NEHEMIA 1:4 - AMÜSA BAIBEL (BSI)

⁴ Ihnü hiri apüm yuchide, Ihnü pümpü tracho. Ihnü nyümong asheng kong longricho. Ihnü Tsingrangba te dangkhidangnangcho,

NEHEMIA 1:4 Iomraidhean Croise

2 SAMUEL 12:16

David-nü akhunga shulüm Tsingrangba te kihchicho. Abinü kong romang mükhu abi yüpjilang züdu müyüp alih la chichi kihchicho.

2 YANGTHSARÜTI 22:19

Ko Ihnü Jerusalem ko hütsüla müyurüti khingchinungepü yode, nühnü jengki rehnah, tranü I bete nü jangjang longlüm kang lasih thsamülako. Ihnü adhingnung adrünung ko chokehchola müdüm kang nyitsarünü bichinungthsa Ihnü külüpjünung.

2 ROHTHÜP 6:13

(Solomon-nü imüyengnü yuthungchah külüp-pü hütsü kekhüm longla yohpücho. Hütsü apümlang khehap münga-nga, ko athsenglang khehap asang licho. Abinü hiba yuthungchah küducho ko apümnü ngunungthsa mükhukehcho ko ninglang dhing akheh dhimüsucho.)

EZRA 1:2

“Persia yangthsaba Cyrus yuzeng tsü hi. Abüdongba, ninglang liba Tsingrang-nü limih apüm michah Ih yangthsarü kangsohko ko Juda lih la Jerusalem la Abi khyang Amübükuh thsajünung I chah nyümkehjüko.

EZRA 10:1

Amübükuh bete Ezra hütsüta tranü münyi hiri nyengcho dangkhidangnang yade, Israelrü khingkurü, adhrerü ko azarü mülung amülah abi mükang shibülung khütang tracho.

EZRA 9:3

Ihnü hi yuchide, awahchonü I jengki rehnahcho ko I kuva ko benbüh zümnah longyüseh pümcho.

EZRA 9:5

Khode anyüzehlang kangmübü jünung akyang chihcho, Ih longyü lichola tsünü arohnahcho I jengki tsü khyüpü shemüsucho, ko Ihnü Abüdongba I Tsingrang yang I kheh müyungchü mükhukeh dangkhidangnangcho.

NEHEMIA 2:20

Ihnü lalingcho, “Ninglang liba Tsingrang-nü ihrü khyang kohsohnung. Ihrü Abi dikehrüti ko ihrünü thsanung dikehre. Ta Jerusalem la nührü thsiking ko nührü ara tu mühle.”

NEHEMIA 2:4

Yangthsabanü tsingdhingcho, “Nühnü tu khyünyüro?” Ihnü Ning Tsingrang te dangkhidangnangpü

NENGSEKHI 102:15

Yanglihtinü Abüdongba drünung; limih yangthsarü atümungnü Abi tase drünung.

NENGSEKHI 136:26

Ning Tsingrang khyang anengse jüng. Abi amüi achangka mühle.

NENGSEKHI 137:1

Babylon yongkhi te ihrü pümcho; hütsüla Zion lümcheh ihrü tracho.

DANIEL 10:2

Hütsütade, Ih nyükhih asang meshü licho.

DANIEL 2:18

Abinü arüh te arühsü Babylon-rü asithsa müdherü yola müsünungthsa melang tsü mishajüngpü ning Tsingrang te kihchinung yocho.

DANIEL 9:3

Ihnü Abüdongba Tsingrangba te müyahshü müpipü, lihwüla püm kongnü kihchicho.

JONA 1:9

Jona-nü lalingcho, “Ih Ibrirü khüdue, Ihnü alih ko kihdi külüpbong ninglangrü Tsingrang, Abüdongba mübüre.”

ZEFANIA 3:18

Nyitsarünü thsütila künyangcho kyo Abinü nü khyanglangnü khi thsanung ko künyangnung.” Abüdongba-nü yore, “Ihnü nührü chokehchola ko ashah khyümüijüko.

ROMRÜ 12:15

Künyang lirü te künyangtaang, atrarü te tratrotang.