1 Limih apümnü Abüdongba te khi thsaang!
Ihnü Nüh dicho sobhonung, I Tsingrang ko yangthsaba; Ihnü achangka müli Nüh senung.
Nührü Amüsarüti, Abüdongba-nü tu nguchicho hütsü nengdang künyang ko longphieng. Nührü Abi yocho nyirü, akünyangnü züdeing!
Nyitsarü atümung, akünyangnü nührü kheh tang! Tsingrangba se khi thseng thsaang!
Tsingrangba Abi pümjila küdure. Abüdongba küdude künyang züdere ko rühti mehre.
Nyitsarü atümungnü akünyangnü züde Tsingrangba seing!
Limih chah lirü atümungnü Nüh mübünung; arühnü Nüte nengsekhi thsanung, arühnü Nü nengsekhi thsanung.”
Yuchoti künyangsohng ko akünyangnü khi thsasohng, tunüo Nühnü müyurüti yujenü yukhare ko limih chah yucho atümung nüre.
Tsingrangba te khi thsaang, limih yanglihti,
Limih apümnü Abüdongba te akünyangnü khi thsaang; akünyangnü anengsejo khi thsaang!
Israelrü, akünyangnü züde khi thsaang! Jerusalem! Nü lasih apümnü künyang!
Hütsüde limih apüm michah Abüdongba tsü yangthsanung. Nyitsarü müipi Tsingrangba apu nengla Abi mübünung.
Abi Jerusalem amünyeh Olive Zong langnü jüroba lang müdüm tsü chii rode, abi mono sühdi tsünü arühnü ngucho anyemüyangnungti nengdang züde Tsingrangba neng senung dikehcho:
Thali abinü yore, “Yangpirüti, Tsingrangba nyitsarü yola künyangtaang!”
“Yuchoti, nührünü Abüdongba müyurü seing, arüh kyüsehrü atümung Abinü khingchire. Abinü Abi rorüh rühyangre ko Abi müyurü mülang pehjüre.”
