NEHEMIA 8:3 - AMÜSA BAIBEL (BSI)

³ Hütsüla tbükhüm ngah la tsü abinü Yuzeng tsü anyangnyünü nyüthung chii khicho ko müyurü atümungnü nangkhijo nyicho.

NEHEMIA 8:3 Iomraidhean Croise

NEHEMIA 10:29

Ihrünü hi thsangnyangkhang chokehchola lilepü Tsingrangba-nü Abi dikehrü Mosa khu jücho Yuzeng roh-i linung, ihrü Abüdongba-nü mülacho apüm bichinung, ko ihrünü Abi yuzeng ko amülaba apüm bichinung, ihrü langnürü te zeh ihrünü yuchümre.

NEHEMIA 13:1

Khode Mosa Yuzeng tsü müyurü te züde khi yocho, hütsüla Amon-rü ko Moab-rü süsü Tsingrangbarü nyitsarü yola zehnung mümülarepü thrah licho ngucho.

NEHEMIA 8:1

Choo dhünyeh-u lalü Israelrü atümung arüh yangditila likhangpehcho. Hütsüba choo akhudiba nyümong arüh atümung Jerusalem la kih tbükhüm te shimükhongcho. Arühnü Bebüba ko Yuzeng la xangchehba Ezra te Abüdongba-nü Israelrü khyang Mosa khu jüba yuzeng vakha tsü yangchinung kihchicho.

NEHEMIA 8:18

Thsüti adikehnü achangka nyümong chii arühnü nyümong mükhu Yuzeng lanü khyücheh khicho. Yuzengnü mülacho roh-i arühnü thsüti tsü nyümong dhünyeh müzehcho ko akeh-u nyümong changkacho.

NEHEMIA 8:4

Ezra tsü hütsü nyümong nengdang singnü tangcho yuthungchah yacho. Abi tsalangthring nyitsarü hiri yacho: Matithia, Shema, Anaia, Uria, Hilkia ko Maseia; ko abi fülilangthring hiri yacho: Pedaia, Mishael, Malkija, Hashum, Hashbadana, Zekaria ko Meshulam.

NEHEMIA 8:5

Hütsüta Ezra tsü dhimüsu külüpcho yuthungchah tsü yade, müyurü atümungnü abi chah dhinglah dhingcho. Abinü vakha tsü khangthrude, arüh atümungnü shemüsu yacho.

MARK 12:37

David apunüsü abi te Abüdongba pü dsicho; hütsükhang Mesia tsü khütapü David chahnü thsanung? Mülung amülah khüdu Jisu te künyang nyi licho.

YUSE ATSA LUK 19:48

ta arühnü nguchinungthsa tu lang müngucho, tunüo atümungnü abi yu nyinung mücijo licho.

YUSE ATSA LUK 8:18

“Hütsüeko, nührünü khüta yuchiro müzahng; tunüo sü lango liro, abi khyang alaa jükehnung, ta sü müliro abi chahnü azikyah licho tsü mii hitsinung.”

RIWÜRÜTI NGUCHI 13:15

Mosa Yuzeng ko azikehrüti vakha lanü khiko khanglang, Sinagog la adirütinü arüh yang yusi khüdu müthehcho: “Jünirüti, nyitsarüti nengdang nührü athsüchiba yu likhang yosohnyüre.”

RIWÜRÜTI NGUCHI 13:27

Tunüo Jerusalem la lirü ko arüh langnürünü abi tsü Kangchehjübaepü mütsüpcho, mahkhang arühnü Sabath nyümong mükhu khiba azikehrüti yu tsü münyicheh. Ta arühnü Jisu mülangjücho khu azikehrüti yu tikehsohcho.

RIWÜRÜTI NGUCHI 15:21

Tunüo papadenü Mosa yuzeng tsü Sabath nyümong müthe Sinagog la khinü rore, ko abi yu yangdi mükhu la thsingyure.”

RIWÜRÜTI NGUCHI 16:14

Ihrü yu nyirü yola Theatira lanü nyahrüm shü irü Ledia zehcho. Abükyü tsü Tsingrangba mübülarü khüdu thsacho ko Paul-nü thsingyucho nyinung nengdang Abüdongba-nü alasih khangthrujücho.

RIWÜRÜTI NGUCHI 17:11

Hütsüla liba nyitsarüti tsü Tesalonikarü tenü asasaba thsacho. Arühnü yu tsü dee longphi nyicho, ko Paul-nü yoba tsü yuje a mahnang müdhenung nengdang nyümong müthe arühnü amüsa yu tsü khicho.

RIWÜRÜTI NGUCHI 20:11

Hütsüpü abinü thali küducho, ko hümdhse chenah tsucho. Paul-nü nyü chüro yingcheh arüh te anyahli chota pümko khanglang abi tsicho.

RIWÜRÜTI NGUCHI 20:7

Jangshika anyüzehlang ihrü akehta yangtsu nengdang shibülungcho. Paul-nü arüh te yürüptülung yingcheh chodu chocho, tunüo abi nyümong khüu tsü tsinung licho.

RIWÜRÜTI NGUCHI 28:23

Achotsü arühnü Paul te nyümong khüdu throchehcho, ko hütsü nyümong tsü arüh khütango Paul liba la shibülungcho. Abinü arüh te Tsingrangba Yanglih nengdang anyangnyünü ama yingcheh yuzi jo changnah yocho, ko abinü Mosa Yuzeng lanü ko azikehrüti vakha lanü throcheh Jisu nengdang yo arüh kihchonung müküpcho.

AZIKA YU 31:9

Hütsüpü Mosa-nü Yuzeng tsü thrahchocho ko yuzeng singdi xükümrü Levirü bebürü ko Israel zirü khyang jücho.

1 TESALONIKARÜ 2:13

Lede ihrünü Tsingrangba nengseba tsü yuzi apa khüdu lile. Hütsü khode ihrünü nührü yang Tsingrangba yusi hirocho, nührünü nyitsarü yusi roh-i mah, ta Tsingrangba yusi roh-i khüi yuje liro, hütsü nyicho ko khyüchocho. Tunüo sünü yudsiro abi chah Tsingrangba-nü nguchire.

JOSHUA 8:35

Mosa Yuzeng apüm tsü Joshua-nü khingkurü azarü ko arüh yola liba shuparü mii zeh ashibülungrü apüm te khi yocho.

MISHACHO 2:29

“Lithroti te Anbünü tu yoro, nührü nangku kehkhang nyieng!

MISHACHO 3:22

“Lithroti te Anbünü tu yoro, nührü nangku kehkhang nyieng!