NEHEMIA 1:3 - AMÜSA BAIBEL (BSI)

³ Sürü müsüpü thali abürü lih lang rocho arüh dee chongcha lile, ko shündhün liba shuparütinü dee mükhimüngurepü Ite yocho. Jerusalem tbü ko tbükhümti, tahpeh shüshü ade yingcheh thsangnyang mükülüpchipü licho nengdangsü Ite yocho.

NEHEMIA 1:3 Iomraidhean Croise

1 YANGTHSARÜTI 9:7

Ihnü jüba lih la tsünü Ihnü I müyurü Israelrü khyümüipehnung. Ko I mübüji thsanung Ihnü müsachehba Amübükuh hi mii Ihnü pehjünung. Limihrünü Israelrü mülangjü chonung ko mütsa bichinung.

2 YANGTHSARÜTI 25:10

ko abi rothsarütinü yangdi tbü müpnahjücho.

2 ROHTHÜP 36:19

Abinü yangdi, Amübükuh ko yangthsaba kuh ko kuthsi apüm trüp-pehjücho ko yangdi tbü thsangnyangjücho.

EZRA 2:1

Yangtsirü adrong Babylon lih pehjüpü palu yangdi yangchi Jerusalem ko Juda yang rocho. Arüh kukhiti tsü Babylon lang yangthsaba Nebukadnezar-nü arüh rang nowü shüshü hütsüla licho.

EZRA 5:8

“Ihrünü Juda lih lang wüko ko arangcheh Tsingrangba kuh tsü lung amülülah ko züdi la sing khyangnü thsachicho nguko ko hi nüh adibongnü müdhenungbae. Nguchi tsü dee müzah nguchi yale ko athsalangnü nguchi tsile.

NEHEMIA 11:3

Apa yangditila Israelrü, bebürü, Levirü, amübükuh thsarü ko Solomon dikehrü chahnü trahchochoti tsü arühbürü yangdila arühbürü kuthsi la licho. Hiri hi Juda lih lanü langnürüti Jerusalem la lirüti: Zekaria shümtsurü Uzia tsurü Athaia. Abi jümürüti hiri mii zehcho: Amaria, Shefatia ko Juda tsurü Perez chahnü trahchocho Mahalalel.

NEHEMIA 2:13

Ihnü nyüzüdulang Angah tbükhüm khu yangdi tsü pehjü kihjing lahpi shirung kihkong langnü sehnyeh tbükhüm khu tside mütsingse-echo. Ih lahkhu tside, thsangnyang liba yangdi tbü ko michangnü tahpehpü liba tbükhümti tsü Ihnü xodhingcho.

NEHEMIA 2:17

Ta ade Ihnü arüh te yocho, “Dhing, Jerusalem ko tbükhümti thsangnyang licho khu Ihsa khüta adhsangthsi nguro! Ihsanü yangdi tbü tsü külüpchinung ko Ihsa ashah hi changpehsohnung.”

NEHEMIA 2:3

Ihnü khütang dronü lalingcho, “Nü Ahechi müchangkapü lieng! I jümürü dhrürangcho yangdi thsangnyang yohpüpü ko tbükhümti michangnü tahpeh lipü Ih khüta künyang linung?”

NEHEMIA 7:6

Yangtsila lirü adrong Babylon lih pehjüpü arüh müipi arühbürü yangdi Jerusalem ko Juda lang thalicho. Arüh kukhiti tsü Babylon la yangthsaba Nebukadnezar-nü arangyohrü kang nowüba shikhe tinü licho.

ESTHER 1:1

Persia yangdiba Susa yangthsaba pümji lanü,

NENGSEKHI 79:4

Mükangmüshü yuchotinü ihrü nyüpmüsehko; arühnü ihrü münyodhingko ko müthsamünyüko.

CHOYOH 25:28

Arahseh müliba nyitsarü tsü, amahchehcho ko tbü müliba yangdi kyole.

ISAYA 43:28

ko yangthsarünü Amüsa kuh münyijücho. Hütsü khu Ihnü Israel chah achangba jücho; Ihnü Ipu nyitsarü müthsamünyüsohcho.”

ISAYA 5:5

“Ihnü I shükusih te hita nguchinung: Ihnü atbüticho tsü tphünung, ko hütsü tsungtiba züdi tsü lohnahnung, ko rangmü kanglungrünü hütsü dhrümnah tsunung.

JEREMIA 24:9

Liküpla yuchotinü nehnungthsa arüh michah Ihnü hütsütari achangba hirojünung. Nyitsarünü arüh münyodhingnung, arüh nengdang tülatüshinung, arüh mütsa chonung ko arüh wücho apümlang arüh neng dangchinung.

JEREMIA 29:18

Ihnü arüh chita, yangkong ko dhsaranü iichinung ko arüh ngude limih yuchotinü nehnung. Ihnü arüh apümlang tsishosohnung ko arüh chah tikehcho ngu nyitsarünü neh drünung. Nyitsarütinü arüh münyüjünung ko arüh neng chokehchola kang bichinung.

JEREMIA 39:8

Hütsüde Babylon-rünü yangthsaba kuh ko müyurü kuh trüp-pehjücho ko Jerusalem tbü tphahtsucho.

JEREMIA 42:18

“Abüdongba, Israel Tsingrang-nü yore, ‘Jerusalemrü chah I zii ko rihlong mükhakehcho roh-i, nührünü Ijip lang wükhang nührü chah I zii ko rihlong mükhakehnung. Nührü adrünung kehnung; nyitsarünü nührü mülangjünung ko nührü neng chokehchola kang bichinung. Ko nührünü hiba müdüm khodesü thali müngunung.’”

JEREMIA 5:10

I müyurü shükusih thrümsohnung Ihnü arorüh müthehnung, ta ririlü müchangsohnung, Ajengzati lepehsohnung Ihnü yonung, tunüo hütsüri ajengzati Iyo mah.

JEREMIA 52:14

ko abi rothsarütinü tbü tphüjücho.

MESHÜ 1:7

Ade changpü nayingseh lile, Jerusalem-nü papade ahechi lümchehre. Abükyü arorüh kheh la khülude, atrorü süsü mülicho; Arorühnü abükyü khülucho ngu münyüjücho.

MESHÜ 2:9

Tbükhüm alih la sühnah lile, azihsing zangzang müpnah lile. Yangthsaba ko adirüti ade yangtsila lile. Yuzeng adelü müdore, ko azikehrüti Abüdongba chahnü müngucheh mühle.

MESHÜ 3:61

“O Abüdongba, Ih nyüpmüsehcho nühnü yuchiko; arüh rah apüm nühnü müdhele.

MESHÜ 5:1

O Abüdongba, ihrü chah tu tikehcho lümchehng; Ihrü chah dhing, ko ihrü ashah müdheing.

LEVIRÜ 26:31

Ihnü rihlongchüro nührü yangditi ko mübüji thsangnyangjünung, ko nührü kangmübüti mükhyüchonung.

LEVIRÜ 26:33

Ihnü nührü michah khata hirojünung ko nührü shirü lih jeng tsishosohnung. Nührü yanglih thrüchahchüpehnung, ko yangditi changpehjünung.