MATHI 7:11 - AMÜSA BAIBEL (BSI)

¹¹ Nü roh-i amütsanü mii, tsuzarü khyang atsa jünung müdhekhang, ninglang liba nührü Aunü abi te chingrü khyang kohro atsa khüta alaa müjünung!

MATHI 7:11 Iomraidhean Croise

LIPOH 6:5

Abüdongba-nü limih la nyitsarü mütsacho ko bekhyah apüm la arüh amünyi lümlong ngude,

LIPOH 8:21

Kangmübü axümlichi tsünü Abüdongba künyangsohcho, achotsü Abinü alasih la yocho, “Nyitsarü thsacholanü adelü khodesü limih müchokehcholanung; abi azadenü amünyi lümlong tsü Ihnü müdhele. Ade roh-i kanglungrüsü khodesü Ihnü müchangsohnung.

2 SAMUEL 7:19

Ta ade Nühnü alaa mii nguchire, Amichahba Abüdongba; aronung shang nengdang mii I chahnü trahchonung Nühnü nyengchoko. Ko Nühnü hi nyüh khüdu khyang ngusohko, Amichahba Abüdongba.

JOB 15:16

Nyitsarünü amünyi tsü kih roh-i yongre; ho, nyitsarü yuje mücho; arüh amii mühle.

NENGSEKHI 84:11

Abüdongba tsü Ihsa tsungtirü amüi, ko adhichinü Ihsa müwajüba ahechi yangthsabong lile. Athsalang nguchirü te Abinü atsa tusü müdhsonglire.

NENGSEKHI 85:12

Abüdongba-nü Ihsa zehzangsohnung, ko Ihsa lihnü thangchi chürosohnung.

NENGSEKHI 86:15

Ta O Tsingrang, Nüh yanglilüm ko amüi Tsingrang, lede arangcho, lede amüi ko yuje.

NENGSEKHI 86:5

Nühnü ihrü te tsare ko mülang pehjüre, Nüte kihchirü atümung te müthrehba amüinü jeng lile.

ISAYA 49:15

Achotsü Abüdongba-nü lalingcho, “Atpa khüdunü atsurü nbüchüchehnung do? Ko abükyünü nümüsucho mümüinung do? Atpa khüdunü atsurü nbüchünye, Ihnü khodesü nührü münbüchünung.

ISAYA 63:7

Ihnü Abüdongba amüthrehba amüi nengdang yonung; Abi nguchi apüm nengdang Ihnü Abi sere. Abinü Israelrü khütang müwajücho, hütsü Abi yanglilüm ko Abi amüthrehba amüinü.

JEREMIA 17:9

“Nyitsarü lasiking sünü nyichehnung? Hütsü kyo akihyochüba apa mühle; hütsü kyangnung khura thsahle.

JEREMIA 33:14

Abüdongba-nü yocho, “Ihnü Israelrü ko Judarü te nyengchocho tikehnung becho chihko.

HOSEA 14:2

Abüdongba yang thalieng, ko akihchiba khi Abi te nührü amübü thsasohng: “Ihrü mülang apüm pehjüng ko ihrü kihchicho nyieng, ko ihrünü nyengchocho kyo ihrünü Nüh senung.

MIKA 7:18

O Abüdongba, Nüh kyo tu Tsingrang mühle; Nühnü nying lirü Nü müyurü mülang pehjüre. Ledelü Nü zichüro mülire, ta Nühnü ihrü te Nü müthrehba amüi ngusohre.

MALAKI 1:6

Akohba Abüdongba-nü bebürü te yore, “Atsurü khüdunü au jengreng drüre, ko kulirünü abüdongba jengreng drüre. Ih nührü au, tuepü I jengreng müdrüro? Ih nührü abüdongba lile, tuepü Ih müdrüro? Nührünü Ih mükhire, ta nührünü, ‘Ihrünü nüh khüta mükhicho’ pü yore.

MATHI 23:9

Ko hiba limih la sütesü nührünü ‘Uwa’ pü tüdsi, tunüo nührü Au khüdu du tsü ninglang lile.

MATHI 7:10

Mahkhang abinü nguh chingde mürü jürü do?

JOHAN 3:16

Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

ROMRÜ 3:19

Ade nyitsarü amütangba atümung yatinung ko limih apüm Tsingrangba yukhaba pohki noronung nengdang,

ROMRÜ 3:9

Khang Ihsa Jihudarü yangpirü tenü atsau mah-o? Khodesü mah! Jihudarü ko yangpirü anyüding amünyi zii pohki lilepü Ihnü ngusohko.

ROMRÜ 8:32

Tsingrangba sünü apu Tsurü mütphahlipü Ihsa atümung müli khakhuchüjücho, abinü Ihsa khyang lüpcho müjünung ang?

GALATIARÜ 3:22

Ta amüsa yunü yochonü liküprü amünyi zii pohki lile; ko sihmüngu khüi yudsi khu nyengcho liro, hütsü yudsirü khyang jüko.

JAKOB 1:17

Jiyü atsa ko apisa apüm ninglangnü lile; ninglang atsingseti thriba, sü mümülichiro mahkhang rehnye mümaro, hiba Tsingrang chahnü lile.

1 JOHAN 3:1

Dhing Aunü Ihsa khütoh-i müicho! Abi amüi dirachonü Ihsa te Tsingrangba tsurü pü dsire, hütsü roh-i yuje, Ihsa abi tsurüti lile. Hütsünü limihnü Ihsa mümüdhere: tunüo limihnü abi mümüdhe.

1 JOHAN 4:10

Amüi tsü hi: Ihsanü Tsingrangba müicho mah, ta abinü Ihsa müichonü atsudhre Ihsa münyi pehjünung nengdang müthehcho.