MATHI 7:21 - AMÜSA BAIBEL (BSI)

²¹ “Ite, ‘Abüdongba, Abüdongba’ pü dsirü müipi ninglang Yanglih la müzüdunung, ta sünü ninglang liba I U-nü khyünyücho nguchinang abi du züdunung.

MATHI 7:21 Iomraidhean Croise

MATHI 12:50

Sünü ninglang liba I U lümcho nguchinang abi tsü I jünirü, I jünilarü ko Itpa.”

MATHI 16:17

Jisu-nü lalingcho. “Johan tsurü Simon, nüh amüwa thsaang!” “Tunüo hiba yuje hi shutsa khu mah, ta ninglang liba I U-nü nü khyang jücho lile.

MATHI 18:10

“Hiri azarüti süsü mükhimüngu müthsanung müzahng. Ihnü nührü te yore, ninglang arüh riwürüti tsü ninglang liba I U jingte lede lire.

MATHI 18:19

“Adesü Ihnü nührü te yore: Limih la khode nührü nyüh anyünü lango nengdang müjangnü kihchinang, ninglang liba I U-nü nührü nengdang nguchinung.

MATHI 18:3

ko yocho, “Ihnü ajüje nührü te yore, nührü mülichi azarü roh-i mükangde, ninglang Yanglih la nührü khodesü müzüduchehnung.

MATHI 18:35

Ko Jisu-nü zika yocho. “Nührü atümungnü, nü lasiking lanü nü jünirü khyang mülang müpehjükhang, ninglang liba I U nüsü hütsü roh-i bichinung.”

MATHI 19:24

Ihnü loli yore, “Tbang khi la ut bücheh tsinung thsahcho tenü alirünü ninglang yanglih la züdunung deenü athsah-u thsanung.”

MATHI 25:10

Hütsünü amüsithsa lazarüti tsü dsikih lihnung wücho, ko arüh tsipü lide, kukangbong tsü ro chihcho. Rungnüm liba lazarü münga tsü abi yola kukangba thsütilang tsü züducho, ko kukhang tsü khangticho.

MATHI 25:21

Abüdongba-nü yocho, ‘Mahso, atsa ko longlangchehba kulirü! Nüh kuthsi azikyah müshonungla longlangchehcho, hütsünü Ihnü nüh kuthsi amülah müshonung nyümkehjünung. Nüh Abüdongba akünyangla zürung!’

MATHI 26:39

Abinü khü wüpü, alih la hapkeh dangkhidangnangcho, “Uwa, hi akohnung thsakhang, I chahnü hiba chongcha shing hi khyümüing! Ta I lümcho mah, nü lümcho thsaang.”

MATHI 26:42

Anyüpili Jisu-nü wü dangkhidangnangcho, “Uwa, hiba chongcha shing hi Ihnü müyongde mükhyümüichehnung thsakhang, hi nü lümcho thsaang.”

MARK 3:35

Sünü Tsingrangba-nü abi khyang nguchisohnyüba nguchiro, abi tsü I jünirü ko Itpa lile.”

MARK 9:47

Ko nü nahtsenü nüh münyisohkhang, hütsü hehcheh pehng. Nahtse anyüh kehpü mümehmi züdunung tenü, nahtse khüdu mükehpü Tsingrangba yanglih la züdunung atsau.

YUSE ATSA LUK 11:28

Ta Jisu-nü lalingcho, “Sürünü Tsingrangba yu yuchiro ko bichiro arüh uthring khüta amüwanung!”

YUSE ATSA LUK 13:25

Kuh abüdongba-nü shemüsu trahtri tsü khangtinung; hütsüde nührünü dongkhu yapü kukhang chah drongdrongchi, ‘Ihrü khyang khangthrujüng, Abüdongba’ pü yonung, ta abinü lalingnung, ‘Nührü khüdenü rochonang Ihnü mümüdhe!’

YUSE ATSA LUK 18:25

Tbang khi la ut bücheh tsinung thsahcho tenü alirünü Tsingrangba yanglih la züdunung deenü athsah-u thsanung.”

YUSE ATSA LUK 6:46

“Tuepü nührünü Ite ‘Abüdongba, Abüdongba’ pü dsiro, ta Ihnü yocholü mühnyiro?

JOHAN 14:7

Abinü arüh te yocho, Adelü nührünü Ih müdheko, nührünü I U sü müdhenung, ko ade tinü nührünü abi müdhele ko abi nguko.”

JOHAN 15:23

Sünü Ih thrünyiro abinü I U sü thrünyire.

JOHAN 3:5

Jisu-nü lalingcho, “Ihnü nüte yutsatsa yore,” “Kih ko Anbü la müsurokhang, sünüsü Tsingrangba yanglih la züdunung mükoh.

JOHAN 5:17

Jisu-nü arüh te lalingcho, “I U-nü lede nguchire ko Ihnüsü nguchibae.”

JOHAN 6:40

Tunüo atsudhre ngurü ko abi chah yudsirü atümung müchangkaba akang ngunung tsü I U-nü khyünyücho lile. Ko Ihnü achangka nyümongla arüh kanglisohnung.

JOHAN 7:17

Sünü Tsingrangba lümcho nguchiro abinü Ihnü doba hi Tsingrangba chahnü a mahkhang Ipu lümyunü chorünang müdhenung.

RIWÜRÜTI NGUCHI 14:22

Arühnü yudsirüti rezehsohcho ko yudsila drengdreng linung thsüchicho. Arühnü docho, “Tsingrangba yanglih la züdunung nengdang chongcha adrong khunungbae.”

ROMRÜ 12:2

Hiba limih saying roh-i nührü tüli, ta nührü lasih asi kangchinü Tsingrangba khyang mülichisohng. Hütsüde, Tsingrangba lümcho khüi atsa ko abinü künyangnungthsa ko adekheng liro, hütsü nührünü müdhenung.

ROMRÜ 2:13

Tunüo yuzeng yuchichonü Tsingrangba jingte amüsa kangrü mah, ta yuzeng bichirü langjünung.

EFESIARÜ 6:6

Arüh longlangsohnung arühnü ngude du mah; ta Khrista yurü khüdu kyo, Tsingrangba-nü khyünyücho roh-i lümlong atümungnü nguching.

KOLOSIRÜ 4:12

Nührü yola mono khüdu ko Jisu Khrista dikehrü Epafras-nü salüm müdhesohre. Tsingrangba lümcho la ayocho nyi nührü alümjing khristan khung kang drengdreng yachehnung nengdang abinü lede nührü shulüm Tsingrangba te khakhuchüjo dangkhidangnangjüre.

1 TESALONIKARÜ 4:3

Tsingrangba-nü nührü nahtrahnaxeng lanü za müsacheh lisohnyüre.

1 TESALONIKARÜ 5:18

suro atümung la anengse jüng. Jisu Khrista la nührü akang chahnü hiba hi Tsingrangba akhyünyücho lile.

TITAS 1:16

Arühnü Tsingrangba müdhelepü yore, ta arüh nguchinü hütsü münyengchore. Arüh athrünyinung ko ayocho mühnyi, tu atsa nguchinung müdekhing.

IBRIRÜ 13:21

Atbachi Tsingrang-nü apu lümcho nguchinungthsa nührü dhsütah atsa apüm nührü khyang jüng, ko abinü Jisu Khrista khu ihrü chah apu lümcho nguchisohng. Ko ahechi tsü Khrista te achangka mühli thsaang! Amen.

IBRIRÜ 4:6

Yuse Atsa akhu yuchirünü akyahshang hütsü mükhyücho, tunüo arühnü müyudsi. Aparülü hütsü khyüchonung mülacho.

JAKOB 1:22

Ta nührü abürü jangjang kihyochü ayuchirü du mükangpü anguchirü kang.

1 PETER 2:15

Tunüo Tsingrangba-nü nührü nguchi atsa tsünü amümüdherü amüsithsa choba tsü yah-a dusohnyüre.

1 PETER 4:2

Hütsüeko, ade tinü anyingcho akangli ayung shutsa müruchola mah, ta Tsingrangba lümcho la rahseh libae.

MISHACHO 2:27

Yuchoti michah idhse janü yangthsathsanung ko alihfüh roh-i zangzang kengnahnung Ihnü arüh khyang tase jünung.

MISHACHO 22:14

Sürünü akang singdong chahnü singsih tsuchehnung ko yangdila tbükhüm khu züduchehnung nengdang arüh jengki thsütohro arüh amüwanung.

MISHACHO 3:5

Sürünü kohro hi kyo athru khyünung ko akang vakha lanü Ihnü arüh neng münipehnung, I U ko abi riwürüti bete arüh I yoepü Ihnü misha nyengchonung.