NENGSEKHI 1:1 - AMÜSA BAIBEL (BSI)

¹ Sünü amütsarünü thülacho mükhyüchoro, Sünü münyirü khanglang müwüro, mahkhang Tsingrangba mümüdherü yola mümükhongro, arüh akünyangnung.

NENGSEKHI 1:1 Iomraidhean Croise

LIPOH 49:6

Arüh rang chotala Ih müzehnung, Mahkhang arüh lümtrümla mühzehnung, Tunüo arühnü zichüro nyitsarü müpsehko, Ko arüh künyangtade misüpungti letsuko.

LIPOH 5:24

Abi Tsingrangba te tsehcho hütsüpü chahpehcho, tunüo Tsingrangba-nü abi notsicho.

1 YANGTHSARÜTI 16:31

Yangthsaba Jeroboam kyo, amünyi shitpahcho du mah; ta abinü alaa Sidon yangthsaba Ethbaal tsulatpü Jezebel khyücho ko Baal tsingrang mübücho.

2 ROHTHÜP 22:3

Ahazia nüsü yangthsaba Ahab-rü kukhi iithsacho, tunüo atpa Athalia tsü Ahab tsulatpü, Israelrü Omri shümtsularü, anyünü thülacho khu abi münyi shitpahsohcho.

JOB 10:3

Nüh hitoh-i kurahnung athsalang mah-o? Nüpunü thricho mükhimüngunung ang? Ko amütsarü lümchung la mitbhü münyünung ang?

JOB 21:16

Arühbürü tasenü kohchoepü lümre, ta hütsü Ihnü mükhyüchocheh.

JOB 31:5

Ihnü khodesü mütsa münguchi ko khodesü bürü mükihyochü pü Ihnü yuchümre.

NENGSEKHI 1:6

Amüsarü Abüdongba-nü nüre ko khümchore, ta amütsarü achangnung langla lile.

NENGSEKHI 106:3

Sürünü Abi yuzeng bichiro, sürünü tu athsalang hütsü lede nguchiro arüh akünyangnung.

NENGSEKHI 112:1

Abüdongba seing! Sünü Abüdongba drüro, Sünü Abi yuzengti bichinungla künyangro abi akünyangnung.

NENGSEKHI 119:115

Nührü münyirüti, I tenü tsieng. Ihnü I Tsingrang yuzeng nyinung.

NENGSEKHI 144:15

Hiri kyo amüwa ngurü yucho akünyangnung; Sürü Tsingrang Abüdongba liro arüh akünyangnung!

NENGSEKHI 146:5

Sü Jakob Tsingrang-nü tronung liro ko Abüdongba abi Tsingrang,

NENGSEKHI 146:9

Abinü Ihsa lih la liba shirü tsungtire; Abinü chomirü ko mürürü rükure; ta amütsarü lümchung thsangnyangjüre.

NENGSEKHI 2:12

dhridhrinü Abi jingte mükhukehng; mahkhang Abi zii zah chüronung ko nührü dhrongyengnü sünung. Khümchosohnung sürünü Abi yang würo arüh amüwanung.

NENGSEKHI 26:12

Dhsürü apüm lanü Ih khümcho lile; hütsünü Abi müyurü ashimükhongla Ihnü Abüdongba sere.

NENGSEKHI 34:8

Abüdongba tsü khüta atsa nü jangjang müdheing. Abi chah tsikehrü akünyangnung.

NENGSEKHI 36:4

Abi chongnong chah yüpjode amünyi rah chungre; abinü tu atsa nguchi mühle, ko abinü amütsa khodesü müdhsonglire.

NENGSEKHI 64:2

Amütsarü rah ko amünyirü mülung lanü Ih tsungtieng.

NENGSEKHI 81:12

Hütsünü lasih müküpba langla arüh wüsohcho ko arühnü khyünyücho nguchisohcho.

NENGSEKHI 84:12

Akohba Abüdongba, Nü chah longlangrü khüta akünyangnung!

CHOYOH 1:15

Itso, hitari nyitsarü yola tümükhong, arüh tenü za lieng;

CHOYOH 1:22

O amüsithsarü, khütoi nyahli müsithsanung? Khütoi nyahli nührünü lümlong müthsamünyünung. Nührü khodesü münyichonung do?

CHOYOH 13:15

Athsehdhsarünü jengreng ngure, ta long mülangchehrü tsü achangba langla lile.

CHOYOH 13:20

Amüdherü te shangrü thsacho amüdherü kangre, adohrü te shangrü thsacho nüh thsangnyangnung.

CHOYOH 19:29

Mülangjüba tsü müthsamünyürü nengdang rungnümjung lile, ko amüthseh adohrü yutsatsa xüpnahnung.

CHOYOH 2:12

ko amütsa nguchilanü nüh yatinung. Arühnü chocho yulanü achongcha hiroba,

CHOYOH 3:34

Müthsamünyürü Abinü müthsamünyüre, ta alonglümrü Abinü khümre.

CHOYOH 4:19

Amütsarü lang tsü aromang kyo amarürah. Arüh müthikeh ngahsehnye tula müthikehchonang müngure.

CHOYOH 9:12

Nüh lümpisakhang nüpu du jingchonung, ko hütsü nühnü müthsamünyükhang nüh du rotonung.

JEREMIA 15:17

Ihnü aparü nyitsarü yola künyangküshi bekhyah mübeh. Nüyu nyi Ihnü I müleng licho ko rihlong chüro licho.

JEREMIA 17:7

“Ta sünü I chah longlangro Ihnü abi müwajünung.

EZEKIEL 20:18

Hütsü mülih, Ihnü arüh yola kunuti te müzahsoh yocho: Nührünü nührü jümürünü külüpcho yuzeng tüyohbü; arüh yah tüithsa mahkhang arüh kyothrinü nührübürü tümünyisoh.

MATHI 16:17

Jisu-nü lalingcho. “Johan tsurü Simon, nüh amüwa thsaang!” “Tunüo hiba yuje hi shutsa khu mah, ta ninglang liba I U-nü nü khyang jücho lile.

YUSE ATSA LUK 11:28

Ta Jisu-nü lalingcho, “Sürünü Tsingrangba yu yuchiro ko bichiro arüh uthring khüta amüwanung!”

YUSE ATSA LUK 23:51

Abi ashimükhongla langnürü khüdu thsanye abinülü arüh adhrongcheh ko nguchi tsü mükhyüchocho.

JOHAN 13:17

Adelü nührünü hiba yuje tsü müdheko, nührünü hütsü bichikhang nührü khütoi akünyang thsanung!

JOHAN 20:29

Jisu-nü abi te yocho, “Nühnü Ih nguchonü yudsirü mah-o? Sürünü Ih müngupü yudsiro arüh khütoi akünyangnung!”

ROMRÜ 5:2

Abinü yudsi khu ade Ihsa liyaba Tsingrangba achomang hila norocho. Hütsünü Tsingrangba ahechi changtaba ko alongdi nengdang Ihsanü künyangtanung!

EFESIARÜ 6:13

Hütsüeko ade Tsingrangba khata jengki khyüng! Hütsünü du, khode amütsaba nyümong tsü ronang, nührünü arorüh nyüm yachehnung; ko khatanyesü nührü khümkhüm yanung.

AZIKA YU 14:6

amüzi phohrüpba ko külücheh mütrehba kanglungrü.

AZIKA YU 33:29

Israel, nührü khüta akünyangnung; Nührü kyo sü mühle, Abüdongba-nü khümchoba yucho. Abüdongba apu tsü nührü tsung ko nohsheng, nührü tsungtinung ko akoh jünung. Nührü rorünü kihchi ronung, ko nührünü arüh dhrümchinung.

1 PETER 4:3

Atsicho shikhela müyudsirünü mürubala nührü bekhyah kükyo pehko. Nührü akang tsü mabomashi, mükhyahmürah, müchamüloh, khatamüna, ayongrü mülung ko kyothri mübüchola zeh roko.

MISHACHO 22:14

Sürünü akang singdong chahnü singsih tsuchehnung ko yangdila tbükhüm khu züduchehnung nengdang arüh jengki thsütohro arüh amüwanung.