MESHÜ 4:20 - AMÜSA BAIBEL (BSI)

²⁰ Ihrü rorüh tenü tsungtinung ihrünü longlangba Abüdongba-nü throchehcho yangthsaba, ihrü akang ayingba arühnü rangcho.

MESHÜ 4:20 Iomraidhean Croise

LIPOH 2:7

Hütsüpü Abüdongba Tsingrang-nü alih lanü alih hirocho ko hütsü khu nyitsarü külüpcho; anabong la akang sah mehyohjücho ko nyitsarü tsü akang liba khüdu kangcho.

LIPOH 44:30

“Ko ade, adirü,” “Ihnü azaba tsü münüko uwa yanglang wükhang, I yola azaba tsü müzeh pü nguyeng abi sünung.

2 SAMUEL 1:14

David-nü abi te yocho, “Abüdongba-nü throchehcho yangthsaba nühnü khüta kyüsehcho?”

2 SAMUEL 1:21

“Gilboa khang chah tsingnye yingkihnye tülongkehsoh; angah tsü lede kung lisohng. Tunüo akurahbong tsung hütsüla ashah khyo jocho; Saul tsung adelü tujinü müsehpehko.

2 SAMUEL 18:3

Arühnü lalingcho, “Nüh ihrü yola müwünung. Ihrü anyingcho shehlinye mahkhang ihrü achangsho kyüsehnye arorüh nengdang tu papa mühle; ta nühlü ihrü hajar dhüre te awüba. Nühlü yangdila du pümpü ihrü khyang arüku müthehcho atsauba thsanung.”

2 SAMUEL 19:21

Zeruia tsurü Abishai-nü yocho, “Shimei tsü süsohbae, tunüo Abüdongba-nü throchehcho yangthsaba abinü chokehcholako.”

2 ROHTHÜP 35:25

Azikehrü Jeremia-nü yangthsaba Josiah meshü khi khüdu tangcho. Hütsü Israel la khithsarü khingkurü adhrerü apüm nengdang meshüde thsasing khi kangcho. Hiba khi tsü meshü khi vakhala ngunung.

ISAYA 32:2

Arüh müipi tsü nyübong ko tsingxinyübong lanü tsikehsing thsanung. Arüh tsü lipilih la pohba yongkhi ko alih akung la lungrah khümki kyo linung.

JEREMIA 39:5

Ta Babylon rothsarütinü arüh iiwücho ko Jeriko shündhün angah la tsünü Zedekia tsü rangcho. Ko arühnü Zedekia tsü yangthsaba Nebukadnezar yang Hamoth lih la Ribla yangdi lang nowücho, ko hütsüla Nebukadnezar-nü abi yu khacho.

JEREMIA 52:8

Ta Babylon rothsarünü yangthsaba Zedekia iiwücho, ko Jeriko shündhün angah la tsünü abi rangcho, ko abi rothsarü apümnü abi peh tsicho.

JEREMIA 52:9

Zedekia tsü Hamath lih la Ribla yangdila liyaba yangthsaba Nebukadnezar yang nowücho, ko hütsüla abi yu khacho.

MESHÜ 2:9

Tbükhüm alih la sühnah lile, azihsing zangzang müpnah lile. Yangthsaba ko adirüti ade yangtsila lile. Yuzeng adelü müdore, ko azikehrüti Abüdongba chahnü müngucheh mühle.

EZEKIEL 12:13

Ta Ihnü I yojeh kichehnung ko hütsüla xohsohnung. Hütsüpü Ihnü abi Babylon yangdi lang nowünung, hütsüla abi hütsü müngupü sünung.

EZEKIEL 17:18

Abinü yuchümba ko yangtsa külüpba tsü thsangnyangko. Abinü hiri apüm nguchiko ko ade abi mütsichehnung.”

EZEKIEL 31:17

Tsipehpü lirü yola zehnung, arüh abi yola asülih lang wünung. Ko abi khümki libati apüm yuchoti yola tsishonung.

DANIEL 4:12

Ava tsü adhingnung atsa ko asih tsü lihküprü tsuxah khehlüp sihcho. Hütsü pohki rangmü kanglungrü kyahshangcho, ajengza chah uzatinü asüp shücho ko asih tsü kanglungrü lüpchonü tsucho.

HOSEA 13:10

Nührünü yangthsarü ko anüchirü chingcho, ta arühnü khüta yanglih tsü khümchonung?

YUKHARÜTI 9:15

Zengtrungnü lalingcho, ‘Nührünü yuje Ih nührü yangthsaba kangsohnyükhang, rung ko I khümki ku münyieng. Mahkhang I zengtrung lanü michang chüro Lebanon lanü Cedar sing tsü trüp-pehng.’

1 SAMUEL 12:3

Ih hila lile. Ihnü lango dusü thsameh likhang ade Abüdongba ko abi throchehcho yangthsaba bete I khyang mülang pehjüng. Ihnü khürü yo misü mahkhang gadu khyo lirü mah-o? Ihnü khürü kihyochü mahkhang khürü sehchi bichi lirü mah-o? Khürü chahnü pohsa khyo lirü mah-o? Ihnü hütsüta nguchi likhang, Ihnü thali jünung.”

1 SAMUEL 12:5

Samuel-nü lalingcho, “Nührünü I chah tu achomükeh pü rangchehcho yuzi tsü Abüdongba ko Abinü throchehcho yangthsaba lile.” Arühnü lalingcho, “Ho, Abüdongba Ihsa yuzi lile.”

1 SAMUEL 16:6

Khode arüh ro chihcho, Samuel-nü Jesse tsurü Eliab ngu alüm la lümcho, “Abüdongba bete hila yaba nyitsarü hi abinü throchehba tsü thsae.”

1 SAMUEL 24:10

Ade tsatsa lungkoh la tsü Abüdongba-nü nüh I kheh la jücho. I nyitsarünülü nüh kyüsehnung yocho, ta Ihnü dhsa lümcho ko Ihnü arüh te yocho, tuepü Abüdongba-nü throchehba yangthsarü chah kheh thahnung.

1 SAMUEL 24:6

“Ihnü I büdongrü, Tsingrangba-nü throchehcho yangthsaba nyüm amütsa münguchinung Abüdongba-nü yatieng! Ihnü abi chah tu amütsa münguchinung, tunüo abi tsü Abüdongba-nü throchehcho lile!”

1 SAMUEL 26:16

Abner, nüh, nü nguchila amükoh jüroko. Nührü atümung sünung alengepü Ihnü akang liba Abüdongba nengla yuchümre, tunüo Abüdongba-nü throchehcho yangthsaba nührünü mütsungti. Dhing! Yangthsaba thsuh khülo? Abi thah te liba abi dhomosü khülo?”

1 SAMUEL 26:9

Ta David-nü yocho, “Abi tükyüseh! Abüdongba-nü throchehcho yangthsaba sünü kyüsehnung, tunüo abinü khingchi tsatsanung.