MESHÜ 2:18 - AMÜSA BAIBEL (BSI)

¹⁸ O Jerusalem, nührü tbü tsatsa tsünü Abüdongba te züdesohng. Ama tsingse nührü nahshükih tsü yongkhi kyo pohsohng; Meshü ko atrachonü nührü jangjang kyahng!

MESHÜ 2:18 Iomraidhean Croise

NENGSEKHI 119:136

I nahshükih yongkhi roh-i pohre, tunüo nyitsarünü Nü yuzeng mühnyire.

NENGSEKHI 119:145

I lasih apümnü Nüte züdere; laling, Abüdongba, ko Ihnü Nü yuzeng nyinung.

JEREMIA 13:17

Nühnü mühnyikhang, Ihnü rang nü kükhing nengdang tranung; Ihnü dee longri tranung, ko I nahshükih threhnung, tunüo Abüdongba müyurü arangyohlang küm tsiko.

JEREMIA 14:17

Müyurü te I chongcha nengdang hita yonung Abüdongba-nü Ite yuzengjücho: “Ama atsingse I nah lanü nahshükih shosohng, I traba khodesü tütrazahsoh, tunüo I müyurü dee soh dhsakehko ko khee lerohpehko.

JEREMIA 4:31

Ihnü yuva khüdu yuchire, khingkurü mikhungde kyo, khingkurü akhudi azarü surode rühchicho kyo. Hütsü Jerusalem sah chichicho yuva, akheh müyungchü hita yocho, “Ih changkako! Arüh Ih kyüsehnung tsehle!”

JEREMIA 9:1

Akyühsehcho I müyurü nengdang ama atsingse Ihnü tranungthsa, I thah tsü kihkong ko I nahtse tsü nahshükih yongna thsasohnyüle.

MESHÜ 1:16

“Hütsü khu I nahshükih threhre. Sünüsü Ih mütbachijücheh; sünüsü I re müzehsoh. Arorühnü Ih kohchehko; I nyitsarü süsü münying.

MESHÜ 1:2

Abükyünü müyüp trare; Amüchüp la nahshükih threh, Ahi shangrüti yola abükyü tbachijünung süsü münying. Ashangrütinü abi kihyochüko ko atümungnü ade abi nyümre.

MESHÜ 2:8

Abüdongba-nü Zion tbü tsü khülusohnung dhrongchehpehko; Riri changsohnung Abinü kihchehpehko. Ade roshengvi ko tbü anyüding thsangnyang khülu lile.

HOSEA 7:14

Arühnü lasih lanü Ite müdangkhidangnang, ta arühnü chongnong chah chichi trare. Arühnü tsang ko yongkha nengdang kihchide müyudsirü kyo arühbürü fü tsehnahre. Arüh khüta anyümrü!

HABAKUK 2:11

Lung tbünü mii nüh nyüm züdere ko zikunü lalingre.