MESHÜ 3:24 - AMÜSA BAIBEL (BSI)

²⁴ Abüdongba tsü I licho apüm, hütsünü Abi chah longlangre.

MESHÜ 3:24 Iomraidhean Croise

1 ROHTHÜP 5:20

Arühnü Tsingrangba chah yudsicho ko Abi te dangkhidangnangcho ko arüh akihchiba laling, Tsingrangba-nü arüh khyang Hagrit-rü ko arüh tsungphungrü michah akoh jücho.

JOB 13:15

I alongdi apüm kingkako, Tsingrangba-nü Ih süsohnye dütu! Ihnü Abi te I yuzi jünung.

JOB 22:25

Akohbong Tsingrang tsü nü hon thsaang, ko Abi tsü nü nengdang sühpüba taripi kangsohng.

NENGSEKHI 119:57

Ihnü müruba apümnü Nüh du, O Abüdongba; Nü yuzeng nyinung Ihnü nyengchore.

NENGSEKHI 130:7

Israel, Abüdongba chah yudsing, tunüo Abi amüi müthrehre ko Abinü lede khümchonung lümre.

NENGSEKHI 142:5

Abüdongba, Nüte arüku nengdang züdere; Abüdongba Nüh I tsungtirü; I kang la dhsütahba apümnü Nüh lile.

NENGSEKHI 16:5

Abüdongba, I licho apümnü Nüh du, I dhsütah apüm Nühnü chixire; I kang Nü kheh la zehle.

NENGSEKHI 31:24

Rezehng, müci mülahng, Abüdongba chah longlangrü apüm.

NENGSEKHI 33:18

Abüdongba-nü Abi te nyirü ko sürünü Abi amüthrehba amüila longlangro arüh dhingyehre.

NENGSEKHI 42:11

Tuepü Ih hitoh-i longriro? Tuepü Ih hitoh-i chongcharo? Ihnü Tsingrangba chah I longdi yohpünung ko adesü Ihnü I khümchobong I Tsingrang nengsenung.

NENGSEKHI 42:5

Tuepü Ih hitoh-i longriro? Tuepü Ih hitoh-i chongcharo? Ihnü Tsingrangba chah I longdi yohpünung, ko adesü Ihnü I khümchobong, I Tsingrang nengsenung.

NENGSEKHI 43:5

Tuepü Ih hitoi longriro? Tuepü Ih hitoh-i chongcharo? Ihnü Tsingrangba chah I longdi yohpünung, ko adesü Ihnü I khümchobong, I Tsingrang nengsenung.

NENGSEKHI 62:8

Müyurüti, lede Tsingrangba chah longdieng. Nü dhsangthsi apüm Abi te young, tunüo Abi Ihsa tsikehji.

NENGSEKHI 71:14

Ihnü lede Nü chah I alongdi yohpünung; Ihnü alaa alaa Nüh senung.

NENGSEKHI 73:26

I thoh ko Ifü shinung kohle, ta Tsingrangba I tase; I dhsütah apüm Abi du.

NENGSEKHI 84:12

Akohba Abüdongba, Nü chah longlangrü khüta akünyangnung!

NENGSEKHI 94:19

Khode Ih lümtpanaro, Nühnü Ih tbachijüre ko künyangsohre.

JEREMIA 10:16

Jakob Tsingrang tsü arüh mükyo; lüpcho külüpba tsü Abi, ko Abinü Israel tsü apu yo thsanung throchehcho. Akohba Abüdongba tsü Abi neng.

JEREMIA 51:19

Jakob Tsingrang arüh mükyo; lüpcho külüpba tsü Abi, Abinü Israel tsü Apu yo thsanung throchehcho. Akohba Abüdongba tsü Abi neng.

MESHÜ 3:21

Ta Ihnü lango hi lümchehde alongdi thali rore:

MIKA 7:7

Ta Ihlü Abüdongba khengyengnung; Ihnü I akangcheh Tsingrang chah longlang yingnung. I Tsingrang-nü Ite nyinung.

ROMRÜ 15:12

Adesü Isaya-nü yore, “Yangpirüti michah yangthsanung, Jesse ra lanü chüronung; Ko arüh alongdi abi chah linung.”

AZIKA YU 18:2

Aparü hung kyo arüh alih mülinung; Abüdongba-nü nyengchocho kyo, arüh nohlüm tsü Abüdongba bebürü thsa linung.

1 PETER 1:21

Abi khu asücho lanü abi kanglisohba ko ahechi jüba Tsingrangba chah nührünü yudsire; hütsü nührü yudsi ko alongdi Tsingrangba chah lile.

1 SAMUEL 30:6

David athsangthsi arangcheh mütohcho, tunüo abi nyitsarütinü arüh tsuzarü chahcho nengdang tsü dee wahcho ko abi kengsehnung dhrongcho; ta Abüdongba abi Tsingrang-nü abi khyang tase jücho.