MESHÜ 1:9 - AMÜSA BAIBEL (BSI)

⁹ Abükyü mümüsaba tsü abükyü longmishü chah kehcho; abükyü müngu nengdang tu mülüm. Abükyü khüluba tsü adrünung thsacho; Sünüsü abükyü mütbachijücheh. Abükyü rorütinü kohcho, ko abükyünü Abüdongba te Yanglilüm shulüm züdecho.

MESHÜ 1:9 Iomraidhean Croise

2 SAMUEL 16:12

Kümüdeo Ih mütsacho Abüdongba-nü müdhepü abi chokehchola mülih amüwa khürü khyüsohnyürüsü linung kohle.”

2 YANGTHSARÜTI 14:26

Abüdongba-nü Israel adrünung chongcha tsü ngucho; ko arüh trorü süsü mülicho.

NEHEMIA 9:32

O ihrü Tsingrang, Nüh khütoh-i arangcheh! Khüta adrünung, khütoh-i amülah! Nühnü yuje cho Nü azengtacho yohpücho. Assyriarü yangthsarütinü ihrü sehchiba nyümong lanü Chünye yingcheh ihrü khütoi chongcharo! Ihrü yangthsarüti, langnürü, bebürü ko azikehrü, Ihrü jümürü ko ihrü müyurü apüm chongchako. Ihrü khütoi chongchacho lümchehng!

NENGSEKHI 119:153

I chongcha dhing ko Ih khümchoung, tunüo Ihnü Nü yuzeng müpehjü.

NENGSEKHI 140:8

Abüdongba, amütsarünü khyünyücho tütikehsoh; arüh rah akoh tüngusoh.

NENGSEKHI 25:18

I awah ko aroto lümdhing ko I münyiti mülang pehjüng.

NENGSEKHI 69:21

Ih yangde, I khyang müyüh tüpcho; Ih xode, arühnü acikih tihcho.

NÜCHEHCHO 3:17

Ihnü arüh aroto suro Ijip lanü nyikih ko thsakukih pohyaba, ade Kanan-rü, Hit-rü, Amor-rü Periz-rü, Hiv-rü ko Jebus-rü liyaba lih yang nowünung dhrongchehko pü young.

NÜCHEHCHO 3:7

Hütsüpü Abüdongba-nü yocho, “I nyitsarü Ijip la khüta mükhimücho bichiro hütsü Ihnü nguko; arüh sehchirü khehlanü khümchoungpü züdecho Ihnü yuchiko. Arüh adhsa apüm Ihnü müdhele,

NÜCHEHCHO 4:31

Arühnü yudsicho ko khode Abüdongba-nü ro arüh sehchi bichicho nguko pü yuchicho, arühnü mükhukeh mübücho.

THSINGYURÜ 4:1

Hütsüpü Ihnü hiba limih la yuje mücho apüm dhingcho. Asehtirü tsü atrorü süsü mülipü tra licho. Sünüsü arüh mütrochehcho, tunüo arüh sehtirüti tase kehcho.

ISAYA 3:8

Jerusalem changko! Juda sü khülule! Arühnü choba ko nguchiba lüpcho tsü Abüdongba nyüm lile; arühnü misha Tsingrangba apu mükhimüngure.

ISAYA 37:17

Ade, Abüdongba, ihrü te nyieng ko ihrü chah tu tikehrünang dhingdhing. Senacherib-nü Nüh akang liba Tsingrang müthsamünyü choba tsü nyidhing.

ISAYA 37:23

Nühnü müthsamünyü ko mükhimünguba tsü süepü lümro? Nühnü Ih Israel Amüsa Tsingrang khyang jengreng müjü.

ISAYA 37:29

Nü rihlong chürocho ko nü müthseh yusi Ihnü yuchiko, ko Ihnü ade nü nabong ko nü bela shumütsanü hohpü nü rocho lang lanü nüli wünung.”

ISAYA 37:4

Assyria yangthsabanü akang liba Tsingrang müthsamünyünung abi pohki adirü khüdu müthehko. Abüdongba Tsingrang-nü hiri müthsamünyü tsü yuchi hütsüta chorü tsü khingching. Hütsüeko ihrü nyitsarü nying libati nengdang Tsingrangba te kihchijüng.”

ISAYA 40:2

Jerusalemrü thsüching. Arüh te young: arüh kükyo chongchako; Ade arüh mülang pehjüko. Arüh münyi ngang Ihnü arüh ajeng khingchiko.”

ISAYA 47:7

Akang ayung yangthsalatpü thsanung nühnü lümcho, ko hiri nü lasih la müyohpücho mahkhang hi apüm khüta changkanung mülümdhingcho.”

ISAYA 51:19

Nü chah achangba anyüh tikehko: Chita khu nü lih thsangnyangko, ko nü müyurü kongko. Nüte amüi ngusohnung süsü mühle.

ISAYA 54:11

Abüdongba-nü yore, “O Jerusalem, nüh achongcha, atrorü müliba yangdi, atbachijürü khüdusü mühle, Ihnü akhengdi tsü thsidi lungnü külüpchinung.

JEREMIA 13:27

Abinü thrünyiba nührünü nguchicho Abinü nguko. Abinü nüh akhangchah ko angah la, bürü nitpürü mükhyahba nyitsarü mahkhang kuri apungnü atrüh khüdu khanglang shangba kyo, müyudsirü tsingrangti khanglang wücho nguko. Jerusalemrü, nührü ahohah! Khodeto nührü müdhseng linung?

JEREMIA 16:7

Amüiba nyüh khüdu süde abi longkyangsohnung sünüsü süte mütsuyongrütanung. Au mahkhang atpa süpü liba nyüh khüdu te mii sünüsü amüi müngutanung.

JEREMIA 2:34

Ailümrü ko achomükehrü shühnü nührü jengki chah münohko, afüashi shühnü mah. “Ta hütsütapü mii nühnü yore,

JEREMIA 48:26

Abüdongba-nü yocho, “Moab müchasohng, tunüo abinü Ih nyümko. Moab tsü abükyü mülühchola chichinung ko bürünü münyodhingnung.

JEREMIA 5:31

azikehrütinü arahkheh du chore; bebürütinü azikehrünü mülacho du nguchire ko müyurünü tu adhsongliba müjüre. Ta hiri apüm achangka khüdu chii rode arühnü tu nguchinung?”

JEREMIA 50:29

“Thsalu birü te Babylon mahnung young. Thsalu ko tbüdeng bichinung kohrü apüm wüsohng. Yangdi tsü betieng ko süsü tsicheh tütsisoh. Arüh nguchi apüm thalijüng ko arühnü bürü chah bichicho kyo arüh bichieng, tunüo abinü Ih Israel Amüsaba Khüdu nyüm müthseh bichiko.

MESHÜ 1:17

“Ihnü I kheh müyungchüre, ta sünüsü Ih mütronung. Abüdongba-nü Ih nyüm apümlangnü arorüh dsire; Arühnü athrünyi kohro khüdu kyo Ih bichire.

MESHÜ 1:21

“I rühchicho nyidhing; I tbachijürü süsü mühle. Nühnü I chah athsangnyang hirojüchonü I rorüti künyangre. Nüh anyengchocho nyümong hirojüng; Ih kyo I rorüti tsü dhsasohng.

MESHÜ 2:13

O Jerusalem, amüi Jerusalem, Ihnü tu yonung? Ihnü nüh khüta tbachijünung? Süsü hi kyo müdhsadhing. Kihjü kyo nüh achangba arangcheh lile; akohnung alongdi tu mühle.

MESHÜ 4:1

Ihrü yo ariri honsü amükhyu kangko; Amübükuh lungti tsü yanglongla shupishuza lile.

MESHÜ 5:1

O Abüdongba, ihrü chah tu tikehcho lümchehng; Ihrü chah dhing, ko ihrü ashah müdheing.

HOSEA 2:14

Hütsüeko Ihnü abükyü thali lipilih lang nowünung; hütsüla Ihnü amüi yunü kihchonung.

ZEFANIA 2:10

Hütsüta Moab ko Amon-rü arüh müthseh ko mülahmüshicho ko Akohbong Abüdongba müyurü nyüpmüsehcho ngang arüh khingchinung.

JOHAN 11:19

ko ani sücho nengdang Martha e Mary nyüh lüm kihchonung Judearü adrong ro licho.

AZIKA YU 26:7

Hütsüde ihrünü Abüdongba ihrü jümürü Tsingrang te züdecho. Abinü ihrü yuva yuchicho ko ihrü chongcha, bhamüling ko adhsangthsi ngucho.

AZIKA YU 32:27

Ta Ihnü arüh rorüh tüzümükhüm müthsasohnyücho, I müyurü arühnü kohchoepü, achangsohba tsülü Ipu licho.”

AZIKA YU 32:29

Amükoh ngucho arühnü münyicheh; tu tikehro hütsü mümüdhe.

1 PETER 4:17

Yukhanung becho chihko, ko Tsingrangba apu nyitsarüti akhu yu khanung. Hütsü Ihsa chahnü dikehkhang, Tsingrangba Yuse Atsa chah müyudsirü achangka suro tu thsanung?

1 SAMUEL 1:11

Hanna-nü Abüdongba te yuchüm yocho, “Akohba Abüdongba, Ih Nü dikehlatpü chah dhing. I chongcha dhing ko Ih lümchehng. Ih tünbüchü. Nühnü I khyang azarü khüdu jükhang, Ihnü abi akang ayung Nü khyang khakhuchüjünung ko khodesü akuva mühehjünung yuchümre.”