MESHÜ 1:8 - AMÜSA BAIBEL (BSI)

⁸ Abükyü jengreng changko; tbhüdeng thrüchahchüpehko. Abükyünü rühchi ashahchonü aromih rangre. Jerusalem abükyü münyi dirachonü abükyü athrünyinungkeh kangko.

MESHÜ 1:8 Iomraidhean Croise

LIPOH 3:7

Anyünü hütsü tsuyeng, anyüh tbhüdeng thsacho müdhe kangcho; achotsü anyünü ngurüsingva xürüta lüpticho.

1 YANGTHSARÜTI 9:6

Ta nüh ko nü trahnü I khanglang mürokhang, nührünü I yuzeng ko amülaba mübichikhang ko aparü tsingrang mübükhang,

1 YANGTHSARÜTI 9:7

Ihnü jüba lih la tsünü Ihnü I müyurü Israelrü khyümüipehnung. Ko I mübüji thsanung Ihnü müsachehba Amübükuh hi mii Ihnü pehjünung. Limihrünü Israelrü mülangjü chonung ko mütsa bichinung.

1 YANGTHSARÜTI 9:9

Hütsüde nyitsarütinü lalingnung, ‘Ijip lanü nüchehba arüh jümürü Tsingrang Abüdongba, arühnü thrüchahchüpehchonü hita tikehko. Arühnü apa tsingrangti mübücho, hütsü khu Abüdongba-nü arüh michah hiba achangba hirojücho.’”

ISAYA 47:3

Nü tbhüdeng tsü nyitsarünü ngunung; Nüh ashah khyo pümcho arühnü ngunung. Ihnü rühyangnung, ko sünüsü Ih müyatichehnung.”

JEREMIA 13:22

Nü chah tikehcho hiri apüm dhingdhingkhang, tuepü nü jengki rehnahjücho, ko nüte khing mükhongcho, ko tsingdhingkhang, hütsü nü münyi diracho ngang.

JEREMIA 13:26

Abüdongba apunü nührü jengki khohpehjünung ko nührü ashah khyüsohnung.

JEREMIA 15:4

Hezekia tsurü Manase abi Juda la yangthsade Jerusalem la tu nguchicho hütsü ngang, Ihnü limihrü khyang arüh anehsohba kangsohnung.”

JEREMIA 24:9

Liküpla yuchotinü nehnungthsa arüh michah Ihnü hütsütari achangba hirojünung. Nyitsarünü arüh münyodhingnung, arüh nengdang tülatüshinung, arüh mütsa chonung ko arüh wücho apümlang arüh neng dangchinung.

JEREMIA 32:23

Ta arühnü ro hiba lih khyüde, Nü yuzeng mübichi mahkhang Nü adoba roh-i müli; ko Nühnü yocho tusü arühnü münguchi. Hütsü khu Nühnü achangba hiri arüh chah tikehsohcho.

JEREMIA 34:17

Hütsüeko ade, Ih, Abüdongba-nü yore, “Nührünü I yocho mühnyi: nührünü nührü jünirü Israelrü khyang arüh nyüje müjü. Tsale, khang, Ihnü nührü khyang nyüje jünung: chita, yangkong ko dhsaranü sünung. Ihnü nührü chah nguchicho ngu limih la yuchoti apümnü drüsohnung.

JEREMIA 4:31

Ihnü yuva khüdu yuchire, khingkurü mikhungde kyo, khingkurü akhudi azarü surode rühchicho kyo. Hütsü Jerusalem sah chichicho yuva, akheh müyungchü hita yocho, “Ih changkako! Arüh Ih kyüsehnung tsehle!”

JEREMIA 6:28

Arüh apüm hongzi nyümrüti, imüyeng ko idhse kyo azi lile. Arüh apüm amütsarüti, nengchü yu cho rachire.

MESHÜ 1:11

Abükyü müyurütinü atsunung yangchide rühchire; Arühnü arüh kuthsi arüh akang linung tsuyongnung ngang mülihtare. “I chah dhing, Abüdongba” Yangdinü züdere: “I thsamütsa dhing.”

MESHÜ 1:17

“Ihnü I kheh müyungchüre, ta sünüsü Ih mütronung. Abüdongba-nü Ih nyüm apümlangnü arorüh dsire; Arühnü athrünyi kohro khüdu kyo Ih bichire.

MESHÜ 2:10

Jerusalem azirütinü, arüh thah chah tavi kangkeh ko müyahshü müpipü alih la sahmüthsa pümre. Lazarünü arüh romih alih la mükhurangre.

MESHÜ 4:21

Münyüng, Edomrü ko Uz-rü; akohcho künyang. Nührü achangba role; Nührüsü tbhüdeng lüloh ashah khyo rachinung.

EZEKIEL 23:29

Ko arühnü nührü thrünyichonü, nührü tbhüdeng nahtrahnaxenglarü kyo pehjüpü nührünü nguchichehcho lüpcho hitsijünung.

EZEKIEL 23:46

Amichahba Abüdongba-nü hita yore: “Arüh khingchisohnung ko kengchosohnung mülung khüdu chürosohnung.

EZEKIEL 39:23

Ko Israelrünü Ih nyüm amünyi shitpahcho ngang arüh yangtsilang wüsohchoepü yuchotinü müdhenung. Ih arüh tenü ximülacho ko arüh rorünü arüh kohcho, ko khatala arüh kyüsehcho.

HOSEA 2:10

Ihnü abükyü müitarü betenü ashü khohjünung, ko sünüsü I rihlong lanü abükyü mükhümchochehnung.

HOSEA 2:3

Abükyünü mühnyikhang, asuro nyümong roh-i Ihnü ajengki khohjünung. Ihnü abükyü akungse lih kyo kangsohnung, ko axochonü süsohnung.

MISHACHO 3:18

Hütsünü nüh alirü kangnung nengdang amüdhseng hon I chahnü lihnung thsüchire. Nüh tbhüdeng ko ashahkhyü lanü lüptinung nengdang athru shü lihng. Nühnü ngunung nengdang nü nahtse la amüyühnung moisü lihng.

1 SAMUEL 2:30

Ih, Abüdongba Israel Tsingrang, nührü tsutpu ko nü kukhinü shang apüm la I bebürü thsasohnung atsichola Ihnü nyengchoko. Ta adelü hütsü Ihnü müyohpünung. Hütsü mülih, I dhichirü Ihnü dhichinung ko I mükhimüngurü Ihnü mülangjü bichinung.