MESHÜ 2:21 - AMÜSA BAIBEL (BSI)

²¹ Aza-azi atümung yanglongla so jole, Arorüh nohshengnü dhrezarü ko lazarü kyüsehko. Nührünü zichüro nyümong müchomangpü arüh kingthrümko.

MESHÜ 2:21 Iomraidhean Croise

2 ROHTHÜP 36:17

Achotsü Abüdongba-nü arüh mahnung Babylon yangthsaba norocho. Yangthsabanü Judarü dhrezarü Amübükuh lanü mii kyüsehcho. Abinü azarü azirü, khingkurü adhrerü, ko dhsangnangrü ko tsayengrü sü chahsü yanglilüm müngucho, Tsingrangba-nü arüh apüm abi kheh la jücho.

ESTHER 3:13

Yuhirünü yanglih apümlang hiba yu-sobho hiwücho. Hila nyümong khüdu Adar choo nyümong dhüre asangu la Jihudarü azarü azirü, khingkurü azarü atümung kyüsehnung yuzeng zehcho. Müchomangpü arüh kingthrümnung ko arüh kuthsi khyüjünung.

ISAYA 27:11

Singdong jengzati müku sotsire, ko khingkurünü atahnung yure. Nyitsarütinü tu münyichehchonü, Akülüprü Tsingrangba-nü arüh müchomangnung.

JEREMIA 11:22

Hütsünü Akohba Abüdongba-nü yocho, “Ihnü arüh khingchinung! Arüh dhrezarüti chitala kyüsehnung; arüh tsuzarü kongseh sünung.

JEREMIA 13:14

Ko Ihnü aza-azi akyokyo, füh kyo khüdunü khüdu chah müpkehta müpzangzangsohnung. Tu amüi, dhsa lümba mahkhang yanglilümnü arüh kyüsehnung lanü Ih müyatichehnung.”

JEREMIA 18:21

Ta ade, Abüdongba, arüh tsuzarü kongseh süsohng; arüh khatala kyüsehsohng. Khingkurüti tsü arüh niirü ko tsuzarüti changsohng; azirü dhsaranü süsohng ko dhrezarüti khatala kyüsehsohng.

JEREMIA 21:7

Ta nüh, nü pohki adirüti ko müyurü chita, yangkong ko dhsara lanü sürü nyingcho, Ihnü nührü apüm nührü kyüsehnyürü nührü rorüh yangthsaba Nebukadnezar khyang kohchehsohnung. Nebukadnezar-nü nührü süsohnung. Abinü nührü süsü münyingjünung mahkhang nührü sütesü yanglilüm ko amüi müngunung. Ih, Abüdongba-nü choko.”

JEREMIA 4:31

Ihnü yuva khüdu yuchire, khingkurü mikhungde kyo, khingkurü akhudi azarü surode rühchicho kyo. Hütsü Jerusalem sah chichicho yuva, akheh müyungchü hita yocho, “Ih changkako! Arüh Ih kyüsehnung tsehle!”

JEREMIA 51:22

khingkurü ko adhrerü azarü ko azirü kyüsehnung, ko dhreza lazarü kyüsehnung;

JEREMIA 6:11

Arüh nyüm Nü rihlong tsü I chah mii trüpre, Abüdongba, ko adelü Ihnü mürangchore.” Hütsüde Abüdongba-nü Ite yocho, “I rihlong tsü yanglongla azarü chah ko kunu shibülungcho la thohkehjünung. Anii ko anitpüti notsinung ko ashirü mii müpehjünung.

JEREMIA 9:20

Ihnü yocho, “Abüdongba te nyieng, khingkurüti, Abi yu tsidsa nyieng. Nührü tsularü te meshünung young, nührü shangrü te meshü khi thsanung young,

JEREMIA 9:21

Nyübongkhi khu asüba ihrü yangthsaba kuh la züroko; hütsünü yanglongla azarüti ko shithsachah dhrezarüti süsohcho.

MESHÜ 1:15

“Abüdongba-nü I rothsarü atümung chah müthsamünyükehjüko; Iyo dhrezarüti changjünung abinü rothsarü mülungo müthehko. Shükusih nyehsingla shükusih kyo abinü I nyitsarüti nyehtpahko.

MESHÜ 1:18

“Ta Abüdongba yuje lile, tunüo Ihnü Abi yu münyiko. Nührü müyurü atümungnü Iyu nyieng; ko I adhsa dhing. I nyitsarü dhreza lazarü rang kümtsiko.

MESHÜ 1:4

Amüsa nyümong Amübükuh yang mübünung süsü mürore. Hütsüla khi thsalarüti chongchare, ko bebürüti rühchire. Yangdi tbükhümti adeng yale, ko Zion alongrila lile.

MESHÜ 2:17

Achangkathsa Abüdongba-nü tu lümcho hütsü nguchiko: Abinü papade Ihsa te müzahsohcho kyo, müchomangpü Ihsa changjüko. Abinü arorüh khyang Ihsa michah akünyang ko akoh jüko.

MESHÜ 2:2

Abüdongba-nü Juda la yangdong apüm achomang müli changsohcho. Ko arüh roshengviti tphahtsujücho. Abinü yanglih ko athsarüti michah ashah hirojücho.

MESHÜ 3:43

“Nühnü ihrü iiro kyüsehcho; Nü yanglilüm Nü rihlongla rangpücho.

EZEKIEL 24:21

Nührünü Amübükuh tasela müthsehre. Nührünü hütsü thrünyire ko xodhingnyüre, ta Abüdongba-nü hütsü münyijünung. Ko Jerusalem la nying lirü, nührü kukhitila kunu khiyohti tsü khatala kyüsehnung.

EZEKIEL 5:11

“Hütsünü, Ih akang Tsingrang lide hi Amichahba Abüdongba yu nührünü amünyi ko athrünyinung apüm nguchi I Amübükuh münyijücho ngang, Ihnü yanglilüm mülipü nührü kingthrümnung.

EZEKIEL 7:4

Ihnü nüh müditpangnung mahkhang yanglilüm müngusohnung. Nüh athrünyinung nguchi ngang Ihnü nüh khingchinung, hütsüde nühnü Ih, Abüdongbaepü müdhenung.”

EZEKIEL 7:9

Ihnü nüh müditpangnung mahkhang yanglilüm müngusohnung. Ih, Abüdongba, ko nührü khingchiba tsü Ihnü-epü müdhenung, athrünyinung nguchi nengdang Ihnü nührü khingchinung.”

EZEKIEL 8:18

Arühnü I rihlong müdhenung. Ihnü arüh müditpangnung ko yanglilüm müngusohnung. Arühnü tasenü züde Ite kihchinung, ta Ihnü arüh te münyinung.”

EZEKIEL 9:10

Ta Ihnü arüh müchomangnung; arühnü aparü chah nguchicho kyo Ihnü arüh chah nguchinung.”

AMOS 4:10

“Ijip la müthehcho roh-i Ihnü nührü yang arüm müthehcho. Rothsala Ihnü nührü dhrezarüti müpsehcho ko arüh kuriti khyüjücho. Nührü lichah mesüh nührü nabong la jengjücho. Ta nührünü Ih yang müximüla.

AMOS 8:13

Hütsü nyümong axochonü dhreza lazarü mii khülunung.

ZEKARIA 11:6

Abüdongba-nü yocho, “Ihnü adelü limih la süsü mümüinung. Nyitsarü atümung arühbürü yangthsarü pohki Ipunü yohpüjünung. Hütsüri yangthsarütinü alimih sehnahnung, ko Ihnü mükhümchonung.”

AZIKA YU 28:50

Arühnü aza-azi atümung te tu müchomangpü mütsa bichinung.

AZIKA YU 32:25

Khatanü yanglongla asüba hironung; adrübanü kukhi la chihsohnung. Dhreza lazarü sünung; akhungarü mahkhang ashirü mii müpehjünung.

JOSHUA 6:21

Arüh nohshengnü yangdila tsü khingkurü adhrerü ko aza-azi apüm kyüsehcho. Arühnü misü, san ko gadu-sü müpsehcho.

1 SAMUEL 15:3

Wüng ko Amalek-rü tsü mahng ko arüh licho lüpcho riri changsohng. Tusü tünyingjü; adhrerü, khingkurü, azarü, akhungarü, misü san, ut ko gadu hiri apüm kyüsehjüng.”