NEHEMIA 9:34 - AMÜSA BAIBEL (BSI)

³⁴ Ihrü jümürü, yangthsarü, langnürü ko bebürütinü Nü Yuzeng mübichi. Arühnü Nü yuzeng ko amüzahsohba mühnyi.

NEHEMIA 9:34 Iomraidhean Croise

2 YANGTHSARÜTI 17:13

Abüdongba-nü Israel ko Juda yang müzahsohnung yusi hirü azikehrü müthehcho: “Nührü amünyi lang lanü ximülaang ko Ihnü nührü jümürü khyang I dikehrü azikehrü khu jüba I Yuzeng nyieng.”

2 YANGTHSARÜTI 17:15

Arühnü abi athülaba münyicho, abinü arüh jümürü te nyengchocho arühnü mübichicho ko arühnü abi amüzahnung yu tsü mükhichicho. Arühnü amii müliba kyothri mübü adongmücho kangcho ko arühnü mükangmüshü liba yuchoti ayah mü-iithsanung yuzeng tsü mübichicho.

2 ROHTHÜP 29:6

Ihsa jümürünü Ihsa Tsingrang Abüdongba te yuje mücho ko Abinü künyangnungthsa münguchi. Arühnü Abi pehjüko ko Abi liba lahpi khang piko.

EZRA 9:10

“Ta ade, O Tsingrang, hita tikehpehko ihrünü tu yonung? Adesü Nühnü azikehrü, Nü dikehrü khu jüba amülaba yuzeng tsü ihrünü mübichi.

NEHEMIA 9:30

Kangnü kang Nühnü rangcho arüh müzahsohcho. Nühnü Nü azikehrüti thsüchi chosohcho, ta Nü müyurünü nangtbengcho, hütsünü yucho parü khyang kohsohcho.

NEHEMIA 9:33

Nühnü ihrü khingchiba tsü athsalang; ihrünü amünyi shitpahnye, Nüh yuje cho licho.

NEHEMIA 9:35

Nühnü arüh khyang jüba alimih amülah ko asu lih la lide, Nü amüwala yangthsarünü Nü müyurü michah thsako; ta arühnü lasih thsamüla Nüh müdikeh.

JEREMIA 29:19

Ihnü I dikehrü azikehrü khu müthehba yu mübichicho khu arüh chah hi tikehnung. Arühnü mühnyicho.

JEREMIA 44:17

Ihrünü nguchinung nyengchocho lüpcho ihrünü nguchinung. Ihrü ko ihrü jümürü, ihrü yangthsaba ko ihrü langnürütinü Juda yangditila ko Jerusalem yanglongla nguchicho kyo, ihrünü Ning yangthsalatpü khyang kangmübü jünung ko abükyü chah ihrü yongkha tungkeh amübü jünung. Hütsüde ihrü tsuyongnung thangchi licho, ihrü müwa licho ko tu dhsangthsi mülicho.

JEREMIA 44:4

Ihnü nührü yang I dikehrü azikehrüti mütozah rosohcho, arühnü nührü te Ihnü thrünyiba adrünung nguchiti münguchinung yocho.

EZEKIEL 5:6

Ta Jerusalem-nü I yuzeng nyümko ko aparü yuchoti tenü alaa amütsaba, ko mükangmüshü tenü yocho münyiba ngusohko. Jerusalem-nü I amülaba ko I yuzeng dhsongliko.

DANIEL 9:6

Ihrü yangthsarü, adirü, jümürü, ko ihrü yucho te nü dikehrü azikehrütinü chotacho ihrünü münyiko.

AZIKA YU 31:21

ko achangba adrong arüh michah ronung. Ta hiba khi hi thsanung, ko hütsü arüh nyüm yuzi linung. Ade mii, Ihnü arüh anyengchocho lih lang münozüduenü, arühnü tu lümro Ihnü müdhele.”