NEHEMIA 13:15 - AMÜSA BAIBEL (BSI)

¹⁵ Hütsü bekhyah Amünyümong müyurünü Juda la Shükusih dhrüm Ihnü ngucho. Ko aparünü arüh gadu chah fürü, yongkha, shükusih, ngurüsih ko apa kohroti zang Jerusalem lang hiwücho. Amünyümong tusü müh-inung Ihnü müzahsohcho.

NEHEMIA 13:15 Iomraidhean Croise

2 ROHTHÜP 24:19

Abüdongba-nü Abi yang ximülasohnung arüh yang azikehrü müthehcho, ta arühnü münyicho.

NEHEMIA 10:31

Shuparünü Amünyümong mahkhang apa Amüsa nyümong ihrü yang fürü mahkhang apa tunang dusü ainung hironye, ihrünü arüh khehlanü mülihnung. Kang dhünyeh mükhu ihrünü luh müthsanung ko ihrünü thsite apüm pehjünung.

NEHEMIA 10:32

Kang mükhu Amübükuh dhsütah shulüm ihrü nyitsarü müipinü taripi süreh münga-nga jünung.

NEHEMIA 13:16

Tyre yangdilanü khürü ro Jerusalem la licho ko arühnü Amünyümong ngu ko kohro lüpcho hiro ihrü nyitsarü te icho.

NEHEMIA 13:21

Ihnü arüh müzahsoh yocho, “Tuepü nührünü tbü shündhün yüpro? Nührünü anyüpiu hütsüta nguchikhang, Ihnü kheh küdunung.” Hütsütinü arühnü Amünyümong müropehcho.

NEHEMIA 9:29

Nühnü Nü adoba bichinung arüh müzahsohcho, Nü Yuzeng bichiba tsü akang lang khüli, arühnü müthsehmüla Nü yuzeng mükhyüchocho. Arühnü lasih müküp ko hongzinü yu münyicho.

JOB 39:12

Nü khyang maxajü ko pungkhyanglang fürü hibülungjünung longdirü do?

NENGSEKHI 50:7

“Nyieng, I müyurü, Ihnü chonung; Israel, Ihnü nüh nyüm yuzi jünung. Ih Tsingrangba, nührü Tsingrang.

NÜCHEHCHO 31:12

Abüdongba-nü Mosa te yocho,

NÜCHEHCHO 31:16

Israelrünü hiba nyümong hi azengtacho amüdhethsa yohpünungbae.

NÜCHEHCHO 34:21

“Nyümong dhüroh nührü nguchi nguching, ta dhünyeh nyümong tsülü machide mahkhang maxade thsanye nührünü tünguchi.

NÜCHEHCHO 35:2

Nührü nguchi nguchinung nyümong dhüroh lile, ta dhünyeh nyümong tsülü Ih, Abüdongba khyang müsachehba akyahshang nyümong lile. Sünü hütsü nyümong lango dusü nguchinang, abilü süsohnung.

CHOYOH 28:4

Nühnü yuzeng münyikhang amütsarü khümre; ta nühnü nyikhang arüh nyümre.

ISAYA 58:13

Abüdongba-nü yore, “Nührünü Sabath nyümong tsü Amüsa roh-i bichikhang ko hütsü nyümong nührü thsanyücho müthsakhang; nührünü I Amüsa nyümong tsü, müshitseh, münguchi mahkhang amükhyu chonü mümünyisohpü dhichi bichikhang,

JEREMIA 17:24

“Hiri nyitsarü te arühnü Ihnü mülacho apüm nyinung young. Arühnü Sabath nyümong yangdi tbükhüm khu tusü mühizüronung. Arühnü hütsü Amüsa nyümong kang mungnung ko tusü münguchinung.

JEREMIA 17:27

Ta arühnü Iyu nyieng ko Sabath nyümong müsa mung. Arühnü hütsü nyümong Jerusalem tbükhüm khu tusü mühizüronung, arühnü hizürokhang, Ihnü Jerusalem tbükhümti chah michang thsürangjünung. Michang tsünü Jerusalem yangthsaba kuh trüpnung ko hütsü sünüsü mümehchehsohnung.”

JEREMIA 42:19

“Abüdongba-nü nührü Juda la nying lirüti Ijip lang müwünung yore.

EZEKIEL 20:13

Ta lipilih la mii arühnü Ih mükhimüngucho. Arühnü Ih amülaba thsangnyangcho, ko I yuzeng nyirü akang linung yocho arühnü mükhyüchocho. Arühnü khüdupinü Sabath nyümong tsü münyijücho. Ihnü hütsüba lipilih la tsünü arüh khyang I rihlong müdhesoh arüh changjünung lümcho.

AMOS 8:5

Nührübürünü yorü, “Ihrü fürü inung nengdang amünyümong khusohnung nahmürahre. Ihrü fürü thali inung amünyümong tsü khode khunung? Hütsüde ihrünü alaa chingnung, rahmüla ho-nung, ko fürü lihrü thsüyohchünung ahosing zingmülanung.

MIKA 6:3

Abüdongba-nü yore, “I müyurüti, Ihnü nührü te tu nguchicho? Ih nührü nengdang bhamüling khüdu thsacho do? Ite laling.

RIWÜRÜTI NGUCHI 2:40

Peter-nü yu apa adrongnü arüh te thsüchi yocho, “Hiba akureng shang lanü nührü jangjangthsa khümchoung!”

RIWÜRÜTI NGUCHI 20:21

Jihudarü ko yangpirü atümung te Tsingrangba yang lasih thsamülanung ko Ihsa Abüdongba Jisu chah yudsinung Ihnü yuzi jücho.

GALATIARÜ 5:3

Ihnü adesü nyitsarü atümung te müzahsohre, sünü müjüp-pehnang abinü yuzeng apüm bichinung kangre.

EFESIARÜ 4:17

Hütsünü, Ihnü Abüdongba nengla nührü müzahsohre: lümlong müzehba

AZIKA YU 8:19

Abüdongba nührü Tsingrang khodesü tünbüchü mahkhang apa tsingrang mübünung ko dikehnung tüximüla. Nührünü hütsüta nguchikhang, nührü yuje changnungepü Ihnü chünye nührü müzahsohre.

1 TESALONIKARÜ 4:6

Hitari la sünüsü khristan jünirü te amütsa münguchibae, mahkhang mükihyochübae. Ihrünü müngulangnü nührü te sürünü hütsü roh-i nguchinang Abüdongba-nü khingchinungepü müzahsoh yoko.