MATHI 8:2 - AMÜSA BAIBEL (BSI)

² Hütsütade mübhira kehrü nyüh khüdu abi yanglang ro, mükhukehnü kihchi abi te yocho, “Adirü, nühnü lümkhang, nühnü Ih müsachehjünung kohle.”

MATHI 8:2 Iomraidhean Croise

2 SAMUEL 3:39

Ih Tsingrangba-nü throchehcho yangthsaba khüdunye, Ih chünye re müzeh lümre. Zeruia tsurü hiri hi khurale. Hiri amüpsehrü arüh aleng Abüdongba-nü khingching!”

2 YANGTHSARÜTI 15:5

Abüdongba-nü Uzziah chah mübhira küdusohcho ko hütsü abi chah asü yingcheh kehcho. Abi apu kuh pathsa khüdula licho, anguchi tusü münguchicho ko abi tsurü Jotham-nü yanglih tsü yangthsa thsacho.

2 YANGTHSARÜTI 5:1

Naman tsü Syria rothsarü michah anüchiba ko dee jengreng jüba ko yangthsabanü mii dee khichicho, tunüo Naman khu Abüdongba-nü Syria-rü khyang akoh amülah jücho. Abi athrungrü khüdu, ta abi mübhira kehcho.

2 YANGTHSARÜTI 5:27

Hütsüeko ade Naman dhsara tsü nü chah küronung ko hütsü nüh ko nü shümtsurü chah müchangkapü linung.” Gehazi hütsülanü tsidunü, abi chah mübhira tsü chürocho ko abi küp tsü shurü kyo thrucho.

KHIDHINGCHO 12:10

nyükhi tsünü Shükuh tsü pehjücho ko dhrongyengnü Miriam fü tsü mübhiranü tsüticho ko shurü kyo thru kangcho. Aron-nü abükyü tsü mübhiranü tsüti ngude,

MATHI 10:8

Füdhsarü kyangjüng, asürü kangli rosohng, mübhira kehrü müsachehjüng, ko amünyi nbüti iipehjüng. Nührünü amükangnü ngucho, amükangnü jüng.

MATHI 13:58

Arühnü müyudsichonü abinü hütsüla thsayahiya adrong münguchicho.

MATHI 14:33

Hütsüde kihtang la monotinü Jisu mübücho ko arühnü yocho, “Yuje nüh Tsingrangba tsurüe!”

MATHI 15:25

Hitade khingkutpü tsü ronü ajing chah mükhukeh yocho, “Ih troung, adirü!”

MATHI 18:26

Hütsüde kulibong tsünü yangthsaba jingte mükhukeh, ‘Ite hari rangchoung; Ihnü apüm sahnung’ pü kihchicho.

MATHI 2:11

Arühnü kuh la tsü züducho, ko khode arühnü azarü tsü atpa Mary te ngucho, arühnü mükhukeh abi mübücho. Arühnü hon, müchiji, ko axümlichi khyücheh jiyücho.

MATHI 20:20

Hütsüde Zebede nitpü atsudhre anyüh nüpü Jisu yang ro ajingte mükhukehnü lango khyünyo abi te tsingdhingcho.

MATHI 26:6

Jisu Bethany la mübhira kehba Simon kuh la pümcho.

MATHI 28:17

Khode arühnü abi ngucho, arühnü abi mübücho, ta khürünülü tütohnyünyehcho.

MATHI 28:9

Dhrongyengnü Jisu-nü arüh shirücho ko yocho, “nührü te atbachi lieng.” Arühnü ro abi jing chah marehnü abi mübücho.

MATHI 4:9

Motsing tsünü yocho, “Nühnü mükhukeh Ih mübükhang, hi atümung nü khyang Ihnü jünung.”

MATHI 8:1

Khode Jisu akhang lanü jürocho, nyitsarü adrong abi khanglang iiwücho.

MATHI 8:25

Monotinü wü abi khamüsu yocho, “Ihrü khümchoung, Abüdongba!” “Ihrü achangrüdue!”

MATHI 9:18

Jisu-nü hi yochi yade, Jihudarü khüdu abi yang rocho ko ajingte mükhukeh yocho, “I tsulatpü ade tsatsa süko, ta rung ko nü khehnü abükyü chah thahpüng ko abükyü kanglinung.”

YUSE ATSA LUK 4:27

Ko azikehrü Elisha shikhe Israel la mübhira kehrü khütango licho; ta Syria-ba Naman chah khu arüh süsü mükyangcho.”

JOHAN 9:38

Nyitsarüba tsünü yocho, “Abüdongba Ihnü yudsire” ko Jisu jingte mükhukehcho.

RIWÜRÜTI NGUCHI 10:14

Ta Peter-nü yocho, “Imoh, Abüdongba! Amümüsa ko münyicho tusü Ihnü khodesü mütsu.”

RIWÜRÜTI NGUCHI 10:25

Peter züdunung thsade, Kornelius-nü abi te shirüta, ajingte mükhukeh mübücho.

1 KORINTRÜ 14:25

Abi lasih la rang licho apüm mishanung, ko mükhukeh mülang nyengcho yonung, “Tsingrangba hila nührü yola yuje lile.”

MISHACHO 19:10

Ihnü abi mübünung ajingte mükhukehcho, ta abinü Ite yocho, “Hütsüta tüthsa! Ihsü nüh ko nü jünirüti ko Jisu yuzi bichirü, atümung te müjang dikehrü khüdu lile. Tsingrangba du mübüng!” Tunüo Jisu-nü mishaba yuje tsünü azikehrüti thsümüsure.