NEHEMIA 9:6 - AMÜSA BAIBEL (BSI)

⁶ Hütsüpü Israelrünü hita dangkhidangnangcho: “Nüh, Abüdongba, Nüh du Abüdongba, Nühnü ning ko ningchah chenghiti thricho. Nühnü alih, kih ko hütsüla liba lüpcho külüpcho; Nühnü apüm khyang akang jücho. Ninglang zii tinü mükhukeh nüh mübüre.

NEHEMIA 9:6 Iomraidhean Croise

LIPOH 1:1

Adikehla Tsingrangba-nü ninglih thricho.

LIPOH 1:9

Hütsüpü Tsingrangba-nü yocho, “Ning pohki kih tsü müdüm khüdula tingbülung ko alih akung chürung ko hütsüta kangcho.”

LIPOH 2:1

Hütsüta ninglih ko hütsüla liba apüm rungnümcho.

LIPOH 32:2

Khode abinü arüh ngucho, abinü yocho, “Hiba hi Tsingrangba müdongji” hütsünü abinü hütsüba müdüm te Mahanaim pü dsicho.

1 YANGTHSARÜTI 22:19

Mikaia-nü mütozah yocho: “Ade Abüdongba-nü tu yoro nyieng. Abüdongba tsü ninglang Abi pümjila Abi mükang riwürüti apüm ya Ihnü ngucho.

1 YANGTHSARÜTI 8:27

“O Tsingrang, ta Nühnü yuje alih la lichehnung do? Ning apümnü mii Nüh müzuhre, khang Ihnü thsaba Amübükuh hila Nüh zuhnungo?

2 YANGTHSARÜTI 19:15

dangkhidangnangcho, “O Abüdongba, Cherufim aqo anyüh kehba kanglungrü michah pümba, Israel Tsingrang, limih yanglih apüm michah yangthsaba, Nüh du Tsingrang lile. Nühnü ning ko alih thricho.

2 YANGTHSARÜTI 19:19

Ade, Abüdongba ihrü Tsingrang, limih apümnü Nüh du tsü Tsingrangepü müdhenungthsa, Assyriarü khehlanü ihrü khümchoung.”

NEHEMIA 9:5

Levirü hirinü mübünung dsiyohcho: Jeshua, Kadmiel, Bani. Hashabneia, Sherebia, Hodia, Shebania ko Petahia. Arühnü yocho: “Shemüsung ko Abüdongba nührü Tsingrang seing; Müchangkapü Abi seing! Atümungnü Abi ahechi neng seing, nyitsarünü seba tsü adekheng müthsanye.”

NENGSEKHI 102:25

papade Nühnü limih thricho, ko nüpu khehnü Nühnü ning thricho.

NENGSEKHI 103:21

Ninglang ziiti, Abi dikehrüti, sürünü Abi lümcho nguchiro; nührünü Abüdongba seing!

NENGSEKHI 115:15

Ning ko alih thribong Abüdongba-nü nührü müwajüng!

NENGSEKHI 124:8

Ihsa arüku ning ko alih thribong Abüdongba chahnü rore.

NENGSEKHI 146:6

ning alih ko kihdi ko hütsüla libati apüm thribong chah ngakeh liro, abi akünyangnung. Abinü lede anyengchocho yohpüre;

NENGSEKHI 24:10

Yangthsarü amülah tsü süo? Akohbong Abüdongba Abi ahechi yangthsaba!

NENGSEKHI 33:6

Abüdongba yuzeng khu ning külüpcho, nyü, chonu ko chenghiti Abi yunü külüpcho.

NENGSEKHI 36:6

Nü Amüsaba tsü azong kyo athseng; Nü yuje tsü kihdi asoh kyole. Nyitsarü ko kanglungrü Nühnü xükümre.

NENGSEKHI 86:10

Nüh Akohbong, anyemüyangnung nguchire; Nüh du Tsingrangba.

ISAYA 37:16

“Akohba Abüdongba, aqo kehba kanglungrü Cherufim chah pümba Israel Tsingrang, lihküp yanglih la yangthsathsaba, Nüh du Tsingrang. Nühnü ning ko alih thricho.

ISAYA 37:20

Ade, Abüdongba ihrü Tsingrang, lihküp la yuchotinü Nüh du Tsingrangepü müdhenungthsa, Assyriarü khehlanü ihrü khümchoung.”

ISAYA 43:10

“Israelrü, nührü I yuzi lile; Nühnü Ih müdhenung ko I chah yudsinung ko Ih du Tsingrangepü nyichehsohnung, Ihnü nüh I dikehrü thsanung throchehcho. I chah khu apa tu Tsingrang mühle; Khodesü müli ko mülinung.”

ISAYA 44:6

Abüdongba, Israel yangthsaba ko khümchoba, Akohbanü hita yore: “Ih adikeh, ko achangka Tsingrang; I chah khu apa Tsingrang mühle.

ISAYA 44:8

I müyurüti, tüdrü! Papadenü ade yingcheh atikehnung licho apüm Ihnü choyohcho nührünü müdhele, ko nührü I yuzi lile. Apa tsingrang khürü lirü do? Ihnü müyuchidhingcho tase azeh tsingrang khürü lirü mah-o?”

ISAYA 45:12

Alimih külüp-pü amüi tsurü thri hütsüla lisohba tsü Ih lile. I ziinü ning tsü lehmüthehcho; chonu, nyü ko chenghiti Ihnü ramehre.

JEREMIA 32:17

“Amichahba Tsingrang, Nü zii ko tasela ning ko alih Nühnü thricho; Nü nengdang tu athsah mühle.

EZEKIEL 20:11

Sünü I yuzeng bichinang akang ngunung nengdang, Ihnü arüh khyang I amülaba jücho ko I yuzeng docho.

JONA 1:9

Jona-nü lalingcho, “Ih Ibrirü khüdue, Ihnü alih ko kihdi külüpbong ninglangrü Tsingrang, Abüdongba mübüre.”

JOHAN 10:30

I U Ihjü khüdu du.”

RIWÜRÜTI NGUCHI 4:24

Khode yudsirütinü hütsü yuchicho, arüh atümungnü Tsingrangba te dangkhidangnang yocho: “Abüdongba, ning, alih, kihdi ko hütsüla liba apüm thribong!

AZIKA YU 10:14

Ning athsenguba tsüsü Abüdongba yo; alih ko hütsüla liba apüm Abi yo.

AZIKA YU 32:39

“Ih, ko Ih du Tsingrangba; apa yuje tsingrang mühle. Ihnü kyüsehre ko Ihnü akang jüre, Ihnü dhsakehjüre ko Ihnü kyangjüre. Ko I nguchi sünüsü münyümcheh.

AZIKA YU 6:4

“Israelrü, hi müdheing! Abüdongba du tsü Ihsa Tsingrang. Abüdongba tsü khüdu du.

IBRIRÜ 1:3

Tsingrangba ahechi tsü abinü tehmüla ngusohre; abi tsü Tsingrangba kyosangle, ko athrijungcho tsü abi yu zii khu lisohre. Amünyi tsurü münyi mülang pehba ngusohko khanglang, abi ninglang yanglih la amungthriba zii, Tsingrangba tsalangthring pümcho.

IBRIRÜ 1:6

Ta Tsingrangba-nü limih yang Atsudhre aukhuba müthehde, abinü yocho: “Tsingrangba riwürüti atümungnü abi mübünung.”

MISHACHO 14:7

Abinü yuva amülahnü yocho, “Tsingrangba drüng ko abi dicho seing! Tunüo amüi tsurü yukhanung becho chihko. Sünü ning, alih ko yongna apüm külüpcho abi mübüng!”

MISHACHO 4:11

“Ihrü Abüdongba ko Tsingrang! Ahechi, adhichi ko zii ngunung nüh adekheng. Tunüo nühnü lüpcho thricho, ko nühnü lümchonü arüh khyang akang jücho ko lisohre.”