MATHI 9:2 - AMÜSA BAIBEL (BSI)

² khürünü abi yang dsidsisüba nyüh khüdu yüpji chahnü hirocho. Jisu-nü arüh yudsi mülahcho ngu abinü dsidsi süba te yocho, “Müci zieng, Itso, nü münyi pehjüko.”

MATHI 9:2 Iomraidhean Croise

THSINGYURÜ 9:7

Nüh tsuyongnung tsu künyang lieng; nüh yongkha yong ko künyang. Hütsü Tsingrangba jingte tumüthsa.

ISAYA 44:22

Ihnü nührü münyi nyükhi kyo wohpehko. Ih yang thali rung; Ih nührü khümchoba.”

MATHI 14:27

Jisu-nü arüh te zah chota yocho, “Müci zieng! Ih-e, Tüdrü!”

MATHI 4:24

Ko abi nengdang Yusi tsü Syria limih apümlang sobhocho. Achotsü nyitsarünü abi yang füdhsarü ko dhsara alang papa kehrü: amünyi nbünü rangrü, füyüm zehrü, ko dsidsisürü norocho, ko Jisu-nü arüh atümung kyangjücho.

MATHI 6:12

Ihrü te thsamehrü khyang ihrünü mülang pehjücho roh-i, Ihrü thsamehcho mülang pehjüng.

MATHI 8:10

Khode Jisu-nü hi yuchicho, abi nyemüyangcho ko abi khanglang iirorüti te yocho, “Ihnü nührü te yore, Israel la hiroh-i yudsi lirü Ihnü müngue.

MATHI 8:16

Nyüzeh rode, nyitsarütinü Jisu yang amünyi nbünü rangchoba nyitsarü adrong norocho. Jisu-nü yu khüdunü amünyi nbüti iipehjücho ko füdhsarü atümung kyangjücho.

MATHI 9:22

Jisu-nü ximüla abükyü ngunü yocho, “Tülümxü, Alechü! Nü yudsinü nüh kyangjüko.” Ko hütsüdenü khingkutpü tsü kyangpehcho.

MATHI 9:5

Nü münyi pehjüko, pü yonung amülaba a, mahkhang, Shemüsung ko tsehng, pü yonung amülabao?

MATHI 9:6

Khang, Ihnü nührü te yuzi yonung, Nyitsarü Tsurü chah hiba limih la münyi pehjünung tase kehle. Hütsüpü abinü dsidsi süba te yocho, Shemüsung, nü yüpji dhieng ko kulang wüng!”

MARK 1:32

Anyüzehlang, Jisu yang arühnü füdhsarü ko amünyinü rangrü atümung norocho.

MARK 10:49

Jisu-nü nyehlipü yocho, “Abi dsing.” Hütsünü arühnü anahtohba tsü dsicho. “Müci zieng, arühnü yocho, “Künyang, abinü nüh dsile.”

MARK 5:34

Jisu-nü abükyü te yocho, “I tsulatpü, nü yudsinü nüh kyangjüko. Tülümxüpü tsieng, ko nü dhsara lanü kyangpü lieng.”

MARK 6:50

Abi ngude arüh atümung nehcho. Jisu-nü arüh te zah chota yocho, “Müci zieng, Ih-e, tüdrü!”

JOHAN 16:33

Nührü Ite li atbachi ngunung nengdang Ihnü hi nührü te yoko. Limih la nührü chongcha roto lile. Ta rezehng! Ihnü limih kohko!”

JOHAN 2:25

Sünüsü abi te arüh nengdang yonung müdhsütahcho, tunüo arüh lasih la tu liro apunü müdhecho.

JOHAN 21:5

Hütsüde abinü arüh te tsingdhingcho, “Dhrezarüti, tusü mürangcho mah-o?” Arühnü lalingcho, “Tusü mürang.”

RIWÜRÜTI NGUCHI 14:9

Abinü hütsüla pümpü Paul yu nyicho. Abinü yudsile ko kyangnung kohlepü müdhenü Paul-nü abi chah nyeh-e dhingcho

RIWÜRÜTI NGUCHI 19:12

Abi khehseh ko anyahnising mii füdhsarü yanglang hiwücho ko arüh dhsara iipehcho, ko arüh chahnü amünyi nbü tsipehcho.

RIWÜRÜTI NGUCHI 23:11

Hütsü romang Abüdongba-nü Paul müshüm yapü yocho, “Tüdrü! Nühnü Jerusalem hila I nengla yuzithsako, hütsü roh-i Rome lasü nguching.”

ROMRÜ 5:11

Ta hütsü du mah; Tsingrangba-nü Abüdongba Jisu Khrista khu ade Ihsa abi shangrü kangsohchonü Ihsa künyangre.

JAKOB 2:18

Ta khürünü yonung, “Nyüh khüdu yudsi lile, ko aparü khüdu nguchi lile. Sünü nguchi müzehpü yudsi khüta lichehnung Ite ngusohng.” Ihnü I nguchi khu I yudsi nguchi ngusohnung.