MESHÜ 2:8 - AMÜSA BAIBEL (BSI)

⁸ Abüdongba-nü Zion tbü tsü khülusohnung dhrongchehpehko; Riri changsohnung Abinü kihchehpehko. Ade roshengvi ko tbü anyüding thsangnyang khülu lile.

MESHÜ 2:8 Iomraidhean Croise

2 SAMUEL 8:2

Hütsüpü abinü Moabrüsü kohcho. Abinü arangyohrü tsü alih la yüpjosohcho ko nyüh asangsang müipi nyüh anyüh-nyüh süsohcho. Hütsüta Moab-rü tsü abi pohki lisohcho ko abi khyang alihmüthsü jücho.

2 YANGTHSARÜTI 21:13

Ihnü Samaria yangthsaba Ahab ko abi shümtsurüti chah nguchicho kyo, Ihnü Jerusalem khingchinung. Tbhü thsütoh mükhümpücho kyo, Ihnü Jerusalem ko abi nyitsarü thsütohnung.

JOB 13:21

Ih khingchiba zahng, ko adrübanü Ih tüdhsümthse.

ISAYA 22:5

Hiba bekhyah hi Müngucheh Ngah la lümdhama, yüyümingming, ko amükoh bekhyah, ko hütsü Akohba Abüdongba-nü Ihsa yang müthehcho lile. Ihsa yangdi tbüsü trümtsupehko, ko arüku ching khongchonü azong tehjengko.

ISAYA 28:17

Akhengdi akihsing tsü yujeba ko müchiji amüsa.” Nührünü dümpiba arahkheh apüm tsü shurünü woh tsinung, ko kihmülümnü nührü alongdi tsü thsangnyangjünung.

ISAYA 3:26

Yangdi tbükhümnü meshü tranung ko yangdi abükyü tsü khingkurü tbhüdeng alih la pümcho kyonung.

ISAYA 34:11

Alih tsü phohphu ko khüyahlanü jengnung. Ko Abüdongba-nü alih tsü hütsü müthriede licho kyo akung lisohnung.

ISAYA 5:5

“Ihnü I shükusih te hita nguchinung: Ihnü atbüticho tsü tphünung, ko hütsü tsungtiba züdi tsü lohnahnung, ko rangmü kanglungrünü hütsü dhrümnah tsunung.

JEREMIA 14:2

“Juda meshü lile; yangditi sole, müyurü alih la longri jole, ko Jerusalem-nü arüku ching züdere.

JEREMIA 5:10

I müyurü shükusih thrümsohnung Ihnü arorüh müthehnung, ta ririlü müchangsohnung, Ajengzati lepehsohnung Ihnü yonung, tunüo hütsüri ajengzati Iyo mah.

JEREMIA 52:13

Abinü Amübükuh, yangthsaba ko Jerusalem la langnürüti kuh apüm trüp-pehjücho;

MESHÜ 2:17

Achangkathsa Abüdongba-nü tu lümcho hütsü nguchiko: Abinü papade Ihsa te müzahsohcho kyo, müchomangpü Ihsa changjüko. Abinü arorüh khyang Ihsa michah akünyang ko akoh jüko.

MESHÜ 2:18

O Jerusalem, nührü tbü tsatsa tsünü Abüdongba te züdesohng. Ama tsingse nührü nahshükih tsü yongkhi kyo pohsohng; Meshü ko atrachonü nührü jangjang kyahng!

MESHÜ 2:2

Abüdongba-nü Juda la yangdong apüm achomang müli changsohcho. Ko arüh roshengviti tphahtsujücho. Abinü yanglih ko athsarüti michah ashah hirojücho.

MESHÜ 2:5

Arorüh khüdu kyo Abüdongba-nü Israel changsohko; Roshengvi ko yangthsaba pümji thsangnyangpehjüko. Abinü Judarü michah mükyangba alongri hirojüko.

EZEKIEL 20:22

Ta Ijip lanü Ihnü Israelrü nüchehcho nguba yuchoti yola I neng amütsa thsakhang mütsapü Ihnü münguchicho.