MATHI 5:5 - AMÜSA BAIBEL (BSI)

⁵ Sürü longlümro arüh amüwanung; tunüo arühnü Tsingrangba-nü nyengchocho ngunung!

MATHI 5:5 Iomraidhean Croise

NENGSEKHI 147:6

Abinü alonglümrü dhimüsure, ta amütsarü alih chah kengkeh nyehre.

NENGSEKHI 149:4

Abüdongba-nü Abi nyitsarü te künyangre; Abinü alonglümrü akoh ngusoh dhichire.

NENGSEKHI 22:26

Ailümrünü tsuxah tsunung; sürü Abüdongba yang roro arühnü Abi senung. Arüh müchangkapü müwasohng!

NENGSEKHI 25:13

Arüh lede müwanung ko arüh tsuzarünü alih tsü khyünung.

NENGSEKHI 25:9

Abinü alonglümrü athsalangla nüre ko arüh te Abi lümlong dore.

NENGSEKHI 37:11

Alonglümrünü alih tsü ngunung ko amüwa ko yangtsa la künyangtanung.

NENGSEKHI 37:22

Abüdongba-nü müwajürütinü alih thsiking ngunung, ta Abinü chokehcholarü iipehnung.

NENGSEKHI 37:29

Amüsarünü alih thsiking khyünung ko hütsüla müchangkapü linung.

NENGSEKHI 37:34

Abüdongba chah nü alongdi yohpüng ko Abi yuzeng bichieng; Abinü nü khyang alih jonü nüh khichinung, ko amütsarü iipehcho nühnü ngunung.

NENGSEKHI 37:9

Abüdongba chah yudsirünü alih thsiking khyünung, ta amütsarülü iipehnung.

NENGSEKHI 69:32

Roto lirünü hi ngude, arühnü künyangnung; Tsingrangba mübürü alaa rezehnung.

ISAYA 11:4

abinü ailümrü yu tsa khanung ko atrorü mülirü athsalang khümnung. Abi yuzeng la müyurü khingchinung, ko amütsarü sünung.

ISAYA 29:19

Ailümrü ko alonglümrünü Israel Amüsa Tsingrang, Abüdongba-nü arüh khyang jüba akünyang tsü thali ngunung.

ISAYA 60:21

Nührü müyurü apümnü tu athsalang hütsü nguchinung; ko alih tsü arühtoh khyünung. Ihnü arüh khyümcho, Ihnü arüh thricho, Atümung te I dicho mishanung nengdang.

ISAYA 61:1

AbüdongbaTsingrang nbü I chah lile, tunüo ailümrü yang yusi atsa thsingyunung. Lasih dhsa lirü kyangjünung, Kümyoh lirü müthehnung, Ko arangyoh la lirü nengdang nyüje sobhonung Abinü Ih müyühjü throchehcho.

ZEFANIA 2:3

Nührü limih la alonglümrü ko Abi yuzeng nyirüti, Abüdongba yang rung. Yuje tsü nguching ko Abüdongba bete nührü jangjang longlüm. Abüdongba zichüro nyümong akhingchi lanü nührü tsiphunungsü kohle.

KHIDHINGCHO 12:3

Mosa tsü limih la atümung tenü alonglüm nyitsarü khüdu licho.

MATHI 11:29

Nührünü I hongzih khyüng ko hütsü dhieng, ko I chahnü nyichoung, tunüo Ih alonglüm ko künale; ko nührünü akyahshang ngunung.

MATHI 21:5

“Zion yangdi te young, Dhing, nü yangthsaba nüh yang tsehle! Abi alonglüm ko Gadu za khüdu chah pümpü.”

ROMRÜ 4:13

Tsingrangba-nü Abraham ko abi chahnü trahchocho te alimih tsü arüh yo thsanung ko nyengchoba tsü yuzeng bichicho ngang mah, ta abinü yudsicho ngang abi amüsa kang khyüchocho, ko abinü limih tsü jücho.

GALATIARÜ 5:23

alonglüm, ko abürü jangjang rahsehba. Hiri chah khu apa yuzeng tu mühle.

EFESIARÜ 4:2

Lede azikyah kang, longlüm, ko rangcho lieng. Khüdunü khüdu te rangchotanü nührü amüi ngusohng.

KOLOSIRÜ 3:12

Nührü Tsingrangba nyitsarü lile; abinü nührü müicho ko nührü apu yo thsanung throchehcho. Hütsüeko nührünü dhsa lümba, amüi, azikyah kangba, alonglüm, ko arangcho hiri khüm.

1 TIMOTI 6:11

Ta nüh, Tsingrangba nyitsarü, hiri atümung lanü za lieng. Amüsaba, Tsingrangba kyoba, yudsi, amüi, arangcho ko alonglüm hiri nengdang müküpm.

2 TIMOTI 2:25

abi nyümrü longlümnü müchongchijüng, tunüo Tsingrangba-nü arüh lasih thsamülasohnü yuje tsü müdhe ronung kohle.

TITAS 3:2

Sü nengdangsü amütsa müchonung, ta tsata linung ko lede atümung te kangli atsa ngusohnung young.

JAKOB 1:21

Hütsüeko amümüsa ko akhürah saying apüm pehjüng. Ko Tsingrangba-nü nührü lasih la lengjüba yu khüinü nührü khümchonung kohro hütsü khyüchoung.

JAKOB 3:13

Nührü yola lümlong azeh mahkhang anyicheh khürü lirü mah-o? Abinü apu akang atsa nguchi ko lümlongnü yuzi ngusohbae.

1 PETER 3:15

Ta nührü lasih la Khrista jengreng drüng, ko Abüdongba roh-i abi heching. Shikhe apüm la, masüte abi chah nührü alongdi changnah youngde yochehnungthsa rungnüm lieng,

1 PETER 3:4

Hütsü mülih, nührü lasiking tsah atsa, müshi-müziba tsah atsa, aküna ko alonglüm nbü, khüi Tsingrangba lahpi amii adiuba liro, hiri kehbae.