NEHEMIA 9:1 - AMÜSA BAIBEL (BSI)

¹ Hütsüba choo mükyüpü müyü nyümong Israelrünü müyahshü müpipü arüh thah chah tavi kangkeh kongnung shimükhongcho. Arühnü arühbürü jangjangthsa shuparü atümung tenü zacho.

NEHEMIA 9:1 Iomraidhean Croise

2 SAMUEL 1:2

Nyümong khüu Saul müdongchahnü dhrezarü khüdu rocho. Abi longrilesohnung, abinü ajengki rehnahcho ko athahchah alih kangkehcho. Abinü David yanglang wücho ko ajingte mükhukehcho.

2 ROHTHÜP 20:3

Jehoshafat tsü nehcho ko Abüdongba te atronung nengdang dangkhidangnangcho. Hütsüpü abinü yanglih apümlang kong dangkhidangnangnung yuzengjücho.

2 ROHTHÜP 7:10

Achangka nyümong arühnü azika thsüti mungcho ko nyümong khüu tsü choo dhünyeh-ula nyümong mükyüpü asang nyümong tsü, Solomon-nü müyurüti palu kulang thali müthehcho. Abüdongba-nü Israelrü, David ko Solomon khyang müwajücho apüm nengdang arühnü künyangcho.

EZRA 8:21

Hütsüla Ahava yongkhi shündhün ihrü atümung Tsingrangba bete ihrü jangjang longlüm kang kongnung ko ihrü shitseh ayung langnünung ko ihrü, ihrü tsuzarüti ko ihrü kuthsi apüm tsungtinung kihchinung Ihnü sobhocho.

EZRA 8:23

Hütsünü Ihnü tsungtinung shulüm ihrünü kong dangkhidangnangcho ko Abinü ihrü kihchicho lalingcho.

NEHEMIA 8:2

Achotsü Ezra-nü müyurü khingkurü adhrerü ko azarüsü yu nyichehnungrü atümung shibülung lichah hirocho.

ESTHER 4:16

“Wüng ko Susa la lirü Jihudarü atümung dsibülung; ko kongnü I shulüm dangkhidangnangjüng. Nyümong asang romang asang tu tütsuyong. Ih ko I kulilarütisü hütsüta nguchinung. Hütsüpü, yuzengnü mümülanye, Ihnü yangthsaba yang wünung. Hütsü nengdang Ih sünye tumüthsa.”

ESTHER 4:3

Yanglihti apümlang khüdederü yangthsaba yuzeng müdhesohcho, hütsürila Jihudarü yola meshü amülah licho. Arühnü kongnü meshü tracho ko adrongubanü tavi kangkeh müyahshü müpipü alih la pümcho.

JOB 2:12

Arühnü ashulanü Job ngucho, ta abi müdhingchehcho. Khode arühnü chii rocho, arühnü tramüsucho, ko alongrichonü arüh jengki rehnahcho ko lihwü kang hiro nyübongla sohpehcho ko arüh thah chah kangkehcho.

ISAYA 22:12

Hütsüde tra meshünung, nührü thah hehpehnung ko müyahshü müpinung Akohbong Abüdongba-nü dsicho.

JOEL 2:12

“Ta Abüdongba-nü yore” Ade dusü “nührünü lasih apümnü kongnü ko tranü ko meshünü Ih yang ximülaang.

LEVIRÜ 23:39

Khode nührünü maxa thümnang, choo dhünyehla nyümong dhüremünga lanü dikeh dhünyeh nyümong hiba thsüti hi müzeh mung. Akhudiba nyümong tsü pathsa akyahshang nyümong linung.

JOSHUA 7:6

Joshua ko Israelrü langnürütinü awahchonü arüh shü rehnah, arüh awah ngusohnung arüh thah chah tavi kangkeh, Abüdongba Yuzeng Singdi jingte chichi hütsüla nyüzeh yüpjocho.

MISHACHO 11:3

Ihnü I yuzithsarü nyüh anyüh müyahshü müpipü müthehnung, ko arühnü hütsüri 1, 260 nyümongla tsü Tsingrangba yu sobhonung.”

YUKHARÜTI 20:26

Achotsü Israelrü apümnü Bethel lang tuwü meshücho. Arühnü hütsüla Abüdongba te müyangtsupü maa pümcho. Arühnü akehta amübü ko üpümshünü kangmübü Abüdongba khyang jücho.

1 SAMUEL 4:12

Hütsü nyümong Benjaminrü nyüh khüdunü khata ngah lanü Shiloh chii ajengki rehnah ko athahchah asongsong kangkehpü shang wü chihcho.

1 SAMUEL 7:6

Achotsü arüh atümung Mizpa la shibülungcho. Arühnü kih khabülungcho ko Abüdongba te amübü kang tungpehcho ko hütsü nyümong mükhyang kongcho. Arühnü yocho, “Ihrünü Abüdongba nyüm amünyi shitpahko.” (Mizpa la Samuel-nü Israelrü khiyu khacho)