MESHÜ 1:18 - AMÜSA BAIBEL (BSI)

¹⁸ “Ta Abüdongba yuje lile, tunüo Ihnü Abi yu münyiko. Nührü müyurü atümungnü Iyu nyieng; ko I adhsa dhing. I nyitsarü dhreza lazarü rang kümtsiko.

MESHÜ 1:18 Iomraidhean Croise

1 YANGTHSARÜTI 13:21

ko abinü Juda lanü roba azikehba te tsü züde yocho, “Nühnü abi yocho mühnyi ko abinü mülacho münguchi pü Abüdongba-nü nüte yore.

EZRA 9:13

Ihrü münyi ko thsameh nengdang hütsütoi ihrü khingchi tikehnye, Nüh ihrü Tsingrang-nü ihrü chah lengcho tenü müchi khingchipü ihrü akang lisohrepü ihrünü müdhele.

NEHEMIA 9:26

Ta Nü nyitsarünü Nüh nyüm Nü yocho münyicho; Arühnü Nü Yuzeng tenü za tsicho. Arühnü arüh te Nüh yang ximülanung yorü azikehrüti kyüsehcho.

NEHEMIA 9:33

Nühnü ihrü khingchiba tsü athsalang; ihrünü amünyi shitpahnye, Nüh yuje cho licho.

NENGSEKHI 107:11

tunüo arühnü Akohba Tsingrang Yuzeng nyümcho ko Abi athülaba mükhyücho.

NENGSEKHI 119:137

Abüdongba, Nüh Amüsa ko Nü yukhaba yuje.

NENGSEKHI 119:75

Nü yukhaba tsü Amüsa ko Nühnü Ih khingchiba tsü Nüh yujeba thsachonüepü Ihnü müdhele, Abüdongba.

NENGSEKHI 145:17

Abüdongba Nü nguchi apüm Amüsa, Abi nguchi apüm la yanglilüm lile.

NÜCHEHCHO 9:27

Yangthsabanü Mosa e Aron nyüh dsinü yocho, “Ade Ihnü amünyi shitpahko; Abüdongba yuje-e, Ih ko I nyitsarütinü thsamehko.

JEREMIA 12:1

“Abüdongba, Ihnü Nüte I khiyu rehtakhang, Nüh du athsalang thsanung. Ta Ihnü Nüh yujeba nengdang tsingdhingnung, Tuepü amütsarü hitoi müwaro? Tuepü yuje müchorünü akoh nguro?

JEREMIA 32:23

Ta arühnü ro hiba lih khyüde, Nü yuzeng mübichi mahkhang Nü adoba roh-i müli; ko Nühnü yocho tusü arühnü münguchi. Hütsü khu Nühnü achangba hiri arüh chah tikehsohcho.

JEREMIA 4:17

ko nyitsarünü luh nyahcho kyo arühnü Jerusalem betinung, tunüo abükyü müyurünü Abüdongba nyümko. Abüdongba nü choko.

JEREMIA 49:12

“Khingchinung mülengrü mii akhingchi shingla tsünü yongkhang, nührü mükhingchipü pehjünungepü lümrü do? Mah, nührünü shingla tsünü yong!

MESHÜ 1:12

“I chah dhing pü abükyünü alahkhurü atümung te züdere!” Abüdongba-nü Abi zichürode I chah hirojüba adhsa, “I dhsacho kyo sünüsü müdhsadhing.

MESHÜ 3:42

“Ihrünü amünyi shitpahko ko nyümko, O Abüdongba nühnü ihrü mülang müpehjü.

MESHÜ 5:16

Ihrü künyang liba tusü münying. Ihrünü amünyi shitpahko, ko ade ihrü ahohah.

DANIEL 9:5

“Ihrünü shitpahko, ihrü amünyirü, ko ihrünü thsamehko. Ihrünü Nü yocho münyiko ko Nü athsalang lanü ximülako.

DANIEL 9:7

Nüh, Abüdongba Nüh lede athsalang nguchire, ta ihrübürünü ihrü michah ashah hirore. Ihrü Judea la, Jerusalem la ko ashu amünyeh apümlang tsisho liba Israelrütinü Nüte yocho münyicho müdhele, tunüo arühnü Nü chah longmülang.

AMOS 8:13

Hütsü nyümong axochonü dhreza lazarü mii khülunung.

ZEFANIA 3:5

Ta Abüdongba tsü yangdila lile; Abinü khodesü amüthsalang münguchire. Nyangnyü mükhu müyurü khyang mütiphehpü yuje hirojüre. Ta amümüsarünü mütozah amütsa nguchire ko müshahre.

ZEKARIA 1:6

I dikehrü azikehrüti khu Ihnü nührü jümürü khyang yuzeng ko amüzahnung jücho, ta arühnü hütsü mükhyücho, ko hütsü ngang arüh chongchako. Hütsüpü du Ih Akohbong Abüdongba-nü lümcho roh-i, arüh aleng Ihnü arüh khingchichoepü lasih thsamüla Ih müdhecho.’”

ROMRÜ 2:5

Ta nührü lasih azi ko amüküp thsachonü, Tsingrangba rihlong chüroba ko yuje yukhaba misha nyümong nührü akhingchi tsü alaa du adiu külüpre.

ROMRÜ 3:19

Ade nyitsarü amütangba atümung yatinung ko limih apüm Tsingrangba yukhaba pohki noronung nengdang,

AZIKA YU 32:4

“Abüdongba-nü tsungtirü, apüm la adekheng ko yuje; Nührü Tsingrang yuje ko longlangba; atsa du ko athsalang du Abinü nguchire.

YUKHARÜTI 1:7

Adonibezek-nü yocho, “Yangthsarü nyühre ajing-akheh müyungkutrehdi khapehpü I tsingthsang pohki alongcho throtsu rachicho. Ihnü arüh te nguchicho kyo ade Tsingrangba-nü I chah nguchiko.” Ko abi Jerusalem lang nowücho ko hütsüla abi sücho.

1 SAMUEL 15:23

Abi nyümba tsü azi-among nguchicho münyi kyo lile, ko hongzicho tsü kyothri mübücho münyi kyo lile. Nühnü Abi yuzeng dhsonglicho kyo, Abinü nüh yangthsaba thsasohnung dhsongliko.”