MATHI 6:9 - AMÜSA BAIBEL (BSI)

⁹ Hütsüeko, nührünü hiroh-i dangkhidangnang. “‘Ninglang liba Uwa: Nü neng Amüsa hechisohng;

MATHI 6:9 Iomraidhean Croise

2 SAMUEL 7:26

Nü nengse arangcheh thsanung ko Nü müyurünü lede, ‘Israel michah Akohba Abüdongba tsü Tsingrangepü chonung.’ Ko lede Nühnü I yangthsa thsaba yohpüjünung.

1 YANGTHSARÜTI 8:43

arüh te nyijüng. Ninglang Nü kuh lanü, Nü müyurü Israelrünü kyo liküprünü Nüh mübünung nengdang arühnü kihchicho nguchijüng. Hütsüde, Nüh mübünung müdüm tsü Ihnü thsaba Amübükuh hiepü arühnü müdhenung.

1 ROHTHÜP 17:24

Nüh anengkhong thsanung, ko müyurünü lede yonung, ‘Akohba Abüdongba tsü Israel michah Tsingrang lile.’ Ko Nühnü akang ayung I yanglih riki yohpüjünung.

2 ROHTHÜP 20:6

Yangthsaba Jehoshafat-nü wü arüh bete yapü züde dangkhidangnangcho, “O Abüdongba, ihrü jümürü Tsingrang, limih la yucho apüm michah Nühnü ninglangnü yangthsathsare. Nüh suh azeh ko akohba lile ko sünüsü Nüh münyümcheh.

NEHEMIA 9:5

Levirü hirinü mübünung dsiyohcho: Jeshua, Kadmiel, Bani. Hashabneia, Sherebia, Hodia, Shebania ko Petahia. Arühnü yocho: “Shemüsung ko Abüdongba nührü Tsingrang seing; Müchangkapü Abi seing! Atümungnü Abi ahechi neng seing, nyitsarünü seba tsü adekheng müthsanye.”

NENGSEKHI 111:9

Abinü anyitsarüti lehchehcho ko arüh te müchangkaba azengchotaba khüdu külüpcho. Amüsa ko Akohba tsü Abi!

NENGSEKHI 115:3

Ihrü Tsingrang ninglang lile; Abinü tu nguchinyüro hütsü nguchire.

NENGSEKHI 72:18

Israel Tsingrang Abüdongba seing! Abi dunü hiri anyemüyangnungti nguchire.

ISAYA 37:20

Ade, Abüdongba ihrü Tsingrang, lihküp la yuchotinü Nüh du Tsingrangepü müdhenungthsa, Assyriarü khehlanü ihrü khümchoung.”

ISAYA 57:15

“Ih müchangkapü liba amichahba ko Amüsa Tsingrang. Ih amilang ko Amüsa müdümla lire, ta arüh longlangba ko arüh alongdi lisohnung, longlüm ko lasih thsamülaba müyurü yolasü Ih lire.

ISAYA 6:3

Arüh khüdunü khüdu te hita dsita yocho: “Amüsa, Amüsa, Amüsa! Akohbong Abüdongba tsü Amüsa! Abi ahechinü limih jeng lile.”

ISAYA 63:16

Nüh ihrü au. Ihrü jümürü Abraham ko Jakob-rünü ihrü müdhingcheh, ta Nüh Abüdongba, ihrü au, Nühnü lede ihrü khümchore.

ISAYA 64:8

Ta Abüdongba, Nüh ihrü au. Ihrü lishe ko Nüh füh tangrü.

ISAYA 66:1

Abüdongba-nü yore, “Ning I pümji ko alih I jing jükehji. Khang, I khyang kuh khütari thsajünung, Ih khütarila lisohnung?

EZEKIEL 36:23

Khode Ihnü I neng Amüsa arangcheh nührünü ashah hirojüba neng yuchoti yola müdhesohnang, hütsüde arühnü Ih Abüdongba müdhenung. Ih Amichahba Abüdongba-nü choko. Ih Amüsaepü yuchoti te ngusohnung nüh bichinung.

EZEKIEL 38:23

Hütsüta Ihnü yuchoti te Ih mülahcho ko Müsacho ngusohnung. Hütsüde arühnü Ih, Abüdongbaepü müdhenung.”

LEVIRÜ 10:3

Hütsüde Mosa-nü Aron te yocho, hi nengdang Abüdongba-nü hita yo licho, “I dikehrü atümungnü Ih Amüsaba drübae; Ihnü müyurü te I ahechi mishanung.” Ta Aron-nü sah müthsacho.

HABAKUK 2:14

Ta kihjü kihdi jengmülümcho roh-i Abüdongba ahechi lümlongnü alimih jeng linung.

ZEKARIA 14:9

Hütsüde limih apüm michah Abüdongba tsü yangthsanung. Nyitsarü müipi Tsingrangba apu nengla Abi mübünung.

MALAKI 1:11

Nyüchüro langnü nyüzüdu chii I neng dhichire. Apümlang müchiji tah adekheng kangmübü I khyang jüre. Arüh atümungnü Ih dhichire!

MATHI 10:29

Nühnü paisa khüdunü tpütbhü uza anyüh lihchehle, ta nührü Aunü mümüdhepü tpütbhü uza khüdusü alih la mülongchore.

MATHI 23:9

Ko hiba limih la sütesü nührünü ‘Uwa’ pü tüdsi, tunüo nührü Au khüdu du tsü ninglang lile.

MATHI 26:29

Ihnü Tsingrangba Yanglih la cikih asi nührü yola yongnung nyümong tsü müchidelü Ihnü khodesü hiba cikih hi thali müyongnung.”

MATHI 26:42

Anyüpili Jisu-nü wü dangkhidangnangcho, “Uwa, hiba chongcha shing hi Ihnü müyongde mükhyümüichehnung thsakhang, hi nü lümcho thsaang.”

MATHI 5:16

Hütsüroh-i nührü atsingse tsü nyitsarü atümung bete visasohng, hütsüta arühnü nührü nguchi atsa ngu ninglang liba nührü Au hechinung.

MATHI 5:48

Nührü Au ninglang liba dekhingcho roh-i nührüsü dekhing lieng!

MATHI 6:14

“Nührü te amütsa nguchirü khyang nührünü mülang pehjükhang, ninglang liba Au nüsü nührü khyang mülang pehjünung.

MATHI 6:6

Ta khode nührünü dangkhidangnangnang, kuh yonglang züdung ko kuh khangtipü nahnü münguba nührü Au te dangkhidangnang. Ko nührü Au sünü nührünü rang nguchicho nguro, abinü nührü khyang jiyünung.

MATHI 7:11

Nü roh-i amütsanü mii, tsuzarü khyang atsa jünung müdhekhang, ninglang liba nührü Aunü abi te chingrü khyang kohro atsa khüta alaa müjünung!

YUSE ATSA LUK 15:18

Ihnü shemüsu Iu yanglang wünung ko abi te yonung, Uwa, Ihnü Tsingrangba ko nüh nyüm amünyi shitpahko.

YUSE ATSA LUK 15:21

Hütsüde atsudhre tsünü yocho, ‘Uwa, Ihnü Tsingrangba ko nüh nyüm amünyi shitpahko. Ih adelü nü tsurü dsinung müdekhengpehko.’

YUSE ATSA LUK 2:14

“Amichahba ninglang lih la Tsingrangba khyang ahechi thsaang, ko limih chah sürü te abinü longsüro arüh te atbachi thsaang!”

JOHAN 20:17

Jisu-nü abükyü te yocho, “I chah tüthahpü, tunüo Ih Au yanglang mütuwüe. Ta I jünirüti yanglang wüng ko arüh te I U ko arüh Au, I Tsingrang ko arüh Tsingrang yanglang thali würe pü young.”

ROMRÜ 1:7

Hütsüta Tsingrangba-nü müiba ko apu nyitsarü thsanung Rom la lirü nührü atümung yang Ihnü thrahre. Ihsa Au Tsingrangba ko Abüdongba Jisu Khrista chahnü nührü yanglang achomang ko atbachi thsaang.

ROMRÜ 8:15

Tunüo Tsingrangba-nü jüba Anbünü nührü ayurü mükangsoh ko müdrüsohre; ta anbü tsünü nührü Tsingrangba tsurüti kangsohre ko Anbü zii tsünü Ihsanü Tsingrangba te, “Abba! Uwa, pü dsire.”

GALATIARÜ 1:1

Nyitsarü chahnü mah, mahkhang nyitsarü khunü mah, ta asücho lanü kanglisohba Jisu Khrista ko Au Tsingrang khu dsiba riwürü Paul chahnü.

GALATIARÜ 4:6

Nührü abi tsurü thsachonü, Tsingrangba-nü apu tsurü anbü Ihsa lasiking la zürosohcho, ko hiba anbünü, “Uwa, Uwa” pü züdere.

1 TIMOTI 6:16

Amüsüba tsü abi du; sünüsü müchichehba atsingsela abi lire. Sünüsü abi müngudhing; ko sünüsü abi müngucheh. Adhichi ko müchangkaba yanglih abi yo thsaang! Amen.

1 PETER 1:17

Nührünü Tsingrangba te dangkhidangnangde, Uwa pü dsire, abinü tsah müdhingpü nyitsarü müipi palu nguchi aichi jingkih khüdula yukhare; hütsütakhang, limih la akangli ayung abi jengreng drü lieng.

MISHACHO 4:11

“Ihrü Abüdongba ko Tsingrang! Ahechi, adhichi ko zii ngunung nüh adekheng. Tunüo nühnü lüpcho thricho, ko nühnü lümchonü arüh khyang akang jücho ko lisohre.”

MISHACHO 5:12

yuva arangchehnü khi thsacho: “Amüpsehba San zanü azi, kuthsi, lümlong ko re adhichi, ahechi ko anengse ngunung adekheng!”