NEHEMIA 2:3 - AMÜSA BAIBEL (BSI)

³ Ihnü khütang dronü lalingcho, “Nü Ahechi müchangkapü lieng! I jümürü dhrürangcho yangdi thsangnyang yohpüpü ko tbükhümti michangnü tahpeh lipü Ih khüta künyang linung?”

NEHEMIA 2:3 Iomraidhean Croise

1 YANGTHSARÜTI 1:31

Bathsheba-nü mükhukehnü yocho, “I büdongba yangthsaba kutsüp lisohng!”

2 YANGTHSARÜTI 25:8

Babylon yangthsaba Nebukadnezar kang dhüre düku-u, choo münga ko nyümong dhünyeh-ula, abi khyang lümlong jürü ko rothsarü anüchirü Nebuzaradan-nü Jerusalem la zürocho.

2 ROHTHÜP 21:20

Jehoram kang sangrepü anyüh thsade, abi yangthsaba kangcho ko abinü Jerusalem la kang keh yangthsacho. Abi süde sünüsü longri mülümcho. Arühnü abi David yangdila dhrürangcho, ta yangthsarü kong la müdhrürangcho.

2 ROHTHÜP 28:27

Yangthsaba Ahaz sücho ko Jerusalem la dhrürangcho ta yangthsarü kong la müdhrürangcho. Abi tsurü Hezekia abi mülih yangthsaba kangcho.

2 ROHTHÜP 32:33

Hezekia sücho ko yangthsarü kong athahlangbala dhrürangcho. Abi süde Judarü ko Jerusalemrünü adhichi amülah jücho. Ko abi tsurü Manase tsü abi mülih yangthsaba kangcho.

2 ROHTHÜP 36:19

Abinü yangdi, Amübükuh ko yangthsaba kuh ko kuthsi apüm trüp-pehjücho ko yangdi tbü thsangnyangjücho.

NEHEMIA 1:3

Sürü müsüpü thali abürü lih lang rocho arüh dee chongcha lile, ko shündhün liba shuparütinü dee mükhimüngurepü Ite yocho. Jerusalem tbü ko tbükhümti, tahpeh shüshü ade yingcheh thsangnyang mükülüpchipü licho nengdangsü Ite yocho.

NEHEMIA 2:13

Ihnü nyüzüdulang Angah tbükhüm khu yangdi tsü pehjü kihjing lahpi shirung kihkong langnü sehnyeh tbükhüm khu tside mütsingse-echo. Ih lahkhu tside, thsangnyang liba yangdi tbü ko michangnü tahpehpü liba tbükhümti tsü Ihnü xodhingcho.

ESTHER 8:6

Hiba achangba I nyitsarü michah rode ko I jünirü müpsehde Ihnü khüta rangchonung?”

NENGSEKHI 102:14

Nü dikehrütinü abükyü müire, abükyü changpü linye; abükyü thsangnyangpü linye, arühnü abükyü chomangcho.

NENGSEKHI 102:15

Yanglihtinü Abüdongba drünung; limih yangthsarü atümungnü Abi tase drünung.

NENGSEKHI 137:6

Ihnü nüh mülümchehkhang Ihnü nüh tsü I akünyang adiubaepü mülümkhang, I müle I khüla chah tahkehsohng!

NENGSEKHI 38:7

I füdhsacho trüpsehre, ko Ih sünungthsare.

JEREMIA 52:12

Babylon yangthsaba Nebukadnezar yangthsacho kang dhüredüku, choo münga ko nyümong adhüreula, yangthsaba dhrüze ko rothsarü anüchiba Nebuzaradan Jerusalem la zürocho.

MESHÜ 2:9

Tbükhüm alih la sühnah lile, azihsing zangzang müpnah lile. Yangthsaba ko adirüti ade yangtsila lile. Yuzeng adelü müdore, ko azikehrüti Abüdongba chahnü müngucheh mühle.

DANIEL 2:4

Arühnü yangthsaba te Aramaik yula lalingcho, “O yangthsaba! Nüh kutsüp lieng. Ihrü te nü melang tsü young ko ihrünü hütsü changnah yonung.”

DANIEL 3:9

Arühnü yangthsaba Nebukadnezar te yocho, “O yangthsaba, nüh kutsüp lieng!

DANIEL 5:10

Yangthsaba ko abi adirüti yuva yuchi yangthsalatpü atpanü thsüti khyo yaba kuh la tsü züducho. Abükyünü yocho, “O yangthsaba, nüh kutsüp lieng! Khura lümlong tpanah drü tüli.

DANIEL 6:21

Daniel-nü lalingcho, “O yangthsaba, nüh kutsüp lieng!

DANIEL 6:6

Achotsü arühnü yangthsaba yanglang wünü yocho, “O yangthsaba Darius, nüh kutsüp lieng!

LEVIRÜ 26:31

Ihnü rihlongchüro nührü yangditi ko mübüji thsangnyangjünung, ko nührü kangmübüti mükhyüchonung.