NEHEMIA 13:16 - AMÜSA BAIBEL (BSI)

¹⁶ Tyre yangdilanü khürü ro Jerusalem la licho ko arühnü Amünyümong ngu ko kohro lüpcho hiro ihrü nyitsarü te icho.

NEHEMIA 13:16 Iomraidhean Croise

NEHEMIA 13:15

Hütsü bekhyah Amünyümong müyurünü Juda la Shükusih dhrüm Ihnü ngucho. Ko aparünü arüh gadu chah fürü, yongkha, shükusih, ngurüsih ko apa kohroti zang Jerusalem lang hiwücho. Amünyümong tusü müh-inung Ihnü müzahsohcho.

NEHEMIA 13:17

Ihnü Jihudarü langnürüti yübü yocho, “Nührünü nguchiba amütsa tsü dhing! Nührünü Amünyümong tsü münyijüre.

NÜCHEHCHO 20:10

ta dhünyeh nyümong tsülü I nengdang müsachehba akyahshang nyümong lile. Hütsü nyümong nührü, nührü tsuzarü, nührü yurü, nührü kanglungrü mahkhang nührü lih la liba shuparüti thsanye, süsü münguchinung.

NÜCHEHCHO 23:12

“Nyükhih la nyümong dhüroh nguching, ta nührü yurüti ko nührü chichah mungrü ko nührü kanglungrü mii kyahshangnungthsa dhünyeh nyümong tsü tu tünguchi.

AZIKA YU 5:14

ta dhünyeh nyümong tsülü I nengdang müsachehba akyahshang nyümong lile. Hütsü nyümong nührü, nührü tsuzarü, nührü yurü, nührü kanglungrü mahkhang nührü lih la liba shuparü thsanye, süsü münguchinung. Nührü roh-i du, nührü yurüsü kyahshangnungbae.