MATHI 6:5 - AMÜSA BAIBEL (BSI)

⁵ “Khode nührünü dangkhidangnangnang, akhürahrü roh-i tüthsa! Arühnü nyitsarünü ngunung nengdang Sinagog amübükuh la ko langtpah la yapü dangkhidangnangnyüre. Ihnü yore, arüh khyang ajeng jopehko.

MATHI 6:5 Iomraidhean Croise

NENGSEKHI 5:2

Arüku nengdang Ihnü züdecho nyieng, I Tsingrang ko I yangthsabong. Ihnü Nüte kihchire, O Abüdongba!

NENGSEKHI 55:17

Anyangnyü, nyüthung ko aromang I longmüsü ko rühchiba Abi yang küdure, ko Abinü I yuva yuchire.

CHOYOH 15:8

Nyitsarü atsanü dangkhidangnangde Abüdongba künyangre, ta amütsarünü amübü hiroba tsü Abinü thrünyire.

CHOYOH 16:5

Hongzirü atümung Abüdongba-nü thrünyire; ko Abinü arüh mükhingchipü mülinung.

ISAYA 1:15

“Nührü kheh dhimüsu dangkhidangnangde, Ihnü nührü chah müdhingkehnung. Nührünü khütoi dangkhidangnangnye, Ihnü münyinung, tunüo nührü kheh ashühnü jeng lile.

JEREMIA 29:12

Hütsüde nührünü Ite dsinung. Nührünü ro Ite kihchinung ko Ihnü nührü te lalingnung.

DANIEL 6:10

Khode yuzeng la tsü nengchümko pü Daniel-nü yuchicho, abinü kulang wücho. Abi kuh amunglang chongsah khüdula, Jerusalem lang pipü nyübongkhi khürü licho. Hütsüla, abi yah roh-i, khangthru liba nyübongkhi te tsü abinü nyümongla asangpi mükhukeh Tsingrangba te dangkhidangnangcho.

MATHI 21:22

Nührünü yudsikhang, tuturü dangkhidangnang tsingdhingnang nührünü ngunung.”

MATHI 23:13

“Nührü ahohah, yuzeng adorü ko Farisirüti! Nührü akhürahrüti! Nührünü aparü khyang ninglang Yanglih wünung trahtri tohtijüre, ko nührübürüsü müzüdu, ko azüdunyürüsü müzüdusohre!

MATHI 23:5

Arüh nguchi atümung nyitsarünü ngusohnung du nguchire. Arüh kikhang la ko bipüm la Amüsa yuyungti shengsheng thrahkeh biba tsü dhing, ko arüh tsü khütoh-inang dhing! Ko arüh shü la khütoh-i mükingkehchonang dhing.

MATHI 23:6

Arühnü thsütithsünangla ko Sinagog la pümji atsauba du khyünyüre.

MATHI 6:1

“Nyitsarü khyang ngusohnung nengdang nührü amüi nguchi amülung bete nguchi tüngu. Hiri tsü nührünü misha nguchikhang, nührü Au ninglang liba chahnü jiyü tusü müngunung.

MATHI 6:16

“Ko khode nührünü kongnang, akhürahrü roh-isü romih tümükhüm. Arüh kongcho nyitsarü khyang ngusohnung nengdang arühnü arüh romih mükhümre. Ihnü yore, arüh khyang ajeng jopehko.

MATHI 6:2

“Hütsüeko khode nührünü chongcharü khyang lango jünang, akhürahrütinü amübükuh la ko yanglongla ngusohnung nengdang nguchicho roh-i tünguchi. Arühnü hütsü nyitsarünü arüh sesohnung nengdang nguchire. Ihnü yore, arüh khyang ajeng jopehko.

MATHI 9:38

Hütsüeko luh abüdongba te maxanung nyükheh müthehng pü kihchieng.”

MARK 11:25

Ko khode nühnü yamüsupü dangkhidangnangnang, khürü nyüm lango likhang mülang pehjüng, hütsüpü du ninglang liba nüu nüsü nü thsamehcho mülangpehjünung.”

MARK 12:38

Abinü arüh te thsingyude, abinü yocho, “Yuzeng adorüti sürü arüh jengki asheng khyüpü yanglongla rachinyüro ko salüm khyünyüro,

YUSE ATSA LUK 11:43

“Nührü Farisirüti ahohah! Nührünü Sinagog la pümji atsauba du khyünyüre ko yanglongla salüm jüsohnyüre.

YUSE ATSA LUK 18:1

Hütsüpü Jisu-nü amonoti te lede sumüzahpü dangkhidangnangnung nengdang yukita khüdu yocho.

YUSE ATSA LUK 18:13

“Ta alihmüthsü dhribong tsü ashula yapü aromih mii ninglang mütsungmüsupü adrengla hamchi yocho, ‘Tsingrangba, Ih amünyiba nyitsarü te müing!’

YUSE ATSA LUK 20:47

sürünü chomilarü kuh la kengcho khyünyüro, ko atangnung anyahli dangkhidangnangro, arüh nengdang müzahmükieng! Arüh akhingchi atümung tenü amütsau linung!”

YUSE ATSA LUK 6:24

“Ta ade nührü alirü khüta adrünung; tunüo akünyang akang tsü lipehko.

JOHAN 16:24

Ade yingcheh I nengla nührünü tusü müching; nührü akünyang ajeng kangnung nengdang ching ko nührünü ngunung.

EFESIARÜ 6:18

Hiri apüm tsü Tsingrangba atroba nengdang dangkhidangnang nguching. Anbünü nücho la lede dangkhidangnang. Hi nengdang lümkang ko khodesü tükhuchü; Tsingrangba nyitsarü atümung nengdang lede dangkhidangnangjüng.

1 TESALONIKARÜ 5:17

mütozah dangkhidangnang,

JAKOB 4:6

Ta Tsingrangba-nü jüba achomang tsü alaa adiu. Amüsa yunü hita yore: “Tsingrangba-nü amüthsehrü yatire, ta alonglümrü khyang achomang jüre.”