NEHEMIA 7:5 - AMÜSA BAIBEL (BSI)

⁵ Müyurüti, arüh langnürüti ko adirüti arüh kukhi neng thrahyoh dhingchinung shimükhongsohnung Tsingrangba-nü I lasih la chotacho. Yangtsilangnü akhu rocho chung tsü Ihnü hita rangchehcho. Ihnü hütsüla hita thrahzeh ngucho.

NEHEMIA 7:5 Iomraidhean Croise

EZRA 2:62

Arühnü arüh jümü mütsüpchonü, arüh tsü bebürü thsanung mükhyüchocho.

EZRA 7:27

Ezra-nü yocho, “Ihrü jümürü Tsingrang, Abüdongba Seing! Abinü Jerusalem la Abüdongba Amübükuh hitoh-i hechisohnungthsa yangthsaba khyang lümchehsohcho.

NEHEMIA 5:19

O Tsingrang, Ihnü müyurü shulüm nguchicho atsati nengdang Ih lümchehng.

NEHEMIA 6:14

Tsingrangba, “Tobia ko Sanbalat nyühnü tu nguchicho hütsü lümcheh arüh khingching pü Ihnü kihchire. Ih drüsohnung müküpba khingkutpü Noadiah ko azikehrütisü lümchehng.”

NEHEMIA 7:4

Jerusalem tsü yangdi arangcheh thsacho, ta hütsüla nyitsarü dee müliecho ko kuh-sü adrong müthsaecho.

NEHEMIA 7:64

Arühnü arüh jümürü mürangchehchonü, arüh tsü bebü hung la mükhiyohcho.

CHOYOH 2:6

Tunüo Abüdongba-nü lümlong jüre; Abi chahnü amüdhe ko anyichehba rore;

CHOYOH 3:6

Nü nguchi apüm la Abüdongba lümchehng ko Abinü yuje lang tsü nüte ngunung.

1 KORINTRÜ 15:10

Ta Tsingrangba achomang khu Ih tu liro hütsü lile, ko abinü I khyang jüba achomang tsü amükang mükang. Hütsü mahpü, riwürü aparü tenü Ihnü alaa nguchicho, hütsü Ihnü mah, ta Ite liba Tsingrangba achomangnü nguchicho.

2 KORINTRÜ 3:5

Hi nguchinung ihrübürü chah suhre tu mühle; ihrü suhre tsü Tsingrangba chahnü lile;

2 KORINTRÜ 8:16

Titas mii ihrü kyo nührü tronyü kangsohcho shulüm ihrünü Tsingrangba sere!

KOLOSIRÜ 1:29

Hiba nguchi kohchehnung nengdang re khüi Khrista-nü jüro, ko khüi I chah ade nguchiro hütsüri bichi Ihnü müküp nguchire.

JAKOB 1:16

Amüiba jünirüti, nührü tükiyohchüsoh!