MATHI 7:7 - AMÜSA BAIBEL (BSI)

⁷ “Ching, ko hütsü nührü khyang jünung; yangching, ko nührünü ngunung; hamching, ko hütsü nührü khyang khangthrujünung.

MATHI 7:7 Iomraidhean Croise

LIPOH 26:32

Hütsü nyümong Isak kulirütinü ro abi te arühnü jucho kihkong nengdang yocho. Arühnü yocho, “Ihrünü kih nguko.”

1 YANGTHSARÜTI 3:5

Hütsü romang Abüdongba-nü amelang abi te tsingdhingcho, “Ihnü nü khyang tu jüsohnyüro?”

NENGSEKHI 10:17

O Abüdongba, Nühnü suromüchürü kihchicho nyijünung; Nühnü arüh müci mülahsohnung.

NENGSEKHI 10:4

Akhürahrünü Abüdongba mülümxüre; Tsingrangba tsü tu mah pü abinü müthsehmüla lümre.

NENGSEKHI 119:12

Ihnü Nüh sere, O Abüdongba; Ite Nü yuzeng doung.

NENGSEKHI 27:8

“Rung ko mübüng” pü yode, “Ih ronung, Abüdongba” pü Ihnü lalingcho;

NENGSEKHI 34:4

Ihnü Abüdongba te kihchicho ko Abinü Ite lalingcho; Ih adrünung apüm lanü Abinü lehchehcho.

NENGSEKHI 37:4

Nü akünyang Abüdongba chah yangching; ko Abinü nü mürucho jünung.

NENGSEKHI 50:15

Dhsangthsi mütohde Ite dsing; Ihnü nüh khümchonung, ko nühnü Ih senung.”

NENGSEKHI 69:32

Roto lirünü hi ngude, arühnü künyangnung; Tsingrangba mübürü alaa rezehnung.

NENGSEKHI 70:4

Nüh yang rorüh atümung künyangsohng ko longphisohng. Nü akangcheh müirü atümungnü lede hita yosohng, “Tsingrangba tsü khüta Amülah!”

NENGSEKHI 86:5

Nühnü ihrü te tsare ko mülang pehjüre, Nüte kihchirü atümung te müthrehba amüinü jeng lile.

CHOYOH 8:17

Sünü Ih müiro Ihnü abi müire; sünü Ih yangchiro abinü Ih ngunung.

SOLOMON KHI 3:2

Ihnü yangdi tungtela ko langtpahtila rümchicho. Ihnü müibong yangchicho. Ihnü yangchicho, ta abi müngucho.

ISAYA 30:19

Nührü Jerusalem la lirütinü adelü mütranung. Abüdongba-nü dhsa lümre, ko nührünü Abi te kihchide, Abinü lalingnung.

JEREMIA 33:3

“Ite dsieng ko Ihnü lalingnung; nührünü mümüdhecho Ihnü anyemüyangnung ko anyekanung yu yonung.

AMOS 5:4

Abüdongba-nü Israel te yore, “Ih yangching, ko akang lieng;

MATHI 18:19

“Adesü Ihnü nührü te yore: Limih la khode nührü nyüh anyünü lango nengdang müjangnü kihchinang, ninglang liba I U-nü nührü nengdang nguchinung.

MATHI 21:22

Nührünü yudsikhang, tuturü dangkhidangnang tsingdhingnang nührünü ngunung.”

MATHI 6:33

Hütsü mülih akhu nührünü Tsingrangba Yanglih ko abi Amüsaba yangching, ko hiri atümung nührü yo thsanung.

MATHI 7:11

Nü roh-i amütsanü mii, tsuzarü khyang atsa jünung müdhekhang, ninglang liba nührü Aunü abi te chingrü khyang kohro atsa khüta alaa müjünung!

MATHI 7:8

Tunüo achingrü müipinü khyüchore, ko sünü yangchiro abinü ngure, ko sünü drongdrongchiro abi khyang khangthrujüre.

MARK 11:24

Hichahnü Ihnü nührü te yore: khode nühnü lango tsingdhing dangkhidangnangnang, hütsü nühnü ngukopü yudsing, ko nühnü tu nengdang tsingdhingcho hütsü nü khyang jünung.

YUSE ATSA LUK 13:25

Kuh abüdongba-nü shemüsu trahtri tsü khangtinung; hütsüde nührünü dongkhu yapü kukhang chah drongdrongchi, ‘Ihrü khyang khangthrujüng, Abüdongba’ pü yonung, ta abinü lalingnung, ‘Nührü khüdenü rochonang Ihnü mümüdhe!’

YUSE ATSA LUK 18:1

Hütsüpü Jisu-nü amonoti te lede sumüzahpü dangkhidangnangnung nengdang yukita khüdu yocho.

JOHAN 15:16

Nührünü Ih throchehcho mah; ta Ihnü nührü throchehcho ko nührünü wünü singsih khütango sihsohnung Ihnü nührü jehsohcho. Hütsünü nührünü I nengla tuturü chingnang Aunü hütsü nührü khyang jünung.

JOHAN 15:7

Nührü I chah likhang ko I yu nührü chah likhang; nührü khyünyücho ching, ko hütsü nührünü ngunung.

JOHAN 4:10

Jisu-nü lalingcho, “Tsingrangba-nü tu jüro ko nüte ayongnung chingba tsü nühnü müdherelanglü, nühnü abi te chingbae, ko abinü nü khyang akangnung kih jübae.”

ROMRÜ 2:7

Khürünü mütozah atsa nguchinü ahechi, adhichi ko müsüba akang yangchire; arüh khyang Tsingrangba-nü müchangkaba akang jünung.

ROMRÜ 3:11

anyichehrü süsü mühle, Tsingrangba yangchirü süsü mühle.

IBRIRÜ 11:6

Sünüsü yudsi müzehpü Tsingrangba künyangsohnung mükoh, tunüo sünü Tsingrangba yanglang roro abinü Tsingrangba lile ko abi yangchirü jiyürepü yudsibae.

JAKOB 5:15

Yudsi dangkhidangnang tsünü füdhsaba tsü kyangnung; Abüdongba-nü abi kyangjünung, ko abinü shitpahcho münyiti mülangpehjünung.

1 JOHAN 3:22

Ihsanü tuturü chingnang abi chahnü ngure, tunüo Ihsanü abi yuzengti bichire ko abi künyangnungthsa Ihsanü nguchire.