NEHEMIA 1:9 - AMÜSA BAIBEL (BSI)

⁹ Ta nührünü Ih yang thali ro Ihnü mülacho nührünü nguchikhang, nührü alih changkachi tsisho linye Ih mübüsohnung throchehba lih lang Ihnü nührü nüli ronung.’

NEHEMIA 1:9 Iomraidhean Croise

1 YANGTHSARÜTI 8:48

Hütsüba lihlanünye arühnü yuje lasih thsamüla, Nühnü ihrü jümürü khyang jüba lih, Nühnü throchehcho yangdi ko Ihnü thsaba Amübükuh liba yangdi lahpi pipü kihchikhang,

1 YANGTHSARÜTI 9:3

Abüdongba-nü abi te yocho, “Ihnü nü dangkhidangnang yuchiko. Ko lede Ih mübünung nengdang nühnü thsaba Amübükuh tsü Ihnü müsachehjüko. Ihnü hütsü lede dhingyehnung ko tsungtinung.

1 ROHTHÜP 16:35

Abi te young, “Ihrü khümchoung; Ihrü nübülung; yuchoti khehlanü Ihrü iichoung, Ihrünü künyang Nüh Amüsa neng senungthsa.”

EZRA 6:12

Yangthsarü mahkhang yucho khüibanü hiba yuzeng thsangnyangnung müküpro ko Amübükuh tsü thsangnyangjünung müküpro, abi mübüsohnung Jerusalem sünü throchehcho, hiba Tsingrang-nü abi changsohng. Ih, Darius-nü yuzeng jüre. Hi nyitsatsanungbae.”

NENGSEKHI 106:47

Ihrü khümchoung, O Abüdongba ihrü Tsingrang, yangpilangnü ihrü thali norung; ko ihrünü künyangnung ko Nü Amüsa nengsenung.

NENGSEKHI 107:3

Ko yangpirü lih lanü, nyüchüro nyüzüdu, kihku ko kihjinglangnü nührü nüli rocho.

NENGSEKHI 147:2

Abüdongba-nü Jerusalem külüpchire; Abinü yangtsirü nüli rore.

ISAYA 11:12

Shupishuza liba Israelrü ko Judarü limih jongnah müyü langnü nübülungcho yuchoti khyang ngusohnung, Abinü amüdhethsa nisan dhimüsunung.

ISAYA 27:12

Hütsü nyümong, Eufrates lanü Ijiprü lurü chii, mawicho kyo, Abüdongba-nü Abi nyitsarü khüdu khüdunü throchehnung.

ISAYA 56:8

Akohba Abüdongba, sünü Abi nyitsarü Israelrü yangtsilangnü norocho, Abinü aparüsü arüh yola zehsohnung noronungepü nyengchoko.

JEREMIA 12:15

Ta Ihnü arüh khyümüiko khanglang; Ihnü arüh te yanglilüm ngusohnung; Ihnü yucho müipi abürü lih ko yanglih lang noronung.

JEREMIA 3:14

“Yuje müchorüti, thali rung; nührü Iyo lile. Ihnü yangdi müipi lanü nyüh khüdu-khüdu, ahung müipi lanü anyüh-nyüh ko Ihnü nührü Zion zong lang nüli ronung.

JEREMIA 31:10

Abüdongba-nü yore, “Yuchoti, Iyu nyieng, ko kihkeh khüulang ashula Iyu sobhoung. Ihnü I müyurü tsishosohcho, ta san nyahrünü abi san nyahcho kyo, Ihnü arüh nübülung nyahnung.

JEREMIA 32:37

Ihnü zii ko rihlong chüro shupishuza pehba yuchoti lanü, I müyurü nübülungnung, ko hiba lih la arüh thali noronung ko arüh hila khümcho lisohnung.

JEREMIA 6:22

Abüdongba-nü yore, “Kihku lahpi yanglih khüdu lanü nyitsarüti role; ashula liba akurah yucho khüdunü mongchiinung küdangle.

EZEKIEL 14:6

“Hütsüeko ade, Israelrü te Amichahba Abüdongba-nü hita yore: Ximülaang ko nührü athrünyinung kyothriti pehjüng.

EZEKIEL 36:24

Ihnü yucho ko yanglih mükhu lanü nührü nüchehnung ko nührübürü lih lang noronung.

LEVIRÜ 26:3

“Nührünü I yuzeng ko amülaba bichi likhang,

ZEKARIA 8:7

I müyurü notsiba lih la tsünü Ihnü arüh khümchonung,

MATHI 24:31

Rühti arangcheh mehnung, athrochehrüti alih achangka khüulangnü khüulang chii nübülungnung nengdang abinü ariwürüti limih jongnah müyülang müthehnung.

AZIKA YU 12:21

Athrochehba müdüm tsü nührü nengdang shurakhang, Abüdongba-nü jücho misü mahkhang san masü müpsehnung kohle ko Ihnü yocho kyo, nührü lichah shuh tsü tsung.

AZIKA YU 12:5

Nührü lih apüm lanü Müyurünü ro Abi mübüsohnung Abüdongba-nü müdüm khüdu throchehnung.

AZIKA YU 30:1

“Ihnü ade nührü khyang amüwa mahkhang chokehchola khüdu throchehnung jüre. Khode hiri apüm nührü chah tikehnang ko Abüdongba nührü Tsingrang-nü nührü tsishosohcho yuchoti yola tsü liyade, athrochehnung Ihnü mülaba tsü nührünü lümchehnung.