NEHEMIA 8:6 - AMÜSA BAIBEL (BSI)

⁶ Ezra-nü yocho, “Adibong Tsingrang, Abüdongba Seing!” Müyurü atümungnü arüh kheh dhimüsu lalingcho, “Amen! Amen!” Hütsüpü arühnü alih la arüh romih hapkeh Abüdongba mübücho.

NEHEMIA 8:6 Iomraidhean Croise

LIPOH 14:22

Abram-nü lalingcho, “Ihnü ninglih külüpba Amichahba Tsingrang, Abüdongba jingte yuchümre,

LIPOH 24:26

Hütsüde nyitsarüba tsünü mükhukeh Abüdongba mübücho.

1 ROHTHÜP 16:36

Israel Tsingrang, Abüdongba seing! Ade ko lede Abi seing! Hütsüde müyurü apümnü yocho, “Amen” ko Abüdongba secho.

1 ROHTHÜP 29:10

Hütsüla ashimükhongrü apüm bete David-nü Abüdongba secho. Abinü yocho, “Ihrü jümürü Jakob Tsingrang, Abüdongba, Nüh müchangkapü sesohng!

1 ROHTHÜP 29:20

Hütsüpü David-nü müyurü te yuzengjo yocho, “Abüdongba nührü Tsingrang neng seing!” Achotsü ashimükhongrü apümnü arüh jümürü Tsingrang Abüdongba secho ko mükhukeh Abüdongba ko arüh yangthsaba khyang adhichi jücho.

2 ROHTHÜP 20:18

Hütsüde yangthsaba Jehoshafat-nü alih la aromih hapkeh mükhukehcho ko müyurü apümnü abi te aroh mükhukeh Abüdongba mübücho.

2 ROHTHÜP 29:10

“Abinü Ihsa te rihlong müchürosohnung nengdang, Abüdongba Israel Tsingrang te, Ihnü azengchotaba khüdu külüpnung dhrongchehcho.

2 ROHTHÜP 29:30

Yangthsaba ko langnürütinü Levirü te David ko azikehrü Asaf nyühnü thrahcho nengsekhi tsü Abüdongba te thsanung yocho. Achotsü atümungnü akünyang khi thsa mükhukeh mübücho.

2 ROHTHÜP 6:4

Abinü yocho, “Abüdongba Israel Tsingrang neng seing. Abinü Iu David te hita nyengchocho yohpücho,

NEHEMIA 5:13

Ihnü I shü racho lehcheh trichi yocho, “Sünü anyengchocho müyohpünang Tsingrangba-nü hita trichi pehjüng. Abinü nührü kuh ko alicho lüpcho hitsijünung ko adeng pehjünung.” Hütsüla zehrü atümungnü yocho, “Amen” ko Abüdongba secho. Ko langnürütinü anyengchocho yohpücho.

NEHEMIA 8:7

Hütsüpü arühnü shemüsu palu yaji la yacho ko Levirü hirinü arüh te Yuzeng tsü changnah yocho: Jeshua, Bani, Sherebia, Jamin, Akub, Shabethai, Hodia, Maseia, Kelita, Azaria, Jozabad, Hanan, ko Pelaiah.

NENGSEKHI 134:2

Amübükuh la nührü kheh dhimüsu dangkhidangnang, ko Abüdongba seing!

NENGSEKHI 141:2

I dangkhidangnang müchiji kyo, I kheh dhimüsucho anyüzehlang kangmübü kyo khyüchoung.

NENGSEKHI 28:2

Ihnü arüku nengdang züdede ko Nü Amüsa Amübükuh lahpi I kheh dhimüsude Ite nyijüng.

NENGSEKHI 41:13

Israel Tsingrang Abüdongba seing! Ade ko lede Abi seing! Amen! Amen!

NENGSEKHI 63:4

I kangli ayung Nü khyang anengse jünung; Ihnü I kheh dhimüsu dangkhidangnangnung.

NENGSEKHI 95:3

Tunüo Abüdongba tsü akohba Tsingrang lile, tsingrangti apüm michah Akohba yangthsaba.

NÜCHEHCHO 12:27

nührünü hita laling, ‘Hiba hi Abüdongba dhichinung Phungkhu Thsüti kangmübü lile, tunüo abinü Ijip lih la Israelrü kuh-lü bongkhu tsicho. Abinü Ijiprü müpsehcho, ta Ihsalü rikicho.’” Israelrünü mükhukeh mübücho.

NÜCHEHCHO 4:31

Arühnü yudsicho ko khode Abüdongba-nü ro arüh sehchi bichicho nguko pü yuchicho, arühnü mükhukeh mübücho.

JEREMIA 28:6

“Anyemüyangnung! Abüdongba-nü hütsüta nguchinung Ihnü longdire. Nü choyohcho yuje tikehsohnung ko Babylon lanü amübükuh kuthsi ko akümtsirü apüm nüli ronung Ihnü longdire.

MESHÜ 3:41

Ihsanü ninglang Tsingrangba te lasih khangthru dangkhidangnangnung:

LEVIRÜ 9:24

Dhrongyengnü Abüdongba-nü michang khüdu müthehcho ko bholu chah trüp mübü ko asu tsü müyahpehcho. Khode müyurünü hütsü ngucho, arühnü akünyangnü khong alih la hapkehcho.

MATHI 26:39

Abinü khü wüpü, alih la hapkeh dangkhidangnangcho, “Uwa, hi akohnung thsakhang, I chahnü hiba chongcha shing hi khyümüing! Ta I lümcho mah, nü lümcho thsaang.”

MATHI 6:13

Ihrü athsadsü amüling yang tünü, ta amünyi lanü khümchoung.’

1 KORINTRÜ 14:16

Nühnü anbü la du Tsingrangba khyang anengse jükhang, ashibülung la zehrünü khüta anengse jübanü dangkhidangnangla “Amen” pü yonung? Nühnü choba tsü abinü tu mümüdhenung.

EFESIARÜ 1:3

Ihsa Abüdongba Jisu Khrista Au Tsingrang khyang anengse jünung! Tunüo Ihsa Khrista te kehtachonü ninglanglih anbü amüwa lüpcho abinü Ihsa khyang müwajücho.

1 TIMOTI 2:8

Amübü ashibülung mükhu adhrerü sürü Tsingrangba khyang khakhuchüjo liro, arühnü zii müchüropü, mahkhang müritapü kheh dhimüsu dangkhidangnangsohnyüre.

1 PETER 1:3

Ihsa Abüdongba Jisu Khrista Au Tsingrang khyang Ihsanü anengse jonung! Tunüo abi yanglilüm amülahnü asücho lanü Jisu Khrista kanglisohcho khu Ihsa khyang akang asi jüko. Hinü Ihsa khyang akang liba alongdi khüdu jüre,

MISHACHO 7:11

Ninglang riwürü atümungnü yangthsaba pümji, azirüti ko akang kanglungrü müyü mükang yacho. Hütsüpü arühnü yangthsaba pümji bete mükhukeh Tsingrangba mübü yocho,