MESHÜ 1:6 - AMÜSA BAIBEL (BSI)

⁶ Jerusalem ahechi tsü ahi kohro khüdu kangko. Langnürüti tsü akongchonü re müzehba shümüshü kyo kangko. Shu-iirü bete tside kyo arüh tase tsikhangko.

MESHÜ 1:6 Iomraidhean Croise

2 YANGTHSARÜTI 19:21

Abüdongba-nü hita yorepü yusi müthehcho, “Senacherib, Jerusalem-nü nüh münyüjüre ko müthsamünyüre.

2 YANGTHSARÜTI 25:4

yangdi tbü tsü müp-phohcho. Babylon-rünü yangdi tsü mükangtipü linye, aromangnü rothsarü apüm tsikhangpehcho. Arühnü yangthsaba tbü khu jingnü wü züdi anyüh müchikehtala tsü trahtri khu Jordan Ngahlang rang tsicho.

2 YANGTHSARÜTI 25:5

Ta Babylon-rünü yangthsaba Zedekia tsü iiwü Jeriko ngah la rangcho ko abi rothsarü apümnü abi pehjücho.

NENGSEKHI 50:2

Tsingrangba-nü adekheng atsah atsa Zion lanü hekehjüre.

NENGSEKHI 96:9

Amüsabala Abüdongba mübüng; Limih apüm, Abi jingte dhridhrieng.

ISAYA 1:21

Khüdupi longlang liba yangdisü nahtrahnaxenglarü kyo kangko! Khüdupi hütsü amüsarü dunü jeng licho, ta ade nyitsarü müpsehrü dunü jengko.

ISAYA 12:6

Zion la lirü apüm züdesohng, ko khi thsasohng! Israel Amüsa Tsingrang tsü arangcheh, ko Abi müyurü yola lire.”

ISAYA 4:5

Hütsüpü Zion Zong chah ko hütsüla shibülung lirü yang Abüdongba-nü anyümong nyükhi ko aromang mikhu ko michang müthehnung. Tsingrangba ahechinü yangdi apüm hetinung ko tsungtinung.

JEREMIA 13:18

Abüdongba-nü Ite yocho, “Yangthsaba ko abi atpa te yangthsaba pümji lanü jüronung young, tunüo arüh thah chahnü atsah atsa kuthri tsü shohjoko.

JEREMIA 29:4

“Nebukadnezar khyang Jerusalem lanü kümtsisohba Akohba Abüdongba, Israel Tsingrang-nü nyitsarü apüm te hita yore:

JEREMIA 47:3

Arühnü kuri müphanü tsohcho, kuri akhüluba tsehcho, ko ajing khülucho yuchinung. Autinü atsurüti nengdang müximülanung; arüh kheh yeichi linung.

JEREMIA 48:41

ko yangditi ko roshengviti kohchehnung Abüdongba-nü nyengchoko. Hütsü nyümong Moab rothsarüti tsü khingkurü mikhungde nehcho kyo linung.

JEREMIA 52:11

Hütsüpü, abinü Zedekia nah hehchehpehjücho ko ixilihnü xohpü Babylon lang nowücho. Zedekia tsü Babylon akhangtikuh la abi müsü tashi yohpücho.

JEREMIA 52:13

Abinü Amübükuh, yangthsaba ko Jerusalem la langnürüti kuh apüm trüp-pehjücho;

EZEKIEL 24:21

Nührünü Amübükuh tasela müthsehre. Nührünü hütsü thrünyire ko xodhingnyüre, ta Abüdongba-nü hütsü münyijünung. Ko Jerusalem la nying lirü, nührü kukhitila kunu khiyohti tsü khatala kyüsehnung.

EZEKIEL 24:25

Abüdongba-nü yocho, “Ade, Nyitsarü tsurü, Ihnü arüh tenü, arüh akünyang ko müthsehba, arühnü dhingnyüba ko xodhingnyüba akhümkhüm Amübükuh tsü hitsinung. Ko Ihnü arüh tsurü ko tsularüti hitsinung.

AZIKA YU 28:25

“Abüdongba-nü nührü michah nührü rorüh khyang akoh ngusohnung. Nührünü khüulangnü arüh mahnung ta nührünü arüh betenü lang apümlang tsinung ko nührü chah tikehcho ngude limih la lirü apüm drümüyangnung.

AZIKA YU 32:30

Tuepü hajar khüdu nyüh khüdunü ko nyüh anyünü hajar dhüre kohchehro? Abüdongba arüh Tsingrang-nü arüh pehjüko; arüh akohba Tsingrang-nü arüh pehko.