MESHÜ 5:22 - AMÜSA BAIBEL (BSI)

²² Nühnü lede nengdang ihrü pehcho do? Nü zichüroba münyehlirü do?

MESHÜ 5:22 Iomraidhean Croise

NENGSEKHI 44:9

Ta ade Nühnü ihrü mükhyücho ko ihrü kohchehsohko; Nühnü adelü ihrü rothsarü yola müwü.

NENGSEKHI 53:5

Ta hütsüde arüh chah khodesü mütikehdhingcho khüdunü drümüyangsohnung, tunüo Tsingrangba-nü Abi müyurü rorüh rühlungrü shupishuzasohnung. Tsingrangba-nü arüh mükhyücho, hütsünü Israelrünü arüh sehchi kohnung.

NENGSEKHI 74:1

O Tsingrang, tuepü Nühnü ihrü hita pehjücho? Nühnü Nüpu nyitsarü te lede nengdang zichüronung do?

NENGSEKHI 79:5

Abüdongba, Nühnü ihrü te lede nengdang zichüronung mah-o? Nü zichüroba tsü michang kyo mütozah trunung mah-o?

ISAYA 64:9

Nühnü ihrü thricho, hütsüeko aro zii chürung mahkhang lede ihrü münyi tükhichi. Ihrü Nü müyurü; ihrü te yanglilüm.

JEREMIA 14:19

Abüdongba, Nühnü Juda khüdupinü thrüchahchüpehko ang? Nühnü Zion-rü thrünyire ang? Tuepü ihrü mükyangnungthsa hitoi mütsa dhsakehjücho? Ihrünü yangtsa yangchicho, ta tu atsa mütikeh; ihrünü akyangnung longdicho, ta adrüba du rocho.

JEREMIA 6:30

Arüh te akhyüchah müliba iichüh pü dsinung, tunüo Ih, Abüdongba-nü arüh mükhyücho.”

JEREMIA 7:29

“Meshüng, Jerusalemrü; nührü kuva müjüpm ko pehng. Akhangchah tsü meshü khi thsaang, tunüo, Ih, Abüdongba zichürore ko I müyurü thrüchahchüpehko.

EZEKIEL 24:13

Jerusalem, nührü mabomashi nguchinü nührü münyiko. Ihnü nührü müsachehjünung müküpnye, nührünü münyi du lire. I rihlong ajeng nührünü müthsadsüde, nührü thali müdhseng mükangnung.

EZEKIEL 37:11

Tsingrangba-nü Ite yocho, “Nyitsarü tsurü, Israelrü tsü hiri rühlungrü kyo lile. Arüh aronung alongdi tu müli kungpehkopü arühnü yore.

HOSEA 1:6

Gomer-nü azarü anyüu, khingkurü khüdu nümüsucho. Abüdongba-nü Hosea te yocho, “aneng ‘Lo—Ruhamah’ (Mümüila) dsijüng, tunüo Ihnü adelü Israelrü mümüinung ko mülang müpehjünung.”