NEHEMIA 6:12 - AMÜSA BAIBEL (BSI)

¹² Ihnü hütsü lümdhingde, Tsingrangba-nü Shemaia te müchota, ta Ih nyüm choyohnung Tobia ko Sanbalat nyühnü pohsakopü Ihnü lümchehcho.

NEHEMIA 6:12 Iomraidhean Croise

NEHEMIA 6:11

Ihnü lalingcho, “Ih hütsüta rang tsiba nyitsarü khüdu mah, Amübükuh la wü I kang khümchonung rangnungo? Ihnü hütsüta münguchinung.”

NEHEMIA 6:13

I neng chühsohnung, müthsamünyüjüsohnung, ko drüsoh münyi shitpahsohnung nengdang arühnü abi mülihcho.

ISAYA 56:11

Arüh tsü khodesü mi müjengba müramüro füza kyole. Hiri langnürüti anyichehba mühle. Arüh apümnü palu thsanyücho thsare ko abürü nengdang du lümre.

JEREMIA 14:14

Ta Abüdongba-nü lalingcho, “Azikehrünü I nengla arahkheh chore; Ihnü arüh müwüsoh, mahkhang arüh khyang yuzeng müjü mahkhang arüh te yu khüdu mii müyo. Arühnü choba müngucheh tsü I chahnü rocho mah; arühnü choyohba tsü arühnü lümcho ko hütsü amii mühle.

JEREMIA 23:16

Akohba Abüdongba-nü Jerusalemrü te yocho, “Azikehrünü yoba tsü tünyi; arühnü arahkheh alongdinü nührü jengsohre. Arühnü nührü te Ihnü yocho mahpü arühnü lümcho yore.

JEREMIA 23:25

I nengla arahkheh choba ko arüh melangla Ihnü yusi jüchoepü yoba hütsüri azikehrünü tu yocho Ihnü müdhele.

JEREMIA 28:15

Hütsüpü Ihnü Hanania te hisü lahkeh yocho, “Nyieng, Hanania! Nüh Abüdongba-nü mümütheh ko nyitsarü hiri khyang arahkheh yudsisohre.

EZEKIEL 13:19

Lüdi müyo khüdu ko hümdhse tpah azikyah ngang müyurü bete nührünü Ih mükhimüngucho. Asünung mühlengcho nyitsarü nührünü kyüsehcho, ko akang linung mühlengrü akang lisohcho. Hütsüta I müyurü te arahkheh cho arüh yudsisohcho.”

EZEKIEL 13:22

“Ihnü lerohpehjünung mülümba nyitsarü nührü arahkheh yunü suzahsohko. Amütsarü amünyi lanü arüh akang khümchonung nührünü yatire.

EZEKIEL 13:7

Ihnü arüh te yore: Nührünü nguba müngucheh ko choyohba tsü arahkheh. Nührünü choba tsü I yuepü yore, ta Ihnü nührü te müchota!”

MIKA 3:11

Yangthsarünü pohsa khyüre, bebürünü thsi ngang Yuzeng changnah yore, azikehrünü thsi ngang müngucheh yore, ko arüh atümungnü ihrü te Abüdongba zehlepü yore. Arühnü yore, “Ihrü chah tu mütikehnung, Abüdongba ihrü te lile.”

RIWÜRÜTI NGUCHI 20:33

Ihnü süyo taripi, hon mahkhang jengki mümükhyah.

1 KORINTRÜ 12:10

Nyüh khüdu khyang thsayahiya nguchinung; khüdu khyang thsingyunung; khüdu khyang anbüti changcheh yochehba jiyü. Khüdu khyang yu pa la chonung ko khüdu khyang hütsü thsamüla yonung jüre.

1 KORINTRÜ 2:15

Anbü liba nyitsarünü lüpcho yukhare, ta abi yu sünüsü mükhachehre.

1 TIMOTI 3:3

yongkha yongrü mahkhang shühkhatohrü mah, ta alonglüm ko kangli atsa; thsi müirü mah;

TITAS 1:7

Tunüo Lithro langnürü tsü Tsingrangba nguchi la khehthsithsarü thsachonü, abi tsü arah mükeh thsabae. Abi hongzirü mahkhang zah zichürorü, mahkhang müchamülohrü, shühkhatohrü mahkhang thsi müruthsarü müthsabae.

1 PETER 5:2

Tsingrangba-nü nührü khyang jüba santi tsü khingnü mah, ta longphisehnü xüküm nyahnung Ihnü nührü te thsüchire. Angang nengdang du mah, ta yujeba dikehnung alongphinü nührü nguchi nguching.

2 PETER 2:3

Nührü te akülüpcho yukheh yochonü hiri müxümüngu arahkheh adorütinü arüh jingchonung. Arüh yukhaba rungnümpü adelü nyahliko ko arüh Achangjübong tsü jesu lile.

1 JOHAN 4:1

Amüi jünirüti, Anbü kehlepü yorü atümung chah tüyudsi, ta arüh chah kehba anbü tsü Tsingrangba chahnü rocho Anbü a mahnang müdhenung nengdang arüh thsadsüdhing. Tunüo arahkheh azikehrü limih la khütango chüroko.

MISHACHO 18:13

Shingsheng, hiisehyah, axümlichi, tuji ko müchiji; yongkha ko tuji, hüm ko litoh, misü ko san, kuri ko akhülusing, ayurü ko nyitsarü akang mii adelü sünüsü arüh kohro mülihre.