MESHÜ 3:39 - AMÜSA BAIBEL (BSI)

³⁹ Ihsa münyi ngang Ihsa khingchide tuepü Ihsanü longmüsünung?

MESHÜ 3:39 Iomraidhean Croise

2 YANGTHSARÜTI 3:13

Elisha-nü Israel yangthsaba te yocho, “Tuepü Ihnü nüh tronung? Nüu e nütpa nyühnü kihta liba azikehrü yanglang tsü wüng.” Joram-nü lalingcho, “Doh! Abüdongba-nü ihrü asang Moab yangthsaba kheh la jüko.”

2 YANGTHSARÜTI 6:32

Ko abinü Elisha rangnung müthehcho. Hütsütade, Elisha tsü apu kuh la abi xodhingrü azirü khürü te pümcho. Yangthsaba yuhirü müchiedenü, Elisha-nü azirüti te yocho, “Hütsüba amüpsehbong tsünü Ih kyüsehnung khürü rosohle. Khode hi chihnang, kukhang tsü khangtieng ko abi tüzürosoh. Yangthsaba apu tsü abi khangte ronung.”

2 YANGTHSARÜTI 6:33

Abinü hütsü chokayeng, yangthsaba ro chihcho ko abi te yocho, “Ihsa chah dhsangthsi hirojüba hi Abüdongba apunüe. Tuepü abi khyang tunang nguchisohnung yingnung?”

EZRA 9:13

Ihrü münyi ko thsameh nengdang hütsütoi ihrü khingchi tikehnye, Nüh ihrü Tsingrang-nü ihrü chah lengcho tenü müchi khingchipü ihrü akang lisohrepü ihrünü müdhele.

JOB 11:6

Abinü nüte arang lümlong yonung; Nyitsarü amüdhenü müchihnung dee asoh khürü lile. Nü chah lengcho tenü akyühchoba Tsingrangba-nü khingchire.

JOB 15:13

Nühnü Tsingrangba te zichürore, ko Abi mülangjüre.

NENGSEKHI 107:17

Arüh münyi ngang ko amünyi nguchi ngang, khürü müsithsa chongcha licho;

CHOYOH 19:3

Nyitsarü khürünü abürü nguchi amütsanü abürü jowüpü Abüdongba mütangre.

ISAYA 51:20

Yanglong jongnah apümlang, nü müyurü tase müzeh khu jamtsure; arüh zengchah shümüshü hohkehcho kyole. Arühnü Tsingrang rihlong müdheko.

JEREMIA 10:19

Jerusalemrünü züdecho, “Ihrü khura mütsa dhsakehko! Ihrü madhsa mükyangnung. Hi ihrünü rangchonung nguchi thsanungepü ihrünü lümcho!

JEREMIA 30:15

Nührü dhsakehcho adelü tüyo; nührü nengdang akyangba mühle. Ihnü hita nührü khingchicho tunüo nührü münyi drongrale ko nührü khürah tsü dirale.

MESHÜ 3:22

Abüdongba müthrehba amüi ko achomang müzahre.

LEVIRÜ 26:41

Arühnü arühbürü münyi ko arüh tpurüti münyi nyengchonung. Achangkala khode nührü chahnü trahchochotinü longlüm kangnü, arüh münyi ko nyümchongang akhingchi tsü ngunang,

LEVIRÜ 26:43

Ta akhu, alih la tsünü nyitsarüti pehnung, hütsüpü dunü akyahshang ajeng ngunung ko arühnü I yuzeng ko amülaba dhsonglicho shulüm akhingchi ngunung.

MIKA 7:9

Ihrünü Abüdongba nyüm amünyi shitpahko, hütsünü ade azachah ihrünü Abi rihlong te rangchobae. Ta achangkala Abinü Ihsa phikhümnung ko thsamehrü müchongchijünung. Abinü Ihsa atsingse yang noronung; Abinü Ihsa khümchocho Ihsanü ngunung.

KHIDHINGCHO 11:11

Abüdongba-nü arüh te zichürocho müdhe abi mükünyangcho. Ko abinü Abüdongba te yocho, “Tuepü Ih hitoi mütsa bichiro? Tuepü Ite mükünyangro? Tuepü nyitsarü hitoi nengdang I khyang bhamüling hi jücho?

KHIDHINGCHO 16:41

Nyümong khüu tsü amülung shünü Mosa e Aron nyüh nyüm jümjüm yocho, “Nühjünü Abüdongba müyurü khürü süsohko.”

KHIDHINGCHO 17:12

Israelrünü Mosa te yocho. “Khang ihrü hütsü achangkae!

MISHACHO 16:9

Michang adhsa tsünü arüh tahcho, ko arüh wara michah tase liba Tsingrangba neng chokehcholacho. Ta arühnü lasih müthsamülacho ko abi dicho müsecho.