MESHÜ 1:21 - AMÜSA BAIBEL (BSI)

²¹ “I rühchicho nyidhing; I tbachijürü süsü mühle. Nühnü I chah athsangnyang hirojüchonü I rorüti künyangre. Nüh anyengchocho nyümong hirojüng; Ih kyo I rorüti tsü dhsasohng.

MESHÜ 1:21 Iomraidhean Croise

NENGSEKHI 35:15

Ta Ih chongchala lidelü, Ih münyodhingnung arüh atümung künyang shibülungcho; shirünü I chah lahcho ko xüp-du-xüpcho.

NENGSEKHI 37:13

Abüdongba-nü amütsarü münyodhingre, tunüo arüh tunyah mülipü changnungepü Abinü müdhele.

NENGSEKHI 38:16

I wahcho ngu I rorüti tükünyangsoh; I khülucho ngu arüh tümüthsehsoh.

ISAYA 14:5

Rihlongchüro müyurü khingchiba ko arühnü amahchehcho yuchoti münyehli dhsümthseba amütsa yangthsarü tase Abüdongba-nü changsohko.

JEREMIA 30:16

Ta ade, nührü münyüyohchürü apüm münyüyohnung, ko nührü rorüh apüm arangyohrü kang notsinung. Nührü sehchirü apüm sehchinung, ko nührü mahrü apüm mahnung.

JEREMIA 48:27

Moab, nühnü Israelrü khüta münyodhingcho lümchehng? Arüh fühkhohrü yola rangcho kyo nühnü arüh bichicho.

JEREMIA 50:11

Abüdongba-nü yore, “Babylon-rü, nührünü I yucho mahko. Nührü manyehba misü mahkhang kuri khongcho kyo künyang ko longphi lile,

JEREMIA 50:15

Yangdi mükang khata yuva chürung! Ade Babylon-nü mükoh. Abi tbü thsangnyang khüluko. Ihnü Babylon chah rühyangre. Hütsüeko arüh chah rühyang, ko arühnü bürü chah bichicho kyo arüh chah bichieng.

JEREMIA 50:29

“Thsalu birü te Babylon mahnung young. Thsalu ko tbüdeng bichinung kohrü apüm wüsohng. Yangdi tsü betieng ko süsü tsicheh tütsisoh. Arüh nguchi apüm thalijüng ko arühnü bürü chah bichicho kyo arüh bichieng, tunüo abinü Ih Israel Amüsaba Khüdu nyüm müthseh bichiko.

JEREMIA 50:31

“Babylon, nüh amüthsehnü jengko, hütsünü Ih, Akohba Abüdongba-nü nüh nyüm yare! Nüh khingchinung becho chihko.

JEREMIA 51:24

Abüdongba-nü yore, “Jerusalem chah amütsa nguchicho ngang Babylon ko abi nyitsarü chah Ihnü nguchicho nührünü ngunung.

JEREMIA 51:49

Lihküp la Babylon-nü nyitsarü süsohcho, ko ade abinü Israel hütsütoi süsohcho ngang Babylon khülunung. Ih, Abüdongba-nü choko.”

MESHÜ 1:16

“Hütsü khu I nahshükih threhre. Sünüsü Ih mütbachijücheh; sünüsü I re müzehsoh. Arorühnü Ih kohchehko; I nyitsarü süsü münying.

MESHÜ 1:2

Abükyünü müyüp trare; Amüchüp la nahshükih threh, Ahi shangrüti yola abükyü tbachijünung süsü münying. Ashangrütinü abi kihyochüko ko atümungnü ade abi nyümre.

MESHÜ 1:22

“Arüh mütsacho nengdang arüh mülangjüng; I münyi ngang Ih khingchicho kyo arühsü khingching. Chongchachonü Ih rühchire, ko I müci dhsangnangre.”

MESHÜ 1:4

Amüsa nyümong Amübükuh yang mübünung süsü mürore. Hütsüla khi thsalarüti chongchare, ko bebürüti rühchire. Yangdi tbükhümti adeng yale, ko Zion alongrila lile.

MESHÜ 1:8

Abükyü jengreng changko; tbhüdeng thrüchahchüpehko. Abükyünü rühchi ashahchonü aromih rangre. Jerusalem abükyü münyi dirachonü abükyü athrünyinungkeh kangko.

MESHÜ 2:15

Yangdi lahkhurünü müthsamünyüre. Jerusalem khüluchochah arühnü arüh thah ngah münyodhingre. “Hi amüinung yangdisü mah-o? Hi limih akünyangsü mah-o?”

MESHÜ 2:16

Nü rorüh atümungnü müthsamünyüre ko nüh thrünyi dhingre. Arühnü naking hingkeh yorü, “Ihrünü hütsü changjüko! Ihrünü khengyeng yaba nyümong sü chünye lile!”

EZEKIEL 26:2

Abinü yocho, “Nyitsarü tsurü,” “Tyre yangdila lirü nyitsarütinü hi münyodhingcho. Arühnü züdecho, ‘Jerusalem nyangnyangle! Abükyü kuthsi zii changko! Adelü abükyü Ihsa rorüh müthsanung!’

JOEL 3:14

Sühdinü sühdi Adhrongcheh Ngah la lile! Tunüo dhrongcheh ngah la Abüdongbarü nyümong tsü amünyeh lile.

MISHACHO 18:6

Abükyünü nührü bichicho kyo abükyü bichieng; abükyü nguchi aichi abükyü khyang anyüshinü thali jüng. Abükyünü nührü khyang rungnümjücho tenü yongkha azicho anyüshinü ashing jeng liijüng.