NEHEMIA 13:25 - AMÜSA BAIBEL (BSI)

²⁵ Ihnü arüh yübücho, ko arüh michah chokehchola dsichojücho, lahcho ko arüh kuva rohchehjücho. Hütsüpü Tsingrangba nengla khodesü arühnü mahkhang ihrü tsuzarünü shupalarü te kuthriyangthri müthsanungepü yuchümsohcho.

NEHEMIA 13:25 Iomraidhean Croise

2 YANGTHSARÜTI 2:24

Elisha-nü ximüla arüh chah dhingcho ko Abüdongba nengla arüh chokehcholacho. Hütsüde rangmü lanü shühmü atrüh anyüh chüro dhrezarüti tsü arüh yürepü anyüh rehnah mükahsehcho.

EZRA 10:5

Achotsü Ezra te Shekania-nü tu yodhingcho hütsüta nguchinung pü bebürü, Levirü ko Israel langnürüti khyang yuchümsoh dikehcho.

EZRA 7:26

Khürünü nü Tsingrang yuzeng mahkhang yanglih yuzeng yocho münyikhang, abi tsü asünü mahkhang yangtsilang mütheh, mahkhang abi kuthsi müzüp khyüjo mahkhang arangyoh la yohpo khingching.”

NEHEMIA 13:11

Amübükuh layü pehjücho shulüm Ihnü adirüti khatacho. Hütsüpü Ihnü thali Levirü ko khithsarü noro nguchisohcho.

NEHEMIA 13:17

Ihnü Jihudarü langnürüti yübü yocho, “Nührünü nguchiba amütsa tsü dhing! Nührünü Amünyümong tsü münyijüre.

NEHEMIA 13:24

Arüh tsurü changshonü Ashdod yu mahkhang apa yu chopü ihrübürü Juda yu müchochehcho.

NEHEMIA 5:13

Ihnü I shü racho lehcheh trichi yocho, “Sünü anyengchocho müyohpünang Tsingrangba-nü hita trichi pehjüng. Abinü nührü kuh ko alicho lüpcho hitsijünung ko adeng pehjünung.” Hütsüla zehrü atümungnü yocho, “Amen” ko Abüdongba secho. Ko langnürütinü anyengchocho yohpücho.

NEHEMIA 5:6

Ihnü arüh longmüsü yuchide zichüro nguchinung dhrongchehcho.

NENGSEKHI 119:53

Amütsarünü Nü yuzeng thsangnyang ngude, I zichürore.

NENGSEKHI 15:4

Tsingrangba-nü thrüchahchüpehrü abinü münyüjüre, ta Tsingrangba yocho nyirü jengreng drüre. Tusü tusü thsanye lede abinü nyengchocho nguchire.

NÜCHEHCHO 34:16

Nührü tsuzarünü arüh yangpilarü khingkurü khyünung ko arühnü arüh kyothri tsingrang mübüsoh Ite yuje müchosohnung.

CHOYOH 28:4

Nühnü yuzeng münyikhang amütsarü khümre; ta nühnü nyikhang arüh nyümre.

ISAYA 50:6

I chah xüprü khyang Ihnü I khang pijücho Ih müthsamünyüde Ihnü arüh müyati, arühnü I benbüh zümcho I romih chah müchohkehjüde Ihnü arüh müyati.

AZIKA YU 6:13

Abüdongba nührü Tsingrang dhiching, Abi du mübüng ko Abi nengla du yuchüm.

AZIKA YU 7:3

Arüh süsü tükhyü ko nührü tsuzarüti khyangsü arüh süsü tükhyüsoh,

JOSHUA 23:12

Nührünü yocho mühnyi nührü yola liba yucho parü te mükhong ko arüh te kuthriyangthrikhang,