NEHEMIA 4:14 - AMÜSA BAIBEL (BSI)

¹⁴ Nyitsarüti tsü Ihnü lümtpanah ngucho, achotsü arüh ko arüh langnürüti te yocho, “Nührünü arüh tüdrü. Abüdongba sünü nührü nyitsarüti, nührü tsuzarüti, nührü nitpürüti ko nührü kukhi nengdang khatajüro, Abi tsü khüta amülah ko adrünung hütsü lümchehng.”

NEHEMIA 4:14 Iomraidhean Croise

2 SAMUEL 10:12

Müci mülahng ko re zehng! Ihsanü Ihsa nyitsarü ko Tsingrangba yangditi nengdang müküp chitanung. Ko Abüdongba müci thsasohng.”

2 ROHTHÜP 32:7

Abinü arüh te yocho, “Müci mülahng ko re zehng ko Assyriarü yangthsaba ko abi yola zehba rothsarü tsü tüdrü. Tunüo abi te liba tenü Ihsa yola zehba tsü adiuba lile.

NEHEMIA 1:5

“Abüdongba ninglang liba Tsingrang, Nüh arangcheh, Nü jingte Ihnü drüseh yare. Nü müirü ko Nü yuzeng bichirüti te Nühnü Nü azengchotaba yohpüre.

JOB 37:22

Kihku lahpi ahechi khüdu ngure, ko Tsingrangba ahechinü ihrü drüsohre.

NENGSEKHI 143:5

Ihnü atsicho nyümongti lümdhingre; Nühnü nguchicho apüm nengdang lümdhingre, Nü nguchi apüm I lüm la rore.

NENGSEKHI 20:7

Khürünü chita nyübong akhüluba ko kuri chah longlangre, ta ihrünü Abüdongba Ihsa Tsingrang zii chah longlangre.

NENGSEKHI 27:1

Abüdongba tsü I atsingse ko I akangcheh; Ihnü süsü müdrünung. Abüdongba-nü dhsürü apüm lanü Ih tsungtire; Ihnü khodesü müdrünung.

NENGSEKHI 46:11

Akohba Abüdongba Ihsa te lile; Jakob Tsingrang tsü Ihsa tsikehsing.

NENGSEKHI 65:5

Ihrü khyang akohba jonü ihrü te Nühnü lalingre, ko ihrü khümchonung Nühnü anyemüyangnung nguchi nguchire. Liküp müyurüti ko kihdi khu wü lirünü Nü chah longlangre.

NENGSEKHI 66:3

“Nü nguchiti khüta anyemüyangnung pü Tsingrangba te young! Nü zii dirachonü Nü rorütinü dhridhri Nü jingte mükhukehre.

NENGSEKHI 66:5

Rung ko Tsingrangba nguchiti dhing, nyitsarü yola Abi anyemüyangnung nguchiti dhing.

NÜCHEHCHO 14:14

Abüdongba-nü nührü shulüm khatajünung; nührü yah-a du lieng.”

NÜCHEHCHO 14:25

Arüh atsi mütsasohnung abinü arüh kuri akhüluba jing lahrangsohcho. Ijiprünü yocho, “Abüdongba-nü Ihsa nyüm Israelrü nengdang khatajüle. Ihsanü hilanü tsinung.”

THSINGYURÜ 12:1

Hütsüeko nüh kunu thsa lide nü Külüprü lümcheng, mahkhang amütsaba nyümong ko kang ronung, hütsüde nühnü yonung, “Akang linung alongnyüpnung mühle.”

DANIEL 11:32

Yangthsabanü hütsüba yudsi yangthsa pehjürü arahkhehnü kihcho abi trosohnung, ta Tsingrangba yu nyirünü arüh te khatanung.

ZEKARIA 14:3

Hütsüpü Abüdongba shemüsunung, ko atsichola Abinü khatacho roh-i, Abinü hiri yuchoti nyüm mongchiinung.

KHIDHINGCHO 14:9

Abüdongba tünyüm ko hütsüla lirü tüdrü.” Ihsanü arüh mülati kohnung. Ihsa te Abüdongba zehle ko arüh tsingrangti abinü kohko, hütsüeko tüdrü.

MATHI 10:28

Sürünü afü du ma anbülü müpsehnung mükohro, arüh tüdrü, ta Tsingrangba sünü mümehmi la afü ko anbü anyüding changjünung kohro abi drüng.

AZIKA YU 10:17

Abüdongba nührü Tsingrang tsü tsingrangti apüm michah ko zii apüm michah abi adiuba. Abi amülah ko akohba ko Abi adrünung. Abinü tsahdhingkudhing müthsare ko pohsa mükhyüre.

IBRIRÜ 13:6

Khang Ihsanü rezeh yonung: “Abüdongba I trorü, Ihnü müdrünung. Sünü I chah tu nguchinung?”

JOSHUA 1:9

Ihnü nüte re zehnü ko müci zinung yuzengjücho lümkehng. Tüdrü ko suzah tüli, tunüo Ih, Abüdongba nü Tsingrang nüh khüdederü wünye nüte zeh lile.”

YUKHARÜTI 3:27

Khode Efraim azong lih chihcho, abinü khata wünung rühti meh Israelrü dsicho; ko abinü arüh azonglang tsünü nücho wücho.