MESHÜ 2:4 - AMÜSA BAIBEL (BSI)

⁴ Abinü arorüh kyo khichi ihrü chah thsalu miikehjücho; Abinü ihrü alongdi atümung müpsehcho. Hiba Jerusalem la ihrünü adhsa hi mütohko.

MESHÜ 2:4 Iomraidhean Croise

2 ROHTHÜP 34:21

“Wüng ko Ih ko müyurü ade Israel ko Juda la liyarü nengdang Abüdongba te kihtaang. Hiba vakhala adoba nengdang yangching. Ihsa jümürünü Abüdongba yu münyi ko hiba vakhanü mülacho münguchichonü, Ihsa te Abüdongba rihlong chürole.”

2 ROHTHÜP 34:25

Arühnü apa tsingrangti khyang kangmübü jücho khu I rihlong chürosohko. Jerusalem nyüm I rihlong chüroko ko hütsü münyehlinung.

JOB 19:11

Tsingrangba-nü Ih nyüm rihlong chürore; Abi rorüh amütsauba te kyo Ih bichire.

JOB 6:4

Akohbong Tsingrang-nü I chah tbüdengnü kyarangjüko, ko singkihnü Ifü jengko. Tsingrangba adrünungti Ih nyüm chung lile.

NENGSEKHI 37:14

Amütsarünü ailümrü, chongcharü müpsehnung ko atsa nguchirü müpsehnung arüh nohsheng tohchehre ko singthsalu hehkehre;

NENGSEKHI 7:13

adrünung kehba thsunohrü tsü Abinü dhimüsuko ko michang kehba tbüdeng tsü mii yale.

ISAYA 42:25

Hütsünü Ihsa khyang Abi akhingchi tsü müdhesohcho, ko khata adhsa tsü chongchasohcho. Israel apümlang Abi rihlong tsünü michangnü trüpcho, ta tu tikehrünang Ihsanü khodesü mümüdhecho; Ihsanü hütsülanü tu münyicho.

ISAYA 63:10

Ta arühnü Abi nyüm yacho ko Abi Anbü Amüsa mükünyangsohcho. Hütsüta Abüdongba tsü arüh rorüh kangcho ko arüh nyüm khatacho.

ISAYA 63:6

I zichüro Ihnü yuchoti apüm dhrümnahcho ko arüh shühchicho. Ko Ihnü arüh akang shüh alih la tungpehcho.”

JEREMIA 10:20

Ihrü shükuh thsangnyang lile; arüh rahcho düshü tohnahko. Ihrü tsuzarü apüm tsipehko; ihrü shükuh thsachinung süsü mühle; akitising kinungsü süsü mühle.”

JEREMIA 21:12

“Ih, Abüdongba-nü tu yoro nyieng. Nyümong mükhu yuje du nguchisohng. Thsüyohchüba nyitsarü tsü sünü thsüyohchüro abi chahnü tsungtieng. Nühnü hütsüta münguchikhang, nühnü nguchiba amünyi tsünü mümehchehsohba michang kyo I rihlong chürosohnung.

JEREMIA 21:5

Ihnü nüh nyüm, I tase, I zii, I rihlong apümnü khatanung.

JEREMIA 30:14

Nührü müilarünü nührü nbüchüpehko; adelü arühnü nührü mülümchehre. Ihnü arorüh kyo nührü mahko; nührü akhingchi tsü dirako, tunüo nührü münyi tsü dirale ko nührü akhürah tsü dirale.

JEREMIA 36:7

Kümüdeo arühnü arüh münyi lang lanü ximüla Abüdongba te dangkhidangnangnung, tunüo Abüdongba-nü hiri nyitsarü Abi adrünung zii ko rihlongnü mütichiko.”

JEREMIA 4:4

Nührü anyengchotaba tsü Ih nührü Abüdongba te yohpüng, ko nührü jangjang Ite müsachehng, nührü Judarü ko Jerusalemrü. Hütsü mahkhang nührünü amütsa nguchicho ngang michang kyo I rihlong chüronung. Hütsü trüpnung ko amehsohrü süsü mülinung.”

JEREMIA 42:18

“Abüdongba, Israel Tsingrang-nü yore, ‘Jerusalemrü chah I zii ko rihlong mükhakehcho roh-i, nührünü Ijip lang wükhang nührü chah I zii ko rihlong mükhakehnung. Nührü adrünung kehnung; nyitsarünü nührü mülangjünung ko nührü neng chokehchola kang bichinung. Ko nührünü hiba müdüm khodesü thali müngunung.’”

JEREMIA 7:20

Hütsü khu, Ih, Abüdongba-nü hiba Amübükuh chah I rihlong mükhakehnung. Ihnü hütsü nyitsarü ko kanglungrü apüm chah mükhakehjünung ko, singdonglidong ko tsahmarü chah mii küdusohnung. I rihlong tsü sünüsü mümehchehsohba michang kyo linung.”

MESHÜ 1:13

“Abinü amilangnü, Ifü yonglang trüpba michang müthehcho. Abinü I khyang zeng thsapüjücho ko alihlang Ih nojürocho. Hütsüpü abinü mütozah tohdhsa linungla Ih thrüchahchüpehcho.

MESHÜ 2:5

Arorüh khüdu kyo Abüdongba-nü Israel changsohko; Roshengvi ko yangthsaba pümji thsangnyangpehjüko. Abinü Judarü michah mükyangba alongri hirojüko.

MESHÜ 3:3

Ko thali-thali Ite müchomangpü lahcho.

MESHÜ 4:1

Ihrü yo ariri honsü amükhyu kangko; Amübükuh lungti tsü yanglongla shupishuza lile.

MESHÜ 4:11

Abüdongba-nü Abi rihlong lehchehcho; alih yonglang chii rongnung Abinü Zion la michang tahkehcho.

EZEKIEL 13:13

Ade Amichahba Abüdongba-nü hita yore: “I rihlong chüro, tbü tsü thsangnyangjünung tsingxinyübong, tsing ko shurü rosohnung.

EZEKIEL 20:34

Ihnü nührü tsisho licho yuchoti apüm lanü nührü nübülungde, nührü te I zii ko rihlong ngusohnung.

EZEKIEL 22:22

Michang la taripi shenahcho kyo, Jerusalem la arüh changnung, hütsüde arühnü Abüdongba rihlong chürolepü müdhenung.”

EZEKIEL 24:25

Abüdongba-nü yocho, “Ade, Nyitsarü tsurü, Ihnü arüh tenü, arüh akünyang ko müthsehba, arühnü dhingnyüba ko xodhingnyüba akhümkhüm Amübükuh tsü hitsinung. Ko Ihnü arüh tsurü ko tsularüti hitsinung.

EZEKIEL 36:18

Arühnü hütsüla müpsehcho ko kyothri khu münyichonü Ihnü arüh khyang I rihlong müdhesohcho.

EZEKIEL 5:13

“I longmünyüpde I rihlong ko zii nührünü müdhenung. Hiri apüm tikehde, nührü yuje müchochonü Ih, Abüdongba-nü nührü te chotachoepü müdhenung.

EZEKIEL 6:12

Ashula lirüsü dhsangnang sünung; jingte lirüsü khatala kyüsehnung; anyingrü kongseh sünung. Arühnü I rihlong chürocho apüm müdhenung.

EZEKIEL 7:14

Rühti mehre, ko atümung rungnümre. Ta sünüsü khatalang müwüre, tunüo Tsingrangba rihlong tsü nyitsarü müipi chah ronung.

LEVIRÜ 26:17

Nührü kohchehnung nengdang Ihnü nührü nyüm yanung ko nührü khura drümüyangchonü sünü mü-iichipü nührünü drü tsinung.

NAHUM 1:2

Abüdongba tsü nahmoh ko rühyangba Tsingrang lile; Abi nyümrü Abinü khingchire. Abinü zichüro rühyangre.

NAHUM 1:6

Abi zichürode sünü yachehnung? Abi rihlong sünü rangnung? Abi michang rihlong chürode; lung mii asongsong kangre.

AZIKA YU 32:22

I rihlong michang kyo chüronung ko limih chah lüpcho trüp-pehnung. Hütsünü asü yang chihnung ko azongti müdongkehsing müyahpehjünung.”

1 SAMUEL 28:16

Samuel-nü yocho, “Abüdongba-nü nüh pehjü ko nüh abi rorüh kangpü lide, tuepü nühnü Ih dsiro?