MESHÜ 3:56 - AMÜSA BAIBEL (BSI)

⁵⁶ Ko I züdecho nyijüngpü kihchide Nühnü yuchicho.

MESHÜ 3:56 Iomraidhean Croise

2 ROHTHÜP 33:13

Tsingrangba-nü Manase dangkhidangnang lalingcho ko abi thali Jerusalem lang wüsoh ko anyüpiu yangthsasohcho. Hi khu Manase-nü Abüdongba tsü Tsingrangepü khyüchocho.

2 ROHTHÜP 33:19

Yangthsaba dangkhidangnang ko Tsingrangba alalingba, abi lasih müthsamülade shitpahcho münyiti, nguchi amütsa, abinü külüpcho müyudsirü amübükuh ko Ashera tsingranglarü kyothri ko abinü mübücho kyothriti, hiri apüm azikehrüti Yukheh la thrah lile.

JOB 34:28

Arühnü ailümrü khing Tsingrangba te züdesohre, ko arüh adsiba Abinü yuchire.

NENGSEKHI 3:4

Arüku nengdang Ihnü Abüdongba te züdere, ko Abi Amüsa zong lanü Ite lalingre.

NENGSEKHI 34:6

Ailümrünü Abi te dsire, ko Abinü lalingre; Abinü arüh dhsangthsi apüm lanü khümchore.

NENGSEKHI 5:2

Arüku nengdang Ihnü züdecho nyieng, I Tsingrang ko I yangthsabong. Ihnü Nüte kihchire, O Abüdongba!

NENGSEKHI 5:3

Anyangnyü Nühnü I yuva yuchire; nyü chürode Ihnü dangkhidangnangre ko Nü alalingba yingre.

NENGSEKHI 55:1

I dangkhidangnang nyijüng, O Tsingrang; I kihchicho tüpehjü!

NENGSEKHI 55:18

I rorüh hütsütoi te chitalanü Abinü Ih khümcho nüli ronung.

NENGSEKHI 55:2

Ite nyieng ko laling; Alongrinü Ih kyahpehko.

NENGSEKHI 66:19

Ta Tsingrangba-nü Ite yuje nyiko; I dangkhidangnang Abinü yuchiko.

ISAYA 38:5

“Hezekia yanglang thali wü hita young, Ih, Abüdongba, nü jümürü David Tsingrang-nü nü dangkhidangnang yuchiko, ko nü nahshükih nguko; dhing, Ihnü nü khyang kang dhüremünga alaa lahkehjüre.

DANIEL 9:17

O Tsingrang, I dangkhidangnang ko Ihnü kihchicho nyijüng. Thsangnyang liba Nü Amübükuh külüpchijüng; atümungnü Nüh tsü Tsingrangbaepü müdhenung nengdang hütsü külüpchijüng.

ROMRÜ 8:26

Hütsü kyo Anbünü Ihsa sumüzehba trore. Tunüo Ihsanü khüta dangkhidangnangnung hütsü mümüdhe; ta anbünü Ihsa nengdang yunü müchochehnungthsa rühchi kihchijüre.