NEHEMIA 3:15 - AMÜSA BAIBEL (BSI)

¹⁵ Mezpa District yangthsaba Kolhoze tsurü Shalum-nü Kihna Tbükhüm tsü külüpcho. Abinü Tbükhüm tsü külüpchipü atohtising ko azihtising yohcho. Shela changtphü la yangthsaba tbü chungkeh David yangdi lanü jowüba Phaqu chii tbü tsü abinü külüpcho.

NEHEMIA 3:15 Iomraidhean Croise

2 SAMUEL 5:9

Roshengvi tsü kohchehpü, David-nü hütsüla licho ko hütsüte “David Yangdi” pü dsicho. Abinü yangdi tsü mükangmüla akhanglang lahpi alih süh liba la tsünü dikeh külüpcho.

2 YANGTHSARÜTI 25:4

yangdi tbü tsü müp-phohcho. Babylon-rünü yangdi tsü mükangtipü linye, aromangnü rothsarü apüm tsikhangpehcho. Arühnü yangthsaba tbü khu jingnü wü züdi anyüh müchikehtala tsü trahtri khu Jordan Ngahlang rang tsicho.

2 ROHTHÜP 32:30

Gihon yongna khangtijüpü Jerusalem tbü yonglang münyehmüla khyüjüba tsü yangthsaba Hezekia licho.

NEHEMIA 12:37

Kihna tbükhüm la tsü arühnü David kuh khu David yangdi lang wüba langla tsü küducho ko yangdi nyüchürolang Kih Tbükhüm la tsü thali rocho.

NEHEMIA 2:14

Hütsüpü yangdi nyüchürolang Ihnü kihna tbükhüm ko yangthsaba changtphülang tsü wücho. Ta Ih pümba gadu khunungthsa lang mülicho.

NEHEMIA 2:17

Ta ade Ihnü arüh te yocho, “Dhing, Jerusalem ko tbükhümti thsangnyang licho khu Ihsa khüta adhsangthsi nguro! Ihsanü yangdi tbü tsü külüpchinung ko Ihsa ashah hi changpehsohnung.”

NEHEMIA 3:12

Jerusalem achangshola yangthsarü Halohesh tsurü Shalum-nü hütsü chungkeh tsü külüpcho. (Atsularütinü nguchila tsü trocho)

NEHEMIA 3:14

Beth Hakerem District la yangthsarü Rekab tsurü Malkija-nü Sünyeh Tbükhüm tsü külüpjücho. Abinü tbükhüm yohcho ko atohtising ko azihtising yohcho.

NEHEMIA 3:19

Mizpa la yangthsaba Jeshua tsurü Ezer-nü hütsü chungkeh thsalu kuh bete tbü ximülaba chiinü külüpcho.

NEHEMIA 3:7

Gibeon lanü Melatia, Meronot lanü Jadon ko Gibeon-rü ko Mezpa-rünü Eufrates nyüzüdulang governor kuh chii külüpchicho.

NEHEMIA 3:9

Jerusalem District achangshola yangthsarü Hur tsurü Refaia-nü hütsü chungkeh tsü külüpcho.

THSINGYURÜ 2:6

ko hütsüla xahnung kihkong jucho.

ISAYA 8:6

Abinü yocho, “Hiri nyitsarünü Shiloa kihnatung lanü kih alonglüm mükhyüpü ko yangthsarü Rezin e Peka nyüh jingte dhridhrichonü,

JEREMIA 40:6

Achotsü Ihnü Mizpa la Gedalia te linung wücho ko nying liba müyurü yola licho.

YUSE ATSA LUK 13:4

Siloam la kuh khülutsu arüh dhürekeh müpsehbasü khüta? Arüh tsü Jerusalem la lirü atümung tenü arüh amütsau thsacho ngangepü nührünü lümrü mah-o?

JOHAN 9:7

abi te yocho, “Wüng ko Siloam (adüzü “müthehcho”) kihting la nü romih müpieng.” Achotsü nyitsarüba tsünü wücho ko aromih müpipehcho ko ngunü thali rocho.

YUKHARÜTI 20:1

Kihku lahpi Dan lanü kihjing lahpi Beersheba chii ko nyüchürolang Gilead lih chiinü Israelrünü adsiba tsü lalingcho. Arühnü Mizpa la Abüdongba liba la khüdu kang shimükhongcho.

YUKHARÜTI 20:3

Hütsüde Benjaminrünü Israelrü aparülü Mizpa la shimükhongko pü yuchicho. Israelrünü tsingdhingcho, “Nguchi amütsa hi khüta tikehchonang ihrü te young?”