MESHÜ 1:1 - AMÜSA BAIBEL (BSI)

¹ Nyitsarünü jeng liba Jerusalem-sü, khüta naying kangcho! Khüdupi limihnü dhichibasü, ade chomilarü kyo lile; Yangdi yola ahechibasü ayurü kangko.

MESHÜ 1:1 Iomraidhean Croise

1 YANGTHSARÜTI 4:21

Solomon yanglih la Eufrates Yongkhi lanü Filistia ko Ijiprü lurü chii liba yanglih apüm zeh licho. Arühnü abi khyang akhüm tüpcho ko abi akang ayung abi pohki licho.

2 YANGTHSARÜTI 23:33

Ijiprü yangthsaba Neko-nü abi Hamath lih la abi rangnü Ripla la nowücho ko Judarü khyang akhüm taripi shekel süreh hajar asang thsih müyü, ko hon süreh sangrepü müyü jüsohcho ko hütsüta Joahaz yangthsathsaba tsü changkacho.

2 YANGTHSARÜTI 23:35

Ijip yangthsaba khyang akhüm jünung shulüm, yangthsaba Jehoiakim-nü müyurü chahnü arüh kuthsi aichi amüthsüh khyücho.

2 ROHTHÜP 9:26

Abi tsü Eufrates Yongkhi lanü Filistia chii ko Ijiprü lurü chii yanglih apüm la yangthsarü adiuba licho.

EZRA 4:20

Hütsüla adangchi yangthsarünü Eufrates nyüzüdulang tsü alihmüthsü khyonü thsa roko.

NEHEMIA 5:4

Adesü khürünü yocho, “Ihrü luh ko Shükusih luh alihmüthsü yangthsaba khyang jünung nengdang thsi nyako.

NEHEMIA 9:37

Alih lanü achürochoti, Nühnü ihrü michah yohpüjüba yangthsarüti yang würe, tunüo ihrünü amünyi shitpahko. Arühnü ihrü ko ihrü kanglungrü michah arüh thsanyücho thsare, ko ihrü dee dhsa lile!”

NENGSEKHI 122:4

Hila yuchoti, Israel hung, Abüdongba khyang Abinü mülacho roh-i anengse jünung rore.

ISAYA 14:12

Babylon yangthsaba, anyangnyü avisa püti, nüh ning chahnü shohjoko! Atsichola nühnü yuchoti kohcho, ta ade nüh alih la khülusohko.

ISAYA 22:2

Yangdila tsü khong rongrong müci rohchonü jeng lile. Nührü nyitsarü hiba rothsala sürü tsü chitanü sücho mah.

ISAYA 3:26

Yangdi tbükhümnü meshü tranung ko yangdi abükyü tsü khingkurü tbhüdeng alih la pümcho kyonung.

ISAYA 49:21

Hütsüde nühnü nüpu te yonung, ‘I khyang sünü azarü hitoi nümüsujücho? I tsurü changko ko mülinung thsacho. Ih yangtsilang iipehcho— azarü hiri sünü nümüsucho? Ih I müleng tsatsa pehjücho— azarü hiri khüdenü rocho?’”

ISAYA 50:5

Abüdongba-nü I khyang anyichehba jüko, ko Ihnü Abi münyüm mahkhang Abi tenü ximüla mütsi.

ISAYA 52:2

Nü jangjang mühachi lehchehng, Jerusalem. Asongsongla tsünü shemüsung ko yangthsaba pümjila püm! Nüh rahba ixilih tsü lehchehng, Zion-rü akümtsirüti.

ISAYA 52:7

Azong lahsah yusi hirü rocho ngunung tsü khüta akünyangnung, yusi atsa, yangtsa yusi hipü. Abinü akoh züdere ko Zion te yore, “Nü Tsingrang tsü yangthsaba.”

ISAYA 54:4

Tüdrü, nüh thali ashah mükhyüsohnung; nüh mükhimüngu müthsanung. Nühnü kusithrilarü kyo yuje mücho, ko chomilarü kyo nü lümtoh nbüchünung.

JEREMIA 31:7

Abüdongba-nü yore, “Israel nengdang akünyang khi thsaang, yuchoti yola adiuba. Nührü nengsekhi thsaang, ‘Abüdongba-nü abi müyurü khümchoko; Abinü nying lirü apüm khümchoko.’

JEREMIA 40:9

Gedalia-nü arüh te yocho, “Nührünü Babylon-rü kheh la hapnung drü linung müdhsütah pü Ihnü nührü te yore. Hiba lih la lieng, Babylon yangthsaba dikehng, ko nührü tu müthsanung.

JEREMIA 42:2

“Ihrünü nüte kihchicho nühnü nguchijüng! Ihsa Tsingrang te ihrü nengdang kihchijüng. Ihrü nying lirü apüm nengdang dangkhidangnangjüng. Khüdupi ihrü adrong licho ta ade nühnü müdhe ihrü azikyah du nying lile.

JEREMIA 44:2

Akohba Abüdongba, Israel Tsingrang-nü yore, “Jerusalem la ko Juda la yangditi chah Ihnü achangba hirocho nührübürünü nguko. Ade yingcheh hütsüri thsangnyang lile, ko hütsürila lirü süsü mühle,

JEREMIA 44:6

Hütsü khu Juda yangditi ko Jerusalem yanglongla I zii ko rihlong mükhakehjücho ko Ihnü arüh chah michang thsürangjücho. Arüh thsangnyang pehjücho ko chünye yingcheh adrünung kang lile.

JEREMIA 50:23

Babylon-nü liküprü zangzang kengnahko, ko ade ahamsing tsü thsangnyangko. Hütsüba yanglih chah atikehcho tsü ngu yuchoti apüm nehre.

JEREMIA 9:11

Abüdongba-nü yore, “Ihnü Jerusalem tsü trümnah bhümcho kangsohnung, ko rangfü liji kangsohnung; Juda yangditi lihpi kangsohnung, süsü müliba müdüm khüdu.”

MESHÜ 1:19

“Ihnü I shangrüti te dsicho, ta arühnü Ih mütrocho. Bebürü ko langnürütinü akang linung tsang yangchi; Yangdi tungtela sücho.

MESHÜ 2:1

Abüdongba-nü zichüro Zion shütisohcho. Ninglangrü ahechi tsü Abinü athsangnyang kangsohcho. Abi zichüro nyümong, Abinü Amübükuh mii mükhichi.

MESHÜ 2:10

Jerusalem azirütinü, arüh thah chah tavi kangkeh ko müyahshü müpipü alih la sahmüthsa pümre. Lazarünü arüh romih alih la mükhurangre.

MESHÜ 4:1

Ihrü yo ariri honsü amükhyu kangko; Amübükuh lungti tsü yanglongla shupishuza lile.

MESHÜ 5:16

Ihrü künyang liba tusü münying. Ihrünü amünyi shitpahko, ko ade ihrü ahohah.

EZEKIEL 26:16

Hütsüde kihjüp liba yangthsarüti arüh pümji lanü jüronung. Arühnü arüh fükhüm ko axücho jengki khohpehnung ko alih la dhridhri pümnung. Nührü suro ngu arüh dhridhriba tsü müzahnung.

EZEKIEL 26:2

Abinü yocho, “Nyitsarü tsurü,” “Tyre yangdila lirü nyitsarütinü hi münyodhingcho. Arühnü züdecho, ‘Jerusalem nyangnyangle! Abükyü kuthsi zii changko! Adelü abükyü Ihsa rorüh müthsanung!’

EZEKIEL 5:5

Amichahba Abüdongba-nü yocho, “Jerusalem chah dhing. Ihnü abükyü tsü yanglihtinü mükangtipü alimih longla yohpüre.

LEVIRÜ 26:31

Ihnü rihlongchüro nührü yangditi ko mübüji thsangnyangjünung, ko nührü kangmübüti mükhyüchonung.

LEVIRÜ 26:33

Ihnü nührü michah khata hirojünung ko nührü shirü lih jeng tsishosohnung. Nührü yanglih thrüchahchüpehnung, ko yangditi changpehjünung.

ZEFANIA 2:15

Hütsüta apu dümpipü khümchonung lümba yangdila tsü tikehnung. Hütsüla nyitsarünü arüh yangdi tsü adiubaepü lümre. Yangpeh tsü rangmü kanglungrü mungji ko anaying kangnung. Alahkhurü atümungnü adrüchonü ximüla tsinung.

MISHACHO 18:7

Abükyünü künyangküshi müzangcho kyo abükyü khyang achongcha ko alongri jüng. Tunüo abükyü jangjangthsa yore: ‘Ih yangthsalarü, hila pümre! Ih chomirü mah, Ih alongri khodesü müngunung!’