MATHI 6:2 - AMÜSA BAIBEL (BSI)

² “Hütsüeko khode nührünü chongcharü khyang lango jünang, akhürahrütinü amübükuh la ko yanglongla ngusohnung nengdang nguchicho roh-i tünguchi. Arühnü hütsü nyitsarünü arüh sesohnung nengdang nguchire. Ihnü yore, arüh khyang ajeng jopehko.

MATHI 6:2 Iomraidhean Croise

NENGSEKHI 112:9

Abinü dhsangthsirü khyang jünyüseh jüre, ko abi amüi khodesü müzahre; abi tase ko jengreng linung.

NENGSEKHI 37:21

Amütsarünü nyare ko müsahre, ta amüsarünü amüinü jüre.

CHOYOH 19:17

Ailümrü khyang jüba tsü Abüdongba khyang nyajüre; ko Abüdongba-nü nü khyang thali jünung.

CHOYOH 20:6

Atümungnü abi tsacho chore, ta yujeba atsa tsü sünang yangchidhing.

THSINGYURÜ 11:2

Müdüm adrongla nü thsi zahkehng, tunüo hiba lih la nü suro khütari tikehnungnang nühnü mümüdhe.

ISAYA 10:6

Tsingrangba mümüdheba yuchoti ko I zichürosohrüti khingchinung Ihnü Assyriarü müthehcho. Kohro zang khyünung ko müyurü tsü yanglongla sehnyeh kyo dhrümchinung nengdang Ihnü arüh müthehcho.”

ISAYA 58:7

Yangseh lirü te nührü tsuyongnung changtaang ko ailümrü kushirü mülirü khyang nührü kuh müsha yohpüjüng. Amüpinung mülirü khyang nührü shü jüng, ko nührübürü jünirü trotanung tüxükeh.

ISAYA 9:17

Hütsünü Abüdongba-nü dhrezarü süsü mütsiphusohnung, ko Abinü mürürü ko chomilarüsü süsü mümüinung, tunüo nyitsarü apüm Tsingrangba mümüdherü ko amütsarüti du ko arühnü choba lüpcho tsü amünyi. Hütsütanye, Abüdongba rihlong münyehlinung, ta khingchinung Abi kheh dhimüsu du linung.

HOSEA 8:1

Abüdongba-nü yore “Rühti tsü mehng! Arorühti I lih la müdi kyo thsücho jürole! I müyurütinü azengtacho thsangnyangko ko Ihnü docho nyümko.

MATHI 15:7

Nührü akhürahrüti! Isaya-nü nührü nengdang choyohba tsü khütoh-i yujeo!

MATHI 16:3

Ko anyangnyü mütoh nührünü yorü, ‘Tsing ronunge, tunüo ning mohle ko marürahle.’ Ningchah dhingnü nührünü tsingnyü yochehre, ta hiri bekhyah nengdanglü nührünü müyochehre!

MATHI 22:18

Ta Jisu-nü arüh arah amütsa tsü müdhecho, hütsünü abinü yocho, “Nührü akhürahrüti! Tuepü nührü Ih xohsohnung müküpro?

MATHI 23:5

Arüh nguchi atümung nyitsarünü ngusohnung du nguchire. Arüh kikhang la ko bipüm la Amüsa yuyungti shengsheng thrahkeh biba tsü dhing, ko arüh tsü khütoh-inang dhing! Ko arüh shü la khütoh-i mükingkehchonang dhing.

MATHI 23:6

Arühnü thsütithsünangla ko Sinagog la pümji atsauba du khyünyüre.

MATHI 24:51

Abüdongba tsünü abi tphahchehchüpehnung ko akhürahrüti yola zehsohnung. Hütsüla abi tranung ko ha mütrehkehtanung.

MATHI 5:18

Ning ko alih müchangde ashingkehcho azauba mahkhang yuzeng yola azauba khüdu dusü mütikehpü mükhutsinung.

MATHI 6:16

“Ko khode nührünü kongnang, akhürahrü roh-isü romih tümükhüm. Arüh kongcho nyitsarü khyang ngusohnung nengdang arühnü arüh romih mükhümre. Ihnü yore, arüh khyang ajeng jopehko.

MATHI 6:3

Ta khode nührünü chongcharü tronang, nü shangrükhungnüsü hütsü mümüdhenungthsa nguching.

MATHI 6:5

“Khode nührünü dangkhidangnangnang, akhürahrü roh-i tüthsa! Arühnü nyitsarünü ngunung nengdang Sinagog amübükuh la ko langtpah la yapü dangkhidangnangnyüre. Ihnü yore, arüh khyang ajeng jopehko.

MATHI 7:5

Khürahbong! Akhu nüpu nah lanü singnah tsü pehng, hütsüpü du nü jünirü nah la anyah tsü pehjünung tsidsa ngunung.

MARK 12:39

sürünü Jihudarü amübükuh la ko thsütila pümji atsauba mükuro arüh nengdang müzahmükieng.

MARK 7:6

Jisu-nü arüh te lalingcho, “Isaya-nü nührü nengdang choyohba tsü khüta athsalango! Nührü akhürahrüti, abinü thrahcho roh-isü: “Tsingrangba-nü yore, hiri nyitsarünü abe dunü I jengreng drüre; ta arüh lasihlü I tenü ashu za lile.

YUSE ATSA LUK 11:41

Ta nü shingtbhürü la tu liro, hütsü ailümrü khyang jüng, ko lüpcho nü nengdang müsa kangnung.

YUSE ATSA LUK 11:43

“Nührü Farisirüti ahohah! Nührünü Sinagog la pümji atsauba du khyünyüre ko yanglongla salüm jüsohnyüre.

YUSE ATSA LUK 12:33

Nührü licho atümung ieng ko kuthsi tsü ailümrü khyang jüng. Nührü kuthsi ninglang yanglih la müthrehba thsibong la, khüde arüh khodesü müsümnung, aführünü müfühchehnung ko azahnü mürühnahnung hütsüla zahkehng.

YUSE ATSA LUK 12:56

Akhürahrüti! Nührünü alih ko ningchah dhing tsingnyü müchehre; akhang, tuepü nührünü ade bekhyah adüzü mümüdhero?

YUSE ATSA LUK 13:15

Abüdongba-nü abi te lalingcho, “Nührü akhürahrüti! Nührünü Sabath nyümong nührü misü mahkhang gadu akuh lanü lehcheh nowü kih mütirü do?

YUSE ATSA LUK 20:46

“Yuzeng dorüti, sürünü shü asheng müpipü tungchinyüro ko yanglongla jengrengjo salüm jüsohnyüro; ko sürünü Sinagog ko thsütila pümji atsauba khyünyüro;

YUSE ATSA LUK 6:24

“Ta ade nührü alirü khüta adrünung; tunüo akünyang akang tsü lipehko.

YUSE ATSA LUK 6:42

Nüpu nah la singnahlü müngupü nühnü khüta nü jünirüte, ‘Ihnü nü nahtse la anyah tsü pehjünung o’ pü yochehnung? Nührü akhürahrüti! Nüpu nah lanü singnah tsü akhu pehng, hütsüpü du nü jünirü nah la anyah tsü pehjünung nühnü tsidsa ngunung.

JOHAN 13:29

Judas tsü thsibong yohpürü thsachonü, Jisu-nü abi te thsüti nengdang arüh dhsütah wü lihnung mahkhang ailümrü khyang lango jünung yorepü mono yola khürünü lümcho.

JOHAN 5:41

“Ihnü nyitsarü nengse müyangchire.

JOHAN 5:44

Nührünü khüdunü khüdu chahnü nengse khyünyüre, ta Tsingrangba, sü khüdu du liro; abi chahnü nengse ngunung mümüküpre; hütsükhang, khüta nührünü I chah yudsinung?

JOHAN 7:18

Sünü apu lümyunü chorünang abinü palu nengse yangchire. Ta sünü abi riwüsohbong nengse yangchiro abi tsü yuje ko abi chah tu mülang mühle.

RIWÜRÜTI NGUCHI 10:2

Abi khakhuchüjüba nyitsarü khüdu; akukhi shünü Tsingrangba jengreng drü licho. Adesü abinü ailümrü dee trocho, ko Tsingrangba te lede dangkhidangnang licho.

RIWÜRÜTI NGUCHI 10:31

Ko abinü Ite yocho: ‘Kornelius! Tsingrangba-nü nü dangkhidangnang yuchiko ko nü amüi nguchi müdheko.

RIWÜRÜTI NGUCHI 10:4

Abinü riwürü chah tsü drüseh dhingkeh yocho, “Hi tuo, Abüdongba?” Riwürü tsünü lalingcho, “Nü dangkhidangnang ko nü amüi nguchinü Tsingrangba longsüre, ko nüte lalingnung rungnüm lile.

RIWÜRÜTI NGUCHI 11:29

Monotinü nyitsarü müipi palu kohchonü, Judea la lirü ajünirüti yanglang arüku müthehnung dhrongchehcho.

RIWÜRÜTI NGUCHI 24:17

“Kang adrong Jerusalem lanü za lipü, I nyitsarü khyang thsi aza hijüpü amübü jünung hütsülang wücho.

RIWÜRÜTI NGUCHI 9:36

Joppa la yudsilarü khüdu anengnü Tabitha licho. (Greek yula abükyü neng Dorkas, adüzü “Shümüshü.”) Abükyünü akang ayung nguchi atsa nguchi ko ailümrü tro licho.

ROMRÜ 12:8

thsüchinung jiyü thsakhang, Ihsanü hütsüta nguching. Sünü jüro abinü lümkhungnü jüng; sünü thsaro abinü rahtah thsaang; sünü yanglilüm nguro abinü künyangsehnü ngung.

1 KORINTRÜ 13:3

Ihnü I licho apüm jünye, ko Ipu fü mii tahpehnungthsa khakhuchüjünye, ta amüi mülikhang, Ih tu müjingcho.

GALATIARÜ 2:10

Arühnü khyünyüba tsü Ihnü nguchinyü yoba arüh mülung la achongcharü trosohnyücho.

EFESIARÜ 4:28

Palu akang yuje la lichehnung nengdang, ko ailümrü trochehnungthsa, sünü folicho abinü adelü tüfü ko nguchimüsung.

1 TESALONIKARÜ 2:6

Khrista riwürüti tsü nührü te chingnung alang linye,

1 TIMOTI 6:18

Atsa nguchinung, nguchi atsa la alirü thsanung, amüi nguchinung, ko aparü te changtanung rungnüm linung arüh te young.

FILEMON 1:7

Amüi jünirü, nü amüinü I khyang akünyang amülah jo ko khütang thsüchiko! Nühnü Tsingrangba nyitsarü atümung künyangsohko.

IBRIRÜ 13:16

Atsa nguchinung ko trotanung tünbüchü, tunüo hiri amübü tsünü Tsingrangba künyangsohre.

1 PETER 4:11

Jisu Khrista sü chah ahechi ko zii lede lidu liro, abi khu Tsingrangba khyang lüpcho la nengse jünungthsa, sünü thsingyuro abinü Tsingrangba yusi thsingyung; sünü dikehro abinü Tsingrangba-nü jücho re tsünü dikehng. Ahechi ko yanglih müchangkapü abi yo thsaang Amen.

1 SAMUEL 15:30

Saul-nü lalingcho, “Ihnü amünyi shitpahko. Ta langnürüti ko Israelrü betelü Ih ashah tükhyüsoh. Ihnü nü Tsingrang Abüdongba mübünung I yola thalieng.”