MATHI 5:18 - AMÜSA BAIBEL (BSI)

¹⁸ Ning ko alih müchangde ashingkehcho azauba mahkhang yuzeng yola azauba khüdu dusü mütikehpü mükhutsinung.

MATHI 5:18 Iomraidhean Croise

NENGSEKHI 102:26

Arüh changnung, ta Nüh linung; Shü kyo arüh apüm threhnung. Nühnü shü kyo arüh pehnung, ko arüh changnung;

NENGSEKHI 111:8

Arüh lede nengdang lile; arüh yuje ko Amüsa la jücho.

NENGSEKHI 119:152

Akhulangnü Ihnü Nü athülaba nyichehko; Nühnü arüh achangka müli lisohnung külüpko.

ISAYA 40:8

Ho, za talüpre ko yungpi mükure, ta Tsingrangba yu lede lire.”

ISAYA 44:26

Ta I dikehbanü choyohde, Ihnü I lümchung müdhesohnung yu hiri müdhede, Ihnü I lümchung ko choyohti tsü tikehsohre. Ihnü Jerusalem te, hütsüla thali nyitsarü linungepü yore, ko Juda yangdi tsü külüpchinung: hütsüri yangditi tsü chang licho lanü khamüsunung.

ISAYA 51:6

Ningchah kehchü dhing; alimih chah dhing! Ningti mikhu kyo changpehnung; alimih tsü shüthreh kyo kangnung, ko nyitsarüti apüm sümüza kyo sükhangnung. Ta Ihnü hiroba akhümcho tsü achangka mülinung; I akoh tsü achangka thsanung.”

MATHI 10:15

Ihnü ajüje yore, yukhaba nyümongla Tsingrangba-nü hütsüla liba nyitsarüti tenülü Sodom ko Gomora la liba nyitsarü te achomang alaa ngunung!

MATHI 10:23

Khode arühnü yangdi khüdula nührü dhsümthsenang, yangdi palang tsieng. Ihnü ajüje yore, “Nyitsarü Tsurü müroede nührünü Israel yangdi apüm la nührü nguchi münguchikhangenung.

MATHI 10:42

Ajüje Ihnü nührü te yore, sünü hiri I mono yola azikyauba khüdu khyang I mono thsachonü kihrü shingo dusü tihnang jiyü nguriri.”

MATHI 11:11

Ihnü nührü te yutsatsa yore, khingkurüti chahnü surocho yola Johan Baptijüba tenü adiuba sü müchüro; ta sü Ninglang Yanglih la azauba liro abi tsü Johan tenü adiuba.

MATHI 13:17

Ihnü nührü te yore, azikehrü adrong ko Tsingrangba nyitsarü adrongnü nührünü nguba khütang ngunyücho, ta arühnü müngu, ko nührünü yuchiba yuchinyücho, ta arühnü müyuchi.

MATHI 16:28

Ihnü nührü te ajüje yore, Nyitsarü Tsurü yangthsarü kyo rocho müngudelü müsünung nührü yola khürü hila lile.”

MATHI 17:20

“Hütsü nührü yudsi mükükyüchonüe” Jisu-nü lalingcho. “Ihnü ajüje nührü te yore, nührü yudsi xehnyi tse toh-i dusü likhang, nührünü hiba akhang te yonung kohnung, ‘Hilanü hütsüla wüng!’ Ko hütsüla wünung. Nührünü lüpcho kohnung!”

MATHI 18:18

“Hütsüeko Ihnü nührü atümung te yore: Limih la nührünü tu yatinang ninglangsü yatinung, ko limih la nührünü tu mülanang ninglangsü mülanung.

MATHI 18:3

ko yocho, “Ihnü ajüje nührü te yore, nührü mülichi azarü roh-i mükangde, ninglang Yanglih la nührü khodesü müzüduchehnung.

MATHI 19:23

Hütsüde Jisu-nü amonoti te yocho, “Ihnü ajüje nührü te yore: Alirü nengdang ninglang Yanglih la züdunung dee athsah thsanung.”

MATHI 19:28

Jisu-nü arüh te yocho. “Ihnü nührü te ajüje yore, khode Nyitsarü Tsurü tsü Shang Asi la abi ahechi pümji la pümnang, hütsüde nührü I khanglang iirorüti dhüreanyüsü yangthsarü pümji chah pümpü, Israel hung dhüreanyüh michah yangthsa thsanung.

MATHI 21:21

Jisu-nü lalingcho, “Ihnü nührü te ajüje yore, nührünü mütütohnyünyehpü yudsikhang, Ihnü hiba ngurüsing chah nguchicho kyo nührünüsü nguchichehnung. Hütsü du mah, ta nührünü hiba akhang te, ‘Shemüsung ko Kihdi la tsü longyohng’ pü yocho mii tikehnung.

MATHI 21:31

Anyüh yola khüibanü aunü lümcho nguchicho?” “Aziba tsünü” arühnü lalingcho. Hütsünü Jisu-nü arüh te yocho, “Ihnü nührü te yore: Alihmüthsü dhrirü ko nahtrahnaxenglarü nührü te akhu Tsingrangba yanglih la züdure.

MATHI 23:36

Ihnü nührü te yutsatsa yonung; hiri atümung müpsehcho akhingchi tsü hiba shang chah küdunung!

MATHI 24:2

Abinü yocho “Ho, nührünü hiri atümung tsa du ngule. Ihnü hi nührü te yore: hila lung khüdu mii ajojila müjonung; arüh apüm trümnyangpehnung.”

MATHI 24:47

Ajüje Ihnü nührü te yore, Abüdongba tsünü hütsüba kulibong tsü abi kuthsi apüm müshosohnung.

MATHI 25:12

Ta kukangbong tsünü lalingcho. Ihnü nührü mümüdhe.”

MATHI 25:40

Yangthsabanü lalingnung, ‘Ihnü nührü te yore, khodederü nührünü I jünirü azauba khüdu te nguchicho, hütsü I khyang nguchiko!’

MATHI 25:45

Yangthsabanü lalingnung, ‘Ihnü nührü te yore, khodederü nührünü hiri azauba khüdu tronung dhsonglicho hütsü nührünü Ih tronung dhsongliko.’

MATHI 5:26

Ihnü nührü te yore, nühnü akhang tsü müsahkhangdelü nüh hütsüla linung.

MATHI 6:16

“Ko khode nührünü kongnang, akhürahrü roh-isü romih tümükhüm. Arüh kongcho nyitsarü khyang ngusohnung nengdang arühnü arüh romih mükhümre. Ihnü yore, arüh khyang ajeng jopehko.

MATHI 6:2

“Hütsüeko khode nührünü chongcharü khyang lango jünang, akhürahrütinü amübükuh la ko yanglongla ngusohnung nengdang nguchicho roh-i tünguchi. Arühnü hütsü nyitsarünü arüh sesohnung nengdang nguchire. Ihnü yore, arüh khyang ajeng jopehko.

MATHI 8:10

Khode Jisu-nü hi yuchicho, abi nyemüyangcho ko abi khanglang iirorüti te yocho, “Ihnü nührü te yore, Israel la hiroh-i yudsi lirü Ihnü müngue.

MARK 10:15

Ihnü nührü te yutsatsa yore, Sürünü Tsingrangba yanglih tsü azarü roh-i mükhyüchonang hütsüla khodesü müzüdunung.”

MARK 10:29

Jisu-nü arüh te yocho, “Ihnü nührü te yutsatsa yore, khürünü I nengdang ko Yuse atsa nengdang kuh, amung-ani mahkhang afü-ani mahkhang au mahkhang atpa mahkhang atsurü mahkhang luphiyongphi pehjünang,

MARK 11:23

Ihnü ajüje nührü te yore, “Sürünü hiba zong te, nüh dhimüsung ko kihdi la longyohng pü yonang ko alasih la tu alümxü mülipü abinü tu yoro, hütsü tikehnungepü yudsinang, hütsü abi te nguchinung.

MARK 12:43

Abinü amonoti müjang abi yang dsibülung arüh te yocho, “Ihnü nührü te yore, amübü thsi zahkehsingla tsü aparü atümung tenü chomitpü tsünü alaa yohko.

MARK 13:30

Yutsatsa Ihnü nührü te yore, hiri atümung mütikehdelü hiba shang mükhutsinung.

MARK 14:18

Ko arüh tsingthsang chah yangtsu pümde, Jisu-nü yocho, “Ihnü nührü te yore, Nührü yola Ite yangtsurü khüdunü Ih kihyochüjünung.”

MARK 14:25

Ihnü nührü te yore, Tsingrangba yanglih la cikih asi müyongde Ihnü khodesü hiba cikih thali müyongnung.”

MARK 14:30

Jisu-nü Peter te yocho, “Ihnü nüte yore, shomülang hünanü anyüpili mükhongde, nühnü Ih asangpili münyengchonung.”

MARK 14:9

Ade, Ihnü nührü te yore, limih apümlang khüdederü yuse atsa thsingyunang, abükyünü tu nguchicho hütsü lümcheh chonung.”

MARK 3:28

“Yutsatsa Ihnü nührü te yore, Nyitsarü münyiti ko Tsingrangba nyüm müchümükehcho apüm mülangpehjünung kohle.

MARK 6:11

Nührü yang khüdula wüde nührü mükhyücho mahkhang nührü yu mühnyikhang, nührü jingchah asongsong tiipeh tsieng. Hütsü arüh nengdang amüzahnung khüdu thsanung!”

MARK 8:12

Ta Jisu-nü asah soh müshüpü yocho, “Tuepü chünye nyitsarütinü thsayahiya yangchiro? Ihnü yore, hiri nyitsarü khyang hitari yuzi müjünung!”

MARK 9:1

Ko abinü mütozah yocho, “Ihnü nührü te yore, Tsingrangba yanglih zii la roba müngudelü müsünung hila khürü zehle.”

MARK 9:41

Sünü I khyanglangnü nührü khyang kih shingo dusü tihnang ajingcho ngunungepü Ihnü nührü te yutsatsa yore.

YUSE ATSA LUK 11:51

Abel müpsehcho tinü Zekaria, sü bholu ko amüsa müdüm nyüh kahlanü müpsehcho nengdang hiba shang nyitsarü khingchinung. Ho, Ihnü nührü te yore, arüh atümung nengdang hiba shang nyitsarü khingchinung!

YUSE ATSA LUK 12:37

Kulirüti sürü abüdongba rode kukeng rungnüm li nguro arüh khüta akünyangnung! Ihnü nührü te yore, abinü apu jengki khyünung, arüh pümsohnung ko arüh khyang chahla jünung.

YUSE ATSA LUK 13:35

Hütsüeko nührü amübükuh pehjünung. Ihnü nührü te yore, ‘Abüdongba nengla sü roro abi müwajüng pü yonung bekhyah müchide nührünü Ih müngunung.’ ”

YUSE ATSA LUK 16:17

Ta yuzeng athrehkohcho khüdu pehnung tenü ning ko alih changnung amülaba.

YUSE ATSA LUK 18:17

Hi lümchehng! Sünü Tsingrangba yanglih tsü azarü khüdu roh-i mükhyüchonang hütsüla khodesü müzüdunung.”

YUSE ATSA LUK 18:29

Jisu-nü arüh te yocho, “Yutsatsa Ihnü nührü te yonung, sünü Tsingrangba yanglih khyanglangnü kuh mahkhang anitpü mahkhang jünirü mahkhang tpurü mahkhang tsuzarüti pehjünang,

YUSE ATSA LUK 23:43

Jisu-nü abi te yocho, “Ihnü nüte yutsatsa yore, Chünye nüh Ite Paradise la linung.”

YUSE ATSA LUK 4:24

Ihnü nührü te yuje yore, “Palu lih lalü azikehrü tsü khodesü mükhyüchore.”

JOHAN 1:51

Ko abinü arüh te yocho, “Ihnü nührü te yutsatsa yore: Ning khangthrupü Tsingrangba riwürüti Nyitsarü Tsurü michah jüroli-tuwüli ko nührünü ngunung.”

JOHAN 10:1

Jisu-nü yocho, “Ihnü nührü te yutsatsa yore: Nyitsarü sünü trahtri khunü San kuh la müzüropü lang palangnü züronang, abi aführü ko fükhohrü.

JOHAN 10:7

Achotsü abinü anyüpiusü yocho, “Ihnü nührü te yutsatsa yore: Ih San trahtri.

JOHAN 12:24

Ihnü nührü te yutsatsa yore: Fürü püm-o tsü alih la long müsühkhang anabi du jore, ta abi sühkhang abinü asih khütango sihre.

JOHAN 13:16

Ihnü nührü te yutsatsa yore: ayurü süsü Abüdongrü tenü adiuba mah, ko yusi hirü süsü riwüsohbong tenü adiuba mah.

JOHAN 13:38

Jisu-nü lalingcho, “Nühnü I nengdang sünung yuje rungnüm lirü ang? Ihnü nüte yutsatsa yore: Hüna mükhongde nühnü Ih mümüdhepü asangpili yonung.”

JOHAN 14:12

Ihnü nührü te yutsatsa yore: Sünü I chah yudsiro Ihnü tu nguchiro abinü hütsü nguchinung, ho, abinü adiu mii nguchinung, tunüo Ih Au yanglang würe.

JOHAN 16:20

Ihnü nührü te yutsatsa yore: Nührünü tranung, wahnü me tranung, ta limihlü künyangnung; nührü wahnung, ta nührü awah tsü akünyang kangnung.

JOHAN 16:23

“Khode hütsüba nyümong ronang, nührünü tu nengdangsü Ite mütsingdhingnung. Ihnü nührü te yutsatsa yore: nührünü I nengla Au te tuturü chingnang, abinü nührü khyang jünung.

JOHAN 21:18

Ihnü nüte yutsatsa yore: Nüh dhrezade, nü jangjangthsa shü rapü nü wünyücholang wücho; ta nüh khode ashirü kangnang, nühnü nü kheh müyungchünung ko aparünü nü shü rajünung ko nüh müwünyücholang nowünung.”

JOHAN 3:11

Ihnü nüte yutsatsa yore: Ihrünü tu müdhero hütsü chore ko ihrünü tu ngucho hütsü nengdang yuzi jüre, ta nührü sünüsü ihrü yusi mükhyüchonyüre.

JOHAN 3:3

Jisu-nü lalingcho, “Ihnü nüte yutsatsa yonung: anyüpili müsurokhang sünüsü Tsingrangba yanglih müngunung.”

JOHAN 3:5

Jisu-nü lalingcho, “Ihnü nüte yutsatsa yore,” “Kih ko Anbü la müsurokhang, sünüsü Tsingrangba yanglih la züdunung mükoh.

JOHAN 5:19

Hütsünü Jisu-nü arüh te lalingcho, “Ihnü nührü te yutsatsa yore: Aunü nguchi ngucho chah khu Atsudhrenü apu jangjangthsa tusü münguchicheh. Aunü tu nguchinang, Atsudhre nüsü hütsü du nguchire.

JOHAN 6:26

Jisu-nü lalingcho, “Ihnü nührü te yutsatsa yore: nührünü thsayahiya nyichehchonü mah, ta hümdhse mi jeng tsuxah tsuchonü Ih yangchire.

JOHAN 6:32

Jisu-nü yocho, “Ihnü yutsatsa nührü te yore: Nührü khyang ninglangnü tsuyongnung jüba tsü Mosa mah; ta ninglangnü yuje tsuyongnung jüba tsü I U nüe.

JOHAN 6:47

Ihnü yutsatsa nührü te yore: Sünü yudsiro abi müchangkaba akang lile.

JOHAN 6:53

Jisu-nü yocho, “Yutsatsa Ihnü nührü te yore: Nührünü Nyitsarü Tsurü shuh mütsukhang ko abi shüh müyongkhang, nührübürü chah akang mühle.

JOHAN 8:34

Jisu-nü arüh te yocho, “Ihnü nührü te yutsatsa yore: Sünü amünyi shitpahro abi amünyi yurü.

JOHAN 8:51

Ihnü nührü te yutsatsa yonung: Sünü I yu nyiro abi khodesü müsünung.”

JOHAN 8:58

Jisu-nü arüh te lalingcho, “Ihnü nührü te yutsatsa yore: Abraham müsuroedenü Ih licho.”

1 PETER 1:25

ta Abüdongba yu tsü lede lire.” Nührü te sobhoba yu tsü hiba Yuse Atsa nengdang lile.

MISHACHO 20:11

Hütsüpü yangthsaba pümji athru amülah ko hütsüla pümba Ihnü ngucho. Abi betenü ning ko alimih shehmüicho ko müngupehcho.