MATHI 5:6 - AMÜSA BAIBEL (BSI)

⁶ Sürü Amüsaba nengdang yangxoro arüh amüwanung; tunüo arüh longxosohnung!

MATHI 5:6 Iomraidhean Croise

NENGSEKHI 107:9

Axorü Abinü xodhrümjüre ko yangsehrü atsanü jengjüre.

NENGSEKHI 145:19

Sürünü Abi dhichiro arüh dhsütah Abinü chixire; Abinü arüh züdecho yuchire ko arüh khümchore.

NENGSEKHI 17:15

Ta Ihnülü Nüh ngunung, tunüo Ihnü amüthsalang tu münguchi; ko Ih jesude, Nü licho akünyangnü Ih jengnung.

NENGSEKHI 63:5

I nbü künyangnung ko longnyüpnung, ko Ihnü akünyang khi thsanü Nüh senung.

NENGSEKHI 65:4

Nü Amüsa kuh la linung sürü norocho ko throchehcho arüh akünyangnung. Nü kuh la liba atsa ko Nü Amüsa Amübükuh amüwanung tsünü ihrü longkyangnung.

NENGSEKHI 84:2

Ih hütsüla khütang linyüre! Abüdongba amübükuh la linung mükhyahre. Akang liba Tsingrang te akünyangnü I kang apümnü khi thsare.

CHOYOH 10:24

Amüsarünü arüh khyünyücho ngure, ta amütsarünü arühnü khüsha drüba mütohre.

CHOYOH 21:21

Sünü Amüsaba ko amüi yangchiro, abinü akang ko adhichi ngure.

SOLOMON KHI 5:1

I tbü la Ih züroko, I müitpü, I nitpü. Ih axümlichi ko müchiji khyübülungre; Ih thsakukih müthsüpre; Ih yongkha ko nyikih yongre. Amüinü mümüchade, I müibong, tsung, yong!

ISAYA 25:6

Zion zong hila Abüdongba-nü lihküp la yuchoti apüm nengdang tsuyongnung ko yongkha atsaubanü thsüti khüdu küdangnung.

ISAYA 41:17

“Khode I müyurünü kih dhsütah yangchinang, axochonü arüh linga kungde, Ih, Abüdongba-nü arüh kihchicho lalingnung. Ih, Israel Tsingrang-nü arüh khodesü müpehjünung.

ISAYA 44:3

“Xoseh liba lih khyang Ihnü kih jünung ko akung lanü yongkhi pohsohnung. Ihnü nührü tsuzarü michah I nbü mükhakehjünung ko nü trah chah amüwa mükhakehjünung.

ISAYA 65:13

Hütsünü Ihnü nührü te yore, sünü Ih mübünang ko I yochonyinang tsuyongnung thangchi ngunung, ta nührülü kongnung ko xosehnung. Arüh künyangnung ta nührü wahnung.

ISAYA 66:11

Nührünü abükyü amüwa changtanung, atpa nyikih chah akhunga khüdu kyo.

JEREMIA 31:25

Ihnü kyahseh lirüti longtbasohnung ko ayang-axorü longxosohnung.

YUSE ATSA LUK 1:53

Abinü yangkongrü atsanü jengjücho, ko alirü khehshü tsisohcho.

YUSE ATSA LUK 6:21

Nührü ade yangrü akünyangnung; tunüo nührü kükyüsohnung! Nührü ade trarü akünyangnung; tunüo nührü münyünung!

YUSE ATSA LUK 6:25

Ade kükyo lirü khüta adrünung; tunüo nührü yangkongnung! Ade münyürü khüta adrünung; tunüo meshünung ko tranung!

JOHAN 4:14

ta sürünü Ihnü jüba kih yongro khodesü müxonung. Ihnü jünungba kih tsünü abi chah kihnatung kangnung, khüi khu abi khyang akangnung kih ko müchangkaba akang jünung.”

JOHAN 6:27

Sühtpah pehba tsuyongnung nengdang tünguchi, ta müchangkaba akang tsuyongnung nengdang nguching. Hiba tsuyongnung tsü Nyitsarü Tsurünü nührü khyang jünung, tunüo Au Tsingrang-nü abi chah akhyüchoba amüdhethsa shingkehjüko.”

JOHAN 7:37

Thsüti achangka dizangba nyümongla Jisu-nü yapü züde yocho, “Sü xoro abi I yanglang ro young.

MISHACHO 7:16

Arüh adelü khodesü müyangnung mahkhang müxonung; nyünü mahkhang tu adhsanü arüh mütahnung,