MESHÜ 5:1 - AMÜSA BAIBEL (BSI)

¹ O Abüdongba, ihrü chah tu tikehcho lümchehng; Ihrü chah dhing, ko ihrü ashah müdheing.

MESHÜ 5:1 Iomraidhean Croise

NEHEMIA 1:3

Sürü müsüpü thali abürü lih lang rocho arüh dee chongcha lile, ko shündhün liba shuparütinü dee mükhimüngurepü Ite yocho. Jerusalem tbü ko tbükhümti, tahpeh shüshü ade yingcheh thsangnyang mükülüpchipü licho nengdangsü Ite yocho.

NEHEMIA 1:8

Ade Nühnü Mosa te yocho lümchehng: ‘Nührü Israelrünü Ite yocho münyikhang, aparü yuchoti la Ihnü nührü tsishosohnung.

NEHEMIA 4:4

O Tsingrang! Ihnü kihchire, “Arühnü ihrü müchümükehba tsü nyidhing. Arühnü müthsamünyüba tsü arühbürü chah küdusohng. Arüh licho lüpcho kengcho tsisohng ko shupa lih la arüh arangyohrü kang hitsisohng.

JOB 10:9

Nühnü Ih lihshehnü külüpcho lümchehng; hütsü thali asongsong kangsohnung do?

JOB 7:7

Lümchehng, O Tsingrang, I kang hi asah khüdu du; I akünyang tsü changkapehko.

NENGSEKHI 119:153

I chongcha dhing ko Ih khümchoung, tunüo Ihnü Nü yuzeng müpehjü.

NENGSEKHI 74:18

Ta O Tsingrang, lümchehng, Nü rorünü Nüh münyüjüre, ko müyudsirünü Nüh müthsamünyüre.

NENGSEKHI 79:12

Abüdongba, Nü nyüpmüsehba yuchoti khyang dhünyehpinü alaa jüng.

NENGSEKHI 79:4

Mükangmüshü yuchotinü ihrü nyüpmüsehko; arühnü ihrü münyodhingko ko müthsamünyüko.

ISAYA 62:6

Jerusalem, nü tbü la Ihnü anyahrü yohpüle; Anyümong ko aromang arühnü sahmüthsa mülibae. Abüdongba te abi anyengchocho kepüchibae, Ko khodesü abinü arüh tünbüchüsoh.

JEREMIA 15:15

Hütsüde Ihnü yocho, “Abüdongba, Nühnü nyichehle. Ih lümchehng ko Ih troung. I khyang I dhsümthserü rühyangsohng. Arühnü Ih kyüsehsohnung tüying. Nü khyanglangnü Ih müthsamünyücho lümchehng.

JEREMIA 51:51

Nührünü yore, ‘Ihrü wahseh liko ko ihrü ashah khyüko; ihrü tu khüta müthsa kangpehko, tunüo Amübükuh la Amüsa müdümti tsü shuparünü khyopehko.’

MESHÜ 1:11

Abükyü müyurütinü atsunung yangchide rühchire; Arühnü arüh kuthsi arüh akang linung tsuyongnung ngang mülihtare. “I chah dhing, Abüdongba” Yangdinü züdere: “I thsamütsa dhing.”

MESHÜ 1:20

O Abüdongba, I chongcha dhing, tunüo I nbü chongcha lile! I münyi nengdang I lasih thsangnyang longrire. Yanglongla amüpsehba lile; kuh yonglang mii asüba lile.

MESHÜ 1:9

Abükyü mümüsaba tsü abükyü longmishü chah kehcho; abükyü müngu nengdang tu mülüm. Abükyü khüluba tsü adrünung thsacho; Sünüsü abükyü mütbachijücheh. Abükyü rorütinü kohcho, ko abükyünü Abüdongba te Yanglilüm shulüm züdecho.

MESHÜ 2:15

Yangdi lahkhurünü müthsamünyüre. Jerusalem khüluchochah arühnü arüh thah ngah münyodhingre. “Hi amüinung yangdisü mah-o? Hi limih akünyangsü mah-o?”

MESHÜ 2:20

O Abüdongba, Nühnü tuepü Ihrü chah hita dhsümthsero? Khingkurütinü arühnü müiba tsuzarü shuh tsure! Bebürüti ko azikehrüti Amübükuh lanü müpsehre!

MESHÜ 3:19

I adhsa ko kushirü müliba shulüm, lümdhingba tsü, müyüh akha kangko;

MESHÜ 3:50

I nahshükih yongkhi roh-i müpohzah pohnung.

MESHÜ 3:61

“O Abüdongba, Ih nyüpmüsehcho nühnü yuchiko; arüh rah apüm nühnü müdhele.

HABAKUK 3:2

O Abüdongba, Nü nguchi Ihnü yuchiko, ko Ih adrünü jengko. Nühnü nguchiba nguchi amülah tsü ade ihrü bekhyahla nguching. Nü zichüronye ihrü te yanglilüm.

YUSE ATSA LUK 23:42

Ko abinü Jisu te yocho, “Jisu, nüh khode yangthsarü kangpü ronang Ih lümchehng!”