MATHI 6:1 - AMÜSA BAIBEL (BSI)

¹ “Nyitsarü khyang ngusohnung nengdang nührü amüi nguchi amülung bete nguchi tüngu. Hiri tsü nührünü misha nguchikhang, nührü Au ninglang liba chahnü jiyü tusü müngunung.

MATHI 6:1 Iomraidhean Croise

2 YANGTHSARÜTI 10:16

I yola rung ko I Abüdongba te khüta kehta liro hütsü dhing!” Hütsüta anyünü Samaria lang müjang wücho.

2 YANGTHSARÜTI 10:31

Ta Jehu-nü, Israel Tsingrang, Abüdongba yuzeng alasih apümnü mübichipü, Israel münyi shitpahsohba Jeroboam kyo, abinü nguchicho.

NENGSEKHI 112:9

Abinü dhsangthsirü khyang jünyüseh jüre, ko abi amüi khodesü müzahre; abi tase ko jengreng linung.

EZEKIEL 33:31

Hütsünü nüyu nyinung I müyurü tsübülungre, ta nühnü arüh te yocholü arühnü münguchire. Arüh beküp la amüi yu chore, ta mütozah arühnü müxümüngure.

DANIEL 4:27

Hütsüeko adibong, Ihnü yocho nyieng. Amünyi nguchiba zahng, yuje tsü nguching, ko ailümrü te yanglilüm ngung. Hütsükhang, nüh mütozah müwa linung.”

ZEKARIA 13:4

Hütsü bekhyah chii rode, azikehrü sünüsü abi müngucheh nengdang mümüthsehnung, mahkhang nyitsarü kihyochünungthsa azikehrü jengki mükhyünung.

ZEKARIA 7:5

Abinü yocho, “Arühnü kang nyühre choo amüngau ko dhünyeh-ula kongnü me traba tsü I jengrengjo nguchicho mah pü alih la müyurü ko bebürü te young.

MATHI 16:27

Tunüo Nyitsarü Tsurü Au ahechi la abi riwürüti te ronung thsale, hütsütade abinü nyitsarü müipi khyang palu nguchi aichi jiyünung.

MATHI 16:6

Jisu-nü arüh te yocho, “Farisirü ko Sadukirü bhüpza nengdang müzahng.”

MATHI 23:13

“Nührü ahohah, yuzeng adorü ko Farisirüti! Nührü akhürahrüti! Nührünü aparü khyang ninglang Yanglih wünung trahtri tohtijüre, ko nührübürüsü müzüdu, ko azüdunyürüsü müzüdusohre!

MATHI 23:5

Arüh nguchi atümung nyitsarünü ngusohnung du nguchire. Arüh kikhang la ko bipüm la Amüsa yuyungti shengsheng thrahkeh biba tsü dhing, ko arüh tsü khütoh-inang dhing! Ko arüh shü la khütoh-i mükingkehchonang dhing.

MATHI 25:40

Yangthsabanü lalingnung, ‘Ihnü nührü te yore, khodederü nührünü I jünirü azauba khüdu te nguchicho, hütsü I khyang nguchiko!’

MATHI 5:16

Hütsüroh-i nührü atsingse tsü nyitsarü atümung bete visasohng, hütsüta arühnü nührü nguchi atsa ngu ninglang liba nührü Au hechinung.

MATHI 5:46

Nührü müirü te du nührünü müikhang, tuepü Tsingrangba-nü nührü jiyünung? Alih müthsü dhrirü nüsü hütsülü nguchire!

MATHI 5:48

Nührü Au ninglang liba dekhingcho roh-i nührüsü dekhing lieng!

MATHI 6:16

“Ko khode nührünü kongnang, akhürahrü roh-isü romih tümükhüm. Arüh kongcho nyitsarü khyang ngusohnung nengdang arühnü arüh romih mükhümre. Ihnü yore, arüh khyang ajeng jopehko.

MATHI 6:9

Hütsüeko, nührünü hiroh-i dangkhidangnang. “‘Ninglang liba Uwa: Nü neng Amüsa hechisohng;

MARK 8:15

Jisu-nü arüh müzahsohnü yocho, “Nyieng, Nührünü Farisirü ko Herod-rü bhüpza nengdang müzahmükieng.”

YUSE ATSA LUK 11:35

Hütsüeko müzahng, nü chah atsingse tsü tümarürahsoh.

YUSE ATSA LUK 12:1

Nyitsarü hajar adrong khüdunü khüdu dhrümchi tsübülungde, Jisu-nü akhu amonoti te yocho, “Farisirüti akhürah bhüpza shulüm müzahng.

YUSE ATSA LUK 12:15

Ko abinü arüh atümung te yocho, “Müruthsa apüm lanü kukeng müzah lieng, tunüo nyitsarü khüdu akang tsü kuthsi khütango lichonü akang mülire.”

YUSE ATSA LUK 16:15

Jisu-nü arüh te yocho, Nyitsarü bete abürü jangjang amüsa kang ngusohba tsü nührüe, ta Tsingrangba-nü nührü lasih müdhele. Tunüo nyitsarü yola amii amülah liba kohro tsü Tsingrangba jingte amii mühle.

JOHAN 12:43

Tunüo arühnü Tsingrangba nengse tenülü nyitsarü nengse du alaa müicho.

JOHAN 5:44

Nührünü khüdunü khüdu chahnü nengse khyünyüre, ta Tsingrangba, sü khüdu du liro; abi chahnü nengse ngunung mümüküpre; hütsükhang, khüta nührünü I chah yudsinung?

RIWÜRÜTI NGUCHI 3:12

Peter-nü hütsü ngude, abinü arüh te yocho, “Israelrü, tuepü nührünü hi nengdang nyemüyangro, ko nührü tuepü ihrü chah dhingro? Hi ihrü palu zii mahkhang müsachonü abi tsehsohchoeko nührünü lümrü mah-o?

GALATIARÜ 6:12

Nyitsarü sürünü nührü müjüp-pehsohnyüro, arüh tsü shutsa la müthsehmülarüti lile. Arühnü hütsü Khrista khala shulüm müdhsümthsesohnung jingjing du nguchire.

AZIKA YU 24:13

Abi müpipü yüpsohnung romang mükhu abi khyang jüng. Hütsüde abinü künyangnung ko Abüdongba nührü Tsingrang-nü nüte künyangnung.

IBRIRÜ 11:26

Ijip kuthsi apüm tenü Mesia nengdang chongchanung tsü awübaepü abinü khichicho, tunüo aronung jiyü chah du dhingcho.

IBRIRÜ 2:1

Hütsünü Ihsanü yuchiba yuje tsü müfotsinungthsa, Ihsanü alaa drengdreng marehbae.

IBRIRÜ 6:10

Tsingrangba yuje müchorü mah. Nührünü nührü jünirü khristanti te nguchi atsa nguchicho, mahkhang abi khyanglangnü amüi ngusohcho ade yingcheh jüyaba nengdang abinü münbüchünung.

2 JOHAN 1:8

Nührü nengdang ihrünü tu nguchicho hütsü müchangnung, ta nührü ajingcho ngunung nengdang, nührünü müzahmükieng.