

JEREMIA 10:10

Ta Abüdongba, Nühlü yuje Tsingrang, Nüh akang liba Tsingrang ko achangka müliba yangthsaba. Nü rihlong chürode, limih dhridhrire; yuchotinü Nü rihlong mürangcho.

EZEKIEL 34:11

“Ih, Amichah-uba Abüdongba-nü nührü te yore, san-nyahrünü abi san tsisho liba xükümcho ko thali nübülungcho kyo, I punü I santi yangchinung ko xükümnung.

JOHAN 17:3

Ko müchangkaba akang adüzü yujeba Tsingrang, ko nühnü riwüsohba Jisu Khrista müdhenung.

2 KORINTRÜ 4:6

Tsingrangba sünü, “Ama lanü atsingse vieng” pü yoba apu tsünü Khrista romih chah Tsingrangba ahechi tehkehba tsü müdhesohnung Ihsa lasih la apu atsingse hekehsohcho.

EFESIARÜ 2:10

Tsingrangba-nü Ihsa ade khüta liro, hütsü roh-i thricho, ko abinü Khrista la nguchi atsa akang nengdang Ihsa thricho khüi Ihsa khyang nguchisohnung abinü rungnümjung licho.

AZIKA YU 32:15

“Abüdongba müyurü alirü kangcho ta anyümrü; tsuyongnungnü arüh shukeh küwümcho. Arühnü Tsingrangba arüh külüprü pehcho, arüh khümchorü mükhyücho.

AZIKA YU 32:6

Abüdongba hiroh-i bichinung do? Nührü amüsithsa ko lümlong müli nyitsarü. Abi nührü au, nührü külüpbong, Abinü nührü yucho khüdu kangsohcho.”

AZIKA YU 4:35

Apa tsingrang mühle ko Tsingrangba tsü Abi duepü nührü te ngusohnung nengdang Abüdongba-nü hi nguchicho.

AZIKA YU 4:39

Hütsüeko chünye hi lümchehng ko khodesü tünbüchü: Abüdongba tsü ninglih Tsingrang. Apa Tsingrang mühle.

AZIKA YU 7:9

Abüdongba nührü Tsingrang du tsü yuje ko longlangchehba Tsingrangepü lümkehng. Abinü Abi azengtacho yohpünung ko sünü Abi müiro ko Abi yuzeng bichiro, Abinü shang hajar adrong Abi amüthrehba amüi ngusohnung,

1 PETER 2:25

Nührü thrümeh tsiba san kyo licho, ta adelü nührü San Nyahrü ko nührü nbü dhingyehrü yang thali roko.

1 PETER 2:9

Ta nührü athrochehcho yucho, yangthsaba bebürüti, amüsa yanglih, Tsingrangba apu nyitsarü, abi anyemüyangnung nguchi sobhosohnung throchehcho, sünü nührü ama lanü apu anyemüyangnung atsingse yang dsicho.

1 PETER 4:19

Hütsüeko sürü Tsingrangba-nü lümcho roh-i chongcharo, arühnü atsa nguching ko longlangchehba Akülüprü kheh la palu nbü khakhuchüjüng.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.